பிஃபா தீம் பாடலை வெளியிட்ட தமிழர்கள்... கவுரவித்த கத்தார் அரசு

**ayyasamy ram** · **ayyasamy ram** Mon Dec 05, 2022 7:17 am

-
மத்திய கிழக்கு நாடான கத்தார் உலகளாவிய கால்பந்து
போட்டியை உலக நாடுகள் பிரமிக்கும் வகையில் நேர்த்தியாக
நடத்தி வருகிறது.

கால்பந்து போட்டிக்கான பிஃபா அங்கீகரிக்கப்பட்ட
தீம் பாடல் மட்டுமின்றி, கத்தாரில் வசிக்கும் பல்வேறு நாட்டை
சேர்ந்த ரசிகர்களும் தங்கள் சார்பாக தீம் பாடல்களை
வெளியிட்டுள்ளனர்.

உலகெங்கும் உள்ள கால்பந்து ரசிகர்களின் பார்வை கத்தார்
தோகாவை நோக்கியே உள்ளது. கத்தாரில் அனைத்து
பல்லாயிரக்கணக்கான இந்தியர்கள் குறிப்பாக தமிழர்கள்
பணிநிமித்தம் சென்று வசித்து வருகின்றனர்.

கத்தார் நாட்டுக்கு தமிழர்கள் சார்பில் நன்றி செலுத்தும்
இந்தப்பாடலை தமிழ்மகன் அவார்ட்ஸ்-ஸின் நிறுவனர்
மயிலாடுதுறை மாவட்டம் குத்தாலத்தை சேர்ந்த
சாதிக் பாட்ஷா என்பவர் இயக்கி உள்ளார்.

மயிலாடுதுறையைச் சேர்ந்த சாம் ஜோசப் என்பவரின் பாடல்
வரி மற்றும் இசையில், சூப்பர் சிங்கர் புகழ் பாடகர் ஆனந்த்
அரவிந்தாக்சன் பாடியுள்ளார்.

இந்த பாடலுக்கு அனைத்து நாட்டைச் சேர்ந்தவர்களும்
பாராட்டு தெரிவித்து வருகின்றனர். தமிழர்கள் உருவாக்கிய
குன் ஷாகிரான் பாடலை அங்கீகரிக்கும் விதமாக அந்நாட்டின்
அமைச்சர் மற்றும் தூதர அதிகாரிகள் முன்னிலையில் இந்த
பாடல் வெளியிடப்பட்டுள்ளது.

மேலும், கத்தார் மீடியா கார்ப்பரேஷன் கத்தார் நாட்டின்
பெருமைக்குரிய தேசிய தொலைக்காட்சியான கத்தார்
டிவி மற்றும் பிரெஞ்சு, ஆங்கில, ஸ்பானிஷ் மற்றும் உருது
மொழி வானொலிகளிலும் ஒளிபரப்பி வருவது தமிழர்களை
பெருமைப்படுத்தும் விதமாக அமைந்துள்ளது.

முகநூலில் பதிவிடப்பட்ட இந்த வீடியோ பல ஆயிரம்
லைக்குகளை அள்ளி வருகிறது.

-நியூஸ் 18

**Dr.S.Soundarapandian** · **Dr.S.Soundarapandian** Mon Dec 05, 2022 11:39 am

பிஃபா தீம் பாடலை வெளியிட்ட தமிழர்கள்... கவுரவித்த கத்தார் அரசு

பிஃபா தீம் பாடலை வெளியிட்ட தமிழர்கள்... கவுரவித்த கத்தார் அரசு

Re: பிஃபா தீம் பாடலை வெளியிட்ட தமிழர்கள்... கவுரவித்த கத்தார் அரசு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக