பிரணாப் முகர்ஜி அவர்கள் காலமானார்.

**T.N.Balasubramanian** · **T.N.Balasubramanian** Mon Aug 31, 2020 6:20 pm

முன்னாள் குடியரசுத் தலைவர் பிரணாப் முகர்ஜி டெல்லியில் இன்று (ஆகஸ்ட் 31) மாலை காலமானார். அவருக்கு வயது 84

மூளையில் ஏற்பட்ட கட்டி காரணமாக உடல்நலம் பாதிக்கப்பட்டிருந்த பிரணாப் முகர்ஜி, டெல்லியில் உள்ள ராணுவ மருத்துவமனையில் கடந்த 10 ஆம் தேதி (ஆகஸ்ட் 10) அனுமதிக்கப்பட்டிருந்தார். அங்கு அவருக்கு அறுவை சிகிச்சை செய்யப்பட்ட நிலையில், கொரோனா நோய்த்தொற்று கண்டறியப்பட்டது.

இதன் காரணமாக தொடர்ந்து உடல்நிலை பாதிக்கப்பட்டிருந்த நிலையில், அவருக்கு செயற்கை சுவாச உதவியுடன் சிகிச்சை அளிக்கப்பட்டு வந்தது. தொடர்ந்து பல நாட்கள் கோமா நிலையில் இருந்த அவர் சிகிச்சை பலனின்றி இன்று உயிரிழந்தார்.

நன்றி சமயம்

**T.N.Balasubramanian** · **T.N.Balasubramanian** Mon Aug 31, 2020 6:21 pm

ஆழ்ந்த வருத்தங்கள். அவர் ஆத்மா சாந்தி அடைக.

அவரது பிரிவால் வாடும் அவர் குடும்பத்திற்கு ஆழ்ந்த அனுதாபங்கள்.

**ayyasamy ram** · **ayyasamy ram** Mon Aug 31, 2020 8:05 pm

ஆழ்ந்த வருத்தங்கள். அவர் ஆத்மா சாந்தி அடைக.
-
நாட்டின் 13-வது குடியரசுத் தலைவர் பிரணாப் முகர்ஜி
-
பிரணாப் முகர்ஜி, மேற்கு வங்கத்தில் உள்ள மிரடி எனும்
சிறு கிராமத்தில் 1935-ஆம் ஆண்டு டிசம்பர் 11-ம் தேதி
பிறந்தார். அரசியல், வரலாறு மற்றும் சட்டத் துறையில்
பட்டங்கள் பெற்றவர்.

காங்கிரஸ் கட்சியின் மூத்தத் தலைவர்களில் ஒருவராக
விளங்கிய பிரணாப், காங்கிரஸ் தலைமையிலான மத்திய
அரசில் பல்வேறு துறைகளில் பதவிகளை வகித்தவர்.

மத்திய அரசில் பல்வேறு துறைகளில் பதவிகளை வகித்தவர்.
அவர் வகிக்காத மத்திய அமைச்சகப் பொறுப்புகளே இல்லை
என்று சொல்லும் அளவுக்கு அவரது பணி அளப்பரியது.

அரசியலுக்கு வருவதற்கு முன்பு பிரணாப் கல்லூரிப்
பேராசிரியராக ஐந்து ஆண்டுகள் பணியாற்றினார்.

5 முறை மாநிலங்களவை எம்பியாக தேர்வு செய்யப்பட்டவர்.

ஆசிரியர், பத்திரிகையாளர், சமூக சேவகர், அரசியல்வாதி என
பன்முகத் திறன் கொண்டவர்.

1982-ஆம் ஆண்டு இந்திரா காந்தி தலைமையிலான மத்திய
அரசில் நிதியமைச்சராக பதவி வகித்தவர். 47 வயதில் மத்திய
நிதியமைச்சர் பொறுப்பை பிரணாப் ஏற்ற போது, நாட்டின் மிக
இளம் வயது நிதியமைச்சர் என்ற பெருமையும் பிரணாப்புக்குக்
கிடைத்தது.

2009-ஆம் ஆண்டு காங்கிரஸ் தலைமையிலான மத்திய
அமைச்சரவையில் மீண்டும் பிரணாப் முகர்ஜிக்கு மத்திய
நிதியமைச்சர் பொறுப்பு வழங்கப்பட்டது.

நாட்டின் 13வது குடியரசுத் தலைவராக பதவியேற்ற பிரணாப் முகர்ஜி,
2012 முதல் 2017ஆம் ஆண்டு வரை நாட்டின் குடியரசுத் தலைவராக
பதவி வகித்தார்.

50 ஆண்டுகால அரசியல் அனுபவம் கொண்ட பிரணாப் முகர்ஜிக்கு
2008-ஆம் ஆண்டு பத்ம விபூஷண் விருது வழங்கப்பட்டது.

2019-ஆம் ஆண்டு பிரணாப் முகர்ஜிக்கு நாட்டின் மிக உயரிய
விருதான பாரத ரத்னா விருது வழங்கி மோடி தலைமையிலான
மத்திய அரசு கௌரவித்தது.
--
நன்றி-தினமணி