காஷ்மீர் குங்குமப்பூவிற்கு புவிசார் குறியீடு பெற முயற்சி

**Muthumohamed** · **Muthumohamed** Sat Jul 25, 2020 6:54 pm

ஜம்மு: ஜம்முகாஷ்மீர் மாநிலத்தின் புகழ் பெற்ற குங்குமப்பூவிற்கு புவிசார் குறியீடு பெறுவதற்கான முயற்சி எடுக்கப்பட்டுள்ளது.

இது குறித்து ஜம்மு யூனியன் பிரதேசத்தின் துணை நிலை கவர்னர் கிரிஷ் சந்தர் முர்மு தெரிவித்து இருப்பதாவது: கவர்னாக பொறுப்பேற்ற உடன் மாநிலத்தின் குங்குமப்பூவிற்கு புவிசார் குறியீடு சான்று பெற முயற்சி எடுக்கப்பட்டது. இதன் முதற்கட்டமாக குங்குமப்பூவை புவிசார் குறியீடு பெற பதிவு செய்வதற்கான சான்றிதழை மத்திய அரசு வெளியிட்டுள்ளது. பள்ளத்தாக்கின் முக்கிய பிராண்டாக உள்ளதை உலக வரைபடத்தில் கொண்டு வருவதற்கான ஒரு வரலாற்று நடவடிக்கையாகும். என கவர்னர் கூறினார்.

இது குறித்து மாநில அதிகாரி கூறியதாவது: உலகில் காஷ்மீரில் மட்டுமே 1,600 மீட்டர் உயரத்தில் குங்குமப்பூ வளர்க்கப்படுகிறது. புவிசார் குறியீடு கிடைக்கும் பட்சத்தில் கலப்படத்தை தடுத்து நிறுத்த முடியும். மேலும் விவசாயிகளுக்கு எதிர்பார்க்கப்படும் விலையை பெற உதவும். நடப்பு பருவத்தில் சிறந்ததொரு உற்பத்தி எதிர்பார்க்கப்படுகிறது.
குங்குமப்பூவிற்கு புத்துயிர் அளிக்கும் வகையில் நேஷனல் மிஷன் பார் சஃப்ரான்(என்எம்எஸ்) தோற்றுவிக்கப்பட்டது. இதற்காக மத்திய அரசு சுமார் ரூ.411 கோடி ஒதுக்கி உள்ளது.இதன்மூலம் சுமார் 3,700 ஏக்கருக்கும் மேலாக பரப்பளவு அதிகரிக்கப்படுகிறது. இவ்வாறு அவர் கூறினார்.

நன்றி
தினமலர்

**ayyasamy ram** · **ayyasamy ram** Sun Jul 26, 2020 3:39 am

காஷ்மீர் குங்குமப்பூவிற்கு புவிசார் குறியீடு பெற முயற்சி 103459460

-
தற்போது கொடைக்கானல் பகுதியில் குங்குமப்பூ
கிழங்குகள் நடவு செய்து 4 வருடம் ஆகிறது.
காஷ்மீரில் அக்டோபர் மாதத்தில் பூக்கும் பூக்கள்
கொடைக்கானலில் செப்டம்பர் மாதத்திலேயே
பூத்து விட்டன. இதுவரை 50க்கும் மேற்பட்ட பூக்கள்
பூத்து குலுங்குகின்றன.
இது ஒரு மிகப்பெரிய வெற்றியாகும்....
--
இது சுமார் நான்கு ஆண்டுகளுக்கு முன வந்த செய்தி.
தற்போதைய நிலை தெரியவில்லை....

காஷ்மீர் குங்குமப்பூவிற்கு புவிசார் குறியீடு பெற முயற்சி

காஷ்மீர் குங்குமப்பூவிற்கு புவிசார் குறியீடு பெற முயற்சி

Re: காஷ்மீர் குங்குமப்பூவிற்கு புவிசார் குறியீடு பெற முயற்சி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக