ஆன்மிக கேள்வி- பதில் ( ஆன்மிக மலர்)

-
சுபநிகழ்ச்சிக்கு நல்ல நேரம் பார்ப்பது அவசியமா?
அவசியம். தெய்வ அருளை வழங்குவது நல்ல நேரம்.
இதில் நல்ல விஷயம் பேசுவதும், சுபநிகழ்ச்சி நடத்துவதும்,
புதிய முயற்சியில் ஈடுபடுவதும் நன்மை தரும்.

சுவாமி சிலைகளுக்கு கவசம் சாத்துவதால் இயல்பாக
தரிசிக்க முடியவில்லையே!
அபிஷேகம் முடிந்து அலங்காரம் செய்யும் போது கவசம்
சாத்துவது அவசியம். ‘பொன்னார் மேனியனே’ என தேவாரம்
சிவபெருமானை போற்றுகிறதே!
அபிஷேகத்தில் இயல்பாகவும், அலங்காரத்தில் கவசம்
சாத்தியும் தரிசிப்பது விசஷேம்.

ஒருவர் பிறந்த நட்சத்திரத்திற்குரிய மரத்தை எந்த நாளில் நடலாம்?

பிறந்த நட்சத்திரம் வரும் நாளில் சூரியன் உதயமாகும் நேரத்தில்
நடுங்கள்.

பொய் வழக்கில் இருந்து விடுபட என்ன செய்யலாம்?

ஜாதகம் அல்லது கிரகப்பெயர்ச்சி எப்படி உள்ளது என ஜோதிடரிடம்
ஆலோசியுங்கள். ராகுவின் நிலையறிந்து பரிகாரம் செய்யுங்கள்.
வெள்ளிக்கிழமையில் ராகு காலத்தில் (காலை 10:30 -12:00 மணி)
துர்கையை வழிபடுவது நன்மையளிக்கும்.

கந்த சஷ்டி கவசம் படித்தால் என்ன கிடைக்கும்?
நோய், திருஷ்டி, எதிரிதொல்லை, வறுமை போன்றவை அகலும்.
மகிழ்ச்சி, நல்ல புத்தி, செல்வம், வம்ச விருத்தி போன்றவை
முருகன் அருளால் கிடைக்கும். காலை, மாலையில் படியுங்கள்.

சில தமிழ் மாதங்களில் முகூர்த்த நாள் இருப்பதில்லையே…

ஆடி, புரட்டாசி, மார்கழி, மாசியில் சுபநிகழ்ச்சி வைப்பதில்லை.

ஆன்மிகத்தில் ஈடுபாடு இல்லாத குழந்தைகளை திருத்துவது எப்படி?

ஆன்மிகக் கதைகளைச் சொல்லி தெய்வ நம்பிக்கையை
ஏற்படுத்துங்கள். அலைபேசி, ‘டிவி’ யை பார்க்க விடாதீர்கள்.
நல்ல விஷயங்களை அவர்களுக்குச் சொல்வதன் மூலம்
ஆன்மிக ஈடுபாடு, பெற்றோர் மீது அன்பு அதிகரிக்கும்.

குழப்பத்தால் தவிக்கும் எனக்கு வழிகாட்டுங்கள்
பிடிக்காத சூழ்நிலையில் இருப்பதே குழப்பத்திற்கு காரணம்.
அதில் இருந்து வெளியேறுங்கள். இழப்புகள் நேர்ந்தாலும் ஏற்றுக்
கொள்ளுங்கள். இஷ்ட தெய்வத்தின் திருநாமத்தை ஜபியுங்கள்.
தெய்வ அருளால் நிம்மதி காண்பீர்கள்.