சசிகலா தங்கியிருக்கும் சொகுசு விடுதியின் கேட்டை தொட்டு வணங்கி செல்லும் ஆதரவாளர்கள்...

**ayyasamy ram** · **ayyasamy ram** Sat Feb 06, 2021 12:17 pm

கொரோனாவால் பாதிக்கப்பட்ட சசிகலா கடந்த 31-ஆம் தேதி
விக்டோரியா மருத்துவமனையில் இருந்து டிஸ்சார்ஜ் செய்யப்பட்டு
பெங்களூரு புறநகர் பகுதியில் உள்ள சொகுசு விடுதியில் தங்கி
வருகிறார்.

ஏழு நாட்கள் தனிமைப்படுத்திக் கொள்ளுமாறு மருத்துவர்களின்
அறிவுரை இருப்பதால் தற்போதைக்கு அவர் யாரையும் பார்க்காமல்
தனிமையில் ஓய்வெடுத்து வருகிறார்.

இந்நிலையில் தொடர்ந்து அவரைக் காண்பதற்காக அவரது
ஆதரவாளர்களும் சொகுசு விடுதி முன்பு கூடி வருகிறார்கள்.
அதிமுக கர்நாடக மாநில செயலாளர் யுவராஜ் நேற்று முன்தினம்
சசிகலாவை சந்திக்க வந்த காரணத்தினால் அதிமுக கட்சியில்
இருந்து அதிரடியாக நீக்கப்பட்டார்.

இந்த நிலையில் தொடர்ந்து சசிகலாவை காண்பதற்கு அவருடைய
ஆதரவாளர்களும் தொண்டர்களும் சொகுசு விடுதி முன்பு கூடி வருகின்றனர்.

நேற்று பெங்களூருவைச் சேர்ந்த சுமார் 30க்கும் மேற்பட்ட சசிகலாவின்
ஆதரவாளர்கள் சசிகலாவை சந்திக்க சொகுசு விடுதியின் முன்பு கூடினர்.
அவர்களுக்கு சசிகலாவை காண அனுமதி மறுக்கப்பட்ட நிலையில்
சசிகலா தங்கியுள்ள சொகுசு விடுதியின் வாயிலை தொட்டு வணங்கி
சென்றனர்.

சசிகலா தமிழகம் திரும்பிய உடன் அதிமுக கட்சி அவரிடம் சென்றடையும்
என்பதில் மாற்று கருத்து இல்லை எனவும் அவர்கள் நம்பிக்கை தெரிவித்துள்ளனர்.
சசிகலா ஆதரவாளர்களின் செயலை அந்த சொகுசு விடுதியில் இருந்த
பாதுகாவலர்கள் வினோதமாக பார்த்துக் கொண்டிருந்தனர்.

இதே போல் மாலையில் விடுதி முன்பு வந்த ஆதரவளார்கள் அதிமுக
கொடியோடு சசிகலா-விற்கு ஆதரவாக முழக்கமிட்டனர்,
8ஆம் தேதி சசிகலா தமிழகம் திரும்பவுள்ள நிலையில் அதிமுக கொடியுடன்
அவரை வரவேற்போம் என தெரிவித்தனர்.

நியூஸ் 18

**ayyasamy ram** · **ayyasamy ram** Sat Feb 06, 2021 12:19 pm

சசிகலாவுக்கு வரவேற்பு பேரணி நடத்த காவல்துறையினர் அனுமதி மறுப்பு

பிப்ரவரி 8-ம் தேதி சென்னைக்கு வரவுள்ளார் சசிகலா.

சசிகலாவை வரவேற்பதற்காக அமமுக கட்சியினர் தீவிர
ஏற்பாடுகள் செய்து வருகின்றனர். அவர் வருகையை முன்னிட்டு
அதிமுக நிர்வாகிகள் பலர் வாழ்த்து போஸ்டர்களையும் ஒட்டி
வருகின்றனர்.

அதோடு சசிகலா வருகையை ஒட்டி, சென்னையில் போரூர்
முதல் வரவேற்பு பேரணி நடத்த அமமுக துணை பொதுச்செயலாளர்
செந்தமிழன் காவல்துறையில் அனுமதி கேட்டிருந்தார்.

மனுவில் தெளிவான தகவல் இல்லை என்பதால், காவல்துறை
தரப்பில் சசிகலா வரவேற்பு பேரணிக்கு அனுமதி மறுக்கப்பட்டுள்ளது.
மனுவில் தெளிவான தகவல் இல்லை என்பதால் பேரணிக்கான
அனுமதி மறுக்கப்பட்டுள்ளதாக தெரிவிக்கப்பட்டுள்ளது.

இதையடுத்து அமமுக தரப்பில் புதிய மனு அளிக்க திட்டமிடப்பட்டுள்ளது.

நியூஸ் 18

Guest · Guest Sat Feb 06, 2021 11:38 pm

இது தமிழ்நாடு..இங்கே இப்படித்தான் நடக்கும்.நல்லது செய்தால் கடவுள் எனச் சொல்லும் நிலை மாறி கொள்ளை அடிப்பவன் கடவுள் என்றாகி விட்டது.குஷ்புவுக்கு கோயில் கட்டும் நாட்டில் இதுவும் நடக்கும்.

**Dr.S.Soundarapandian** · **Dr.S.Soundarapandian** Tue Feb 09, 2021 8:17 am

'இது தமிழ்நாடு..இங்கே இப்படித்தான் நடக்கும்.நல்லது செய்தால் கடவுள் எனச் சொல்லும் நிலை மாறி கொள்ளை அடிப்பவன் கடவுள் என்றாகி விட்டது.குஷ்புவுக்கு கோயில் கட்டும் நாட்டில் இதுவும் நடக்கும்.' -

சக்தி18 சூப்பர்!

Sponsored content · Sponsored content

சசிகலா தங்கியிருக்கும் சொகுசு விடுதியின் கேட்டை தொட்டு வணங்கி செல்லும் ஆதரவாளர்கள்...

சசிகலா தங்கியிருக்கும் சொகுசு விடுதியின் கேட்டை தொட்டு வணங்கி செல்லும் ஆதரவாளர்கள்...

Re: சசிகலா தங்கியிருக்கும் சொகுசு விடுதியின் கேட்டை தொட்டு வணங்கி செல்லும் ஆதரவாளர்கள்...

Re: சசிகலா தங்கியிருக்கும் சொகுசு விடுதியின் கேட்டை தொட்டு வணங்கி செல்லும் ஆதரவாளர்கள்...

Re: சசிகலா தங்கியிருக்கும் சொகுசு விடுதியின் கேட்டை தொட்டு வணங்கி செல்லும் ஆதரவாளர்கள்...

Re: சசிகலா தங்கியிருக்கும் சொகுசு விடுதியின் கேட்டை தொட்டு வணங்கி செல்லும் ஆதரவாளர்கள்...

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக