போராடும் பெண்கள்: 'டைம்' இதழ் கவுரவம்

**ayyasamy ram** · **ayyasamy ram** Sat Mar 06, 2021 6:41 am

போராடும் பெண்கள்: 'டைம்' இதழ் கவுரவம் Gallerye_055130897_2724178

புதுடில்லி:
புதிய வேளாண் சட்டங்களுக்கு எதிரான விவசாயிகளின்
போராட்டத்தில் பங்கேற்றுள்ள பெண்களை கவுரவிக்கும்
வகையில், 'டைம்' இதழின் அட்டைப் படம் அச்சிடப்பட்டுள்ளது.

மத்திய அரசின் மூன்று புதிய வேளாண் சட்டங்களுக்கு
எதிராக, டில்லி எல்லைப் பகுதியில், விவசாயிகள் நடத்தும்
போராட்டம், 100 நாட்களை கடந்துள்ளது. இந்நிலையில்,
அமெரிக்காவை தலைமையிடமாக வைத்து இயங்கும்
டைம் இதழ், விவசாயிகளின் போராட்டத்தில் பங்கேற்று
உள்ள பெண்களை கவுரவப்படுத்தி உள்ளது.

நாளை மறுநாள், சர்வதேச பெண்கள் தினம் கொண்டாடப்பட
உள்ளது.

அதை முன்னிட்டு வெளியிடப்படும், டைம் இதழின்
அட்டைப் பக்கத்தில், டில்லி எல்லையில், விவசாயிகளுக்காக
போராட்டம் நடத்தும் பெண்களின் புகைப்படம்
அச்சிடப்பட்டுள்ளது. அந்த படத்தின் கீழ், 'இந்திய விவசாயிகள்
நடத்தும் போராட்டத்தில், முன்னணியில் உள்ள பெண்கள்' என,
குறிப்பிடப்பட்டு உள்ளது.

இது தொடர்பான கட்டுரைக்கு, 'என்னை யாரும் மிரட்ட முடியாது.
என்னை யாராலும் விலைக்கு வாங்க முடியாது' என்ற தலைப்பு
வைக்கப்பட்டுள்ளது. குறிப்பாக, 'போராட்டத்தில் பெண்கள் பங்கேற்க
வேண்டாம்' என, உச்ச நீதிமன்ற தலைமை நீதிபதி அறிவுறுத்தியும்,
அதை பொருட்படுத்தாமல், பெண்கள் போராட்டக் களத்தில்
முகாமிட்டுள்ளது குறித்தும் குறிப்பிடப்பட்டுள்ளது.

தினமலர்

Guest · Guest Sat Mar 06, 2021 12:23 pm

போராட்டம் வெற்றி பெற வாழ்த்துகள்.வவசாயிகளை மதிக்காத நாடு உருப்படாது.

ஆனால் இங்கே மகளீர் அணி போராடுகிறது..எதற்காக?
காங்கிரஸ் மகளீர் அணி சாலை மறியல் போராட்டம். திமுக விடம் கூடுதல் தொகுதி கேட்டு போராடுகிறது.வெற்றிபெற யார் வாழ்த்தப் போகிறீர்கள்?
நிச்சயமாக நான் இல்லை.

போராடும் பெண்கள்: 'டைம்' இதழ் கவுரவம்

போராடும் பெண்கள்: 'டைம்' இதழ் கவுரவம்

Re: போராடும் பெண்கள்: 'டைம்' இதழ் கவுரவம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக