ஜக்குபாய் விவகாரம் கை கொடுத்த கலைஞர் டி.வி

rikniz · rikniz Wed 13 Jan 2010 - 22:16

இன்டஸ்ட்ரியையே குலுக்கி போட்டுவிட்டது ஜக்குபாய் விவகாரம். "எதுக்கெடுத்தாலும் முதல்வரை பார்க்க போயிடுறீங்க. அவரை வேறு வேலை செய்ய விடுங்க" என்று பத்திரிகையாளர்கள் சரத்குமாரிடம் கேள்வி கேட்கிற அளவுக்கு திரண்டு போய் முதல்வரை சந்தித்தது கலையுலகம். அவரும் உடனடியாக சில முடிவுகளை அறிவித்து கலையுலகத்தின் கவலையை போக்கினார். ஆனால் விசிடியாக வந்த ஜக்குபாய் படம் இன்னும் பல ஊர்களுக்கு டிராவல் ஆகிக் கொண்டுதான் இருக்கிறது. இன்டர்நெட் ஒளிபரப்பையும் நிறுத்த முடியவில்லை. என்ன செய்வது என்று யோசித்த சரத்குமார், படத்தின் க்ளைமாக்சை மாற்றிவிடலாம் என்று முடிவு செய்தாராம்.

இன்ஸ்டன்ட் இயக்குனர் கே.எஸ்.ரவிகுமார் உடனடியாக ஒரு க்ளைமாக்சை யோசித்து இரண்டே நாட்கள் அவகாசத்தில் அதை எடுத்து கொடுத்தாராம். படத்தை இப்போது பார்த்த ஜக்குபாய் குழு, அசந்து போயிருக்கிறது. முன்பு வைக்கப்பட்ட க்ளைமாக்சை விட பல மடங்கு வீரியமும், விஷயமும் கொண்டதாக இருக்கிறதாம் இந்த முடிவு.

ஜக்குபாயின் கண்ணீரை ஒற்றை விரலால் துடைத்தவர் கலைஞர் என்றால், கர்சீப்பே கொடுத்து கவலையை போக்கியிருக்கிறது கலைஞர் டி.வி! படத்தை பெரும் விலை கொடுத்து வாங்கியிருக்கிறார்களாம். இதற்கிடையில் திருட்டுப்போன இந்த படத்திற்கு இன்ஷ§ரன்ஸ் கிடைக்குமா என்றும் பேசிக் கொண்டிருக்கிறார்கள் கோடம்பாக்கத்தில்