அருந்ததி ராய் புத்தகம் பாடத்திட்டத்தில் இருந்து நீக்கம்

**ayyasamy ram** · **ayyasamy ram** Thu 12 Nov 2020 - 12:12

-
அருந்ததி ராய்
---------------------------------------
சென்னை:

அருந்ததி ராய் எழுதிய Walking with Comrades என்ற
புத்தகம் மனோன்மணியம் சுந்தரனார் பல்கலைக்கழக
பாடத்திலிருந்து நீக்கப்பட்டுள்ளது.

ஏ.பி.வி.பி. எதிர்ப்பு தெரிவித்த நிலையில் அருந்ததி ராய்
எழுதிய புத்தகம் பாடத்திட்டத்திலிருந்து நீக்கப்பட்டுள்ளது.

எம்.ஏ. ஆங்கில இலக்கிய பாடத்தில் அருந்ததி ராய் எழுதிய
Walking with Comrades என்ற புத்தகம் இடம் பெற்றிருந்தது.

நேற்று நடைபெற்ற சிண்டிகேட் கூட்டத்தில் அருந்ததி ராய்
எழுதிய புத்தகத்தை நீக்குவது என முடிவு
செய்யப்பட்டதையடுத்து, பாடத்திட்டத்தில் இருந்து
நீக்கப்பட்டுள்ளது.

மாலைமலர்

**ayyasamy ram** · **ayyasamy ram** Thu 12 Nov 2020 - 12:13

நெல்லை:

நெல்லை மனோன்மணியம் சுந்தரனார் பல்கலைக்கழக துணைவேந்தர்
பிச்சுமணி கூறியதாவது:

நெல்லை மனோன்மணியம் சுந்தரனார் பல்கலைக்கழக பாடத்திட்டத்தில்
இருந்து எழுத்தாளரும் சமூக செயற்பாட்டாளருமான அருந்ததி ராயின்
Walking with the Comrades என்ற புத்தகம் நீக்கப்பட்டுள்ளது.

பாஜகவின் மாணவர் அமைப்பான ஏ.பி.வி.பி. எதிர்ப்பையடுத்து
எம்.ஏ. ஆங்கில இலக்கிய பாடத்திட்டத்தில் இருந்து புத்தகம் நீக்கப்பட்டுள்ளது.

மாவோயிஸ்ட், நக்சலைட்டுகளின் பகுதிகளுக்கு சென்ற அனுபவம் குறித்து
அருந்ததி ராய் புத்தகத்தில் எழுதியிருந்தார்.

எதிர்ப்பு எழுந்ததால் சிண்டிகேட் கூட்டத்தில் முடிவு எடுக்கப்பட்டு புத்தகம்
நீக்கப்பட்டது.

இவ்வாறு அவர் கூறினார்.

**ayyasamy ram** · **ayyasamy ram** Thu 12 Nov 2020 - 13:14

அருந்ததி ராய் எழுதிய புத்தகம் பாடத்திட்டத்தில்
இருந்து நீக்கப்பட்டதற்கு திமுக எம்.பி. கனிமொழி
கண்டனம் தெரிவித்துள்ளார்.

இது குறித்து தனது டுவிட்டர் பக்கத்தி பதிவிட்டுள்ள
அவர், “ஆட்சியதிகாரமும், அரசியலும் எது கலை,
எது இலக்கியம் எதை மாணவர்கள் படிக்க வேண்டும்
என்று முடிவு செய்வது ஒரு சமுதாயத்தின்
பன்முகத்தன்மையை அழித்து விடும்” என்று
தெரிவித்துள்ளார்.
-
-------------------------
தினத்தந்தி