வென்றவர் மாநில அமைச்சர்; தோற்றவர் மத்திய அமைச்சர்

**ayyasamy ram** · **ayyasamy ram** Thu Jul 08, 2021 9:54 am

திருப்பூர் :
தாராபுரம் தொகுதியில், வெற்றியை நழுவ விட்ட பா.ஜ.,
மாநில தலைவர் முருகன், தற்போது மத்திய அமைச்சராகி
உள்ளது, கட்சியினர் மத்தியில் மகிழ்ச்சியை ஏற்படுத்தி
உள்ளது.

திருப்பூர் மாவட்டம், தாராபுரம் - தனி தொகுதியில்,
அ.தி.மு.க., கூட்டணியில், பா.ஜ., மாநில தலைவர் முருகன்
போட்டியிட்டு, தி.மு.க., வேட்பாளர் கயல்விழியிடம்,
1,393 ஓட்டு வித்தியாசத்தில் தோல்வியை தழுவினார்.

குறைந்த ஓட்டில் வெற்றி பறிபோனதால், பா.ஜ.,
தொண்டர்கள் சோர்வடைந்தனர்.

பா.ஜ., தலைவரை தோற்கடித்த கயல்விழி, தமிழக அரசில்
ஆதி திராவிட நலத்துறை அமைச்சரானார்.
இதனால், தி.மு.க.,வினர் குஷியாகினர். இந்நிலையில்,
நேற்று மாலை மத்திய அமைச்சராக பா.ஜ., மாநில தலைவர்
முருகன் பதவியேற்றார்.

பா.ஜ.,வினர் கூறுகையில், 'தாராபுரத்தில் குறைந்த ஓட்டுகள்
வித்தியாசத்தில் மாநில தலைவர் முருகன் வெற்றியை
இழந்தார். தற்போது, அவர் மத்திய அமைச்சராக பணியாற்ற
வாய்ப்பு கிடைத்துள்ளது.
இது எங்களுக்கு பெரும் மகிழ்ச்சியை ஏற்படுத்தி உள்ளது'
என்றனர்.

தினமலர்

**சிவா** · **சிவா** Thu Jul 08, 2021 6:42 pm

மக்கள் திறமையானவர்களை புறக்கணித்தாலும் பாஜக அவர்களை அரவணைத்து பதவிகளை அளித்து அவர்கள் திறமைகளை நாட்டிற்கு அர்பணிக்கிறது.

தேச நலனிற்கு நன்மை அளிக்கும் செயல் இது..

**krishnaamma** · **krishnaamma** Thu Jul 08, 2021 9:00 pm

சிவா wrote:மக்கள் திறமையானவர்களை புறக்கணித்தாலும் பாஜக அவர்களை அரவணைத்து பதவிகளை அளித்து அவர்கள் திறமைகளை நாட்டிற்கு அர்பணிக்கிறது.

தேச நலனிற்கு நன்மை அளிக்கும் செயல் இது..

மேற்கோள் செய்த பதிவு: 1348046

ஆமோதித்தல்