சுவிட்சர்லாந்து நிருபர் நாடு கடத்தப்படவுள்ளார்

kirupairajah · kirupairajah Sat Jan 30, 2010 5:17 pm

இலங்கை ஜனாதிபதித் தேர்தல் குறித்த செய்திகளை சேகரிக்க வருகை தந்திருந்த சுவிஸ் பப்ளிக் ரேடியோவின் நிருபர் கரீன் வெஞ்ஜரின் விசாவை வாபஸ் பெற்றுள்ள அரசாங்கம் அவர் வருகின்ற திங்கட்கிழமைக்கு முன்னதாக நாட்டை விட்டு வெளியேறவேண்டும் என்று கேட்டுள்ளது. தகவல் திணைக்களத்தின் உத்தரவுகளுக்கு அமையவே குறித்த நிருபரின் வீசா ரத்து செய்யப்பட்டதாக குடிவரவுக் கட்டுப்பாட்டாளர் பி.பி அபயக்கோன் கூறியுள்ளார். இந்த வீசா ரத்துக்கான காரணம் தமக்குத் தெரியாதென்றும், தகவல் திணைக்கள உத்தரவைத் தாம் நடைமுறைப்படுத்துவதாகவும் அபயகோன் ஊடகங்களுக்குக் கூறியுள்ளார்.

இதேவேளை கரீன் வெஞ்ஜர் ஏ.எவ்.பி.செய்திச் சேவைக்கு பேட்டியளித்தபோது, தமக்கு குடிவரவு கட்டுப்பாட்டாளரிடமிருந்து திங்கட்கிழமைக்கு முன்னர் வெளியேறிவிட வேண்டும் என்றும், ஊடக அடையாள அட்டைக்கான விண்ணப்பம் நிராகரிக்கப்பட்டிருப்பதாகவும் கூறும் கடிதம் கிடைத்துள்ளதாகத் தெரிவித்துள்ளார். ஆனால் அவருக்கு அரசாங்க தகவல் திணைக்கள அடையாள அட்டை ஏற்கனவே வழங்கப்பட்டுள்ளது என்பதும் அவரின் வீசா பெப்ரவரி 17 வரை செல்லுபடியாகும் என்பதையும் அவர் சுட்டிக்காட்டியுள்ளார்.

"அரசாங்கத்தின் செய்தியாளர் மாநாட்டில் சங்கடமான கேள்விகளை கேட்டதற்காக நான் வெளியேற்றப்படுகிறேன் என்று அஞ்சுகிறேன்" என்று அவர் கூறியுள்ளார். கரீன் வெஞ்ஜருக்கு அனுப்பப்பட்ட கடிதத்தில் பெப்ரவரி 1 ஆம் திகதி வரையான கால கட்டத்தில் இலங்கையில் எந்தவொரு ஊடக நடவடிக்கைகளிலும் ஈடுபடுவதற்கும் தடைவிதிக்கப்பட்டுள்ளதாகத் தெரிவிக்கப்பட்டுள்ளது.

சுவிட்சர்லாந்து நிருபர் நாடு கடத்தப்படவுள்ளார்

சுவிட்சர்லாந்து நிருபர் நாடு கடத்தப்படவுள்ளார்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக