மிதக்கும் சூரிய மின் நிலையம்; சிங்கப்பூரில் பிரமாண்ட திட்டம்

**ayyasamy ram** · **ayyasamy ram** Fri Jul 16, 2021 11:40 am

-
சிங்கப்பூர் :
உலகின் பெரிய மிதக்கும் சூரிய ஒளி மின் நிலையம்
சிங்கப்பூரில் நேற்று திறக்கப்பட்டது.

தென்கிழக்கு ஆசிய நாடான சிங்கப்பூர் பரப்பளவில்
சிறிய நாடு. இடப்பற்றாக்குறை, சுற்றுச்சூழலை கருத்தில்
கொண்டு நீர்நிலையின் மேல், மிதக்கும் வகையிலான
சூரிய ஒளி மின்சார உற்பத்தி திட்டம் அமைக்கப்பட்டுள்ளது.

இதை ‘செம்ப்கார்ப் இன்டஸ்ட்ரிஸ்’ என்ற நிறுவனம்
அமைத்துள்ளது.

111.2 ஏக்கர் பரப்பளவு (45 கால்பந்து மைதானத்துக்கு சமம்)
கொண்டது. இதில் 1.22 லட்சம் சோலார் பேனல் பயன்
படுத்தப்பட்டுள்ளது. இந்த பேனல் 25 ஆண்டு உறுதியுடன்
இருக்கும். பேனல் பராமரிப்பில் ‘ட்ரோன்’
ஈடுபடுத்தப்படுகிறது. 60 மெகாவாட் மின்சாரம் உற்பத்தி
செய்யப்படும்.

இத்திட்டத்தால் ஆண்டுக்கு 32 கிலோ டன், கார்பன் வெளியீடு
அளவு குறையும். இது சாலையில் ஓடும் 7,000 கார்கள்
வெளியிடும் கார்பனுக்கு சமம்.

கட்டடம் மேல் பரப்பில் அமைக்கப்படும் சூரிய ஒளி மின்சார
திட்டத்தில், மற்ற கட்டடத்தால் சில நேரம் சூரிய ஒளி
மறைகிறது. ஆனால் நீர் பரப்பின் மேல் அமைக்கப்படும்
திட்டத்தில் இப்பாதிப்பு இல்லை. 5 – 15 சதவீதம் கூடுதல் திறன்
கிடைக்கிறது.

இத்திட்டத்தால் வன உயிரினம், நீரின் தரத்துக்கு எந்த
பாதிப்பும் இல்லை. சிங்கப்பூரில் இதுபோல, மேலும் நான்கு
மிதக்கும் சூரிய ஒளி மின்சார திட்டப்பணி நடைபெற்று
வருகிறது.

தினமலர்

**Dr.S.Soundarapandian** · **Dr.S.Soundarapandian** Fri Jul 16, 2021 12:00 pm

பிறரைப் பார்த்தாவது , இந்தியா செய்யக்கூடாதா?

**சிவா** · **சிவா** Fri Jul 16, 2021 2:42 pm

செய்தாலும் அதை எதிர்க்கத்தான் தானே எதிர்க்கட்சிகள் உள்ளனர், ஆதரிக்க யாரும் இல்லையே...

சூரிய ஒளி மின்சார திட்டம் இந்தியாவில் மிகச் சிறப்பாகவே செயல்பட்டு வருகிறது.

தமிழகம் தான் இதில் விதிவிலக்கு

இந்த பதிவைத் துவங்கியவர் நன்றி கூறியுள்ளார் சிவா

**T.N.Balasubramanian** · **T.N.Balasubramanian** Fri Jul 16, 2021 6:48 pm

சிவா wrote:செய்தாலும் அதை எதிர்க்கத்தான் தானே எதிர்க்கட்சிகள் உள்ளனர், ஆதரிக்க யாரும் இல்லையே...

சூரிய ஒளி மின்சார திட்டம் இந்தியாவில் மிகச் சிறப்பாகவே செயல்பட்டு வருகிறது.

தமிழகம் தான் இதில் விதிவிலக்கு

மேற்கோள் செய்த பதிவு: 1348622

குஜராத்தில் செயல்பாட்டில் உள்ளது.
மற்ற மாநிலங்களில் எப்பிடி என தெரியாது.
தமிழ்நாட்டில் விறுவிறுப்பு இல்லை என்பது வருந்த தக்கதே.
மின்வாரியம் இதை செயல்படுத்த ஆவண செய்யவேண்டும்.
(பிறகு நிலக்கரி கொள்முதலில் பணம் பார்க்கமுடியாது என்ற கவலையோ?)

Sponsored content · Sponsored content

மிதக்கும் சூரிய மின் நிலையம்; சிங்கப்பூரில் பிரமாண்ட திட்டம்

மிதக்கும் சூரிய மின் நிலையம்; சிங்கப்பூரில் பிரமாண்ட திட்டம்

Re: மிதக்கும் சூரிய மின் நிலையம்; சிங்கப்பூரில் பிரமாண்ட திட்டம்

Re: மிதக்கும் சூரிய மின் நிலையம்; சிங்கப்பூரில் பிரமாண்ட திட்டம்

Re: மிதக்கும் சூரிய மின் நிலையம்; சிங்கப்பூரில் பிரமாண்ட திட்டம்

Re: மிதக்கும் சூரிய மின் நிலையம்; சிங்கப்பூரில் பிரமாண்ட திட்டம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக