துமையில் காது கோளாறு

தாமு · தாமு Tue Mar 09, 2010 5:04 pm

“அரிது, அரிது மானிடராய் பிறத்தல் அரிது, அதனினும் அரிது கூன், குருடு,செவிடு, பேடு நீங்கி பிறத்தல் அரிது” என தமிழ் மூதாட்டி ஔவையார்பாடியுள்ளார்.

ஐம்புலன்களான மெய், வாய், கண், மூக்கு, காது இவைகளின் செயல்பாடு சீராகஇருந்தால் தான் ஆரோக்கிய மனிதனாக வாழமுடியும். இவற்றில் ஏதேனும் ஒன்றுபாதித்தாலும் ஆரோக்கியம் சீர்கெடும். இளம் பருவத்தில் நன்கு செயல்படும்இவை முதுமை பருவத்தில் இதன் செயல்பாடுகள் இயல்பாகவே குறைய ஆரம்பிக்கும்.இந்தக் குறையை தவிர்க்க சித்தர்கள் பல அற்புத வழிமுறைகளை கண்டறிந்துகூறியுள்ளனர். கடந்த இதழில் முதுமையில் பார்வைக் கோளாறுகளால் ஏற்படும்பாதிப்புகளையும் அதன் தீர்வுகளையும் அறிந்து கொண்டோம்.

இந்த இதழில் முதுமையில் உண்டாகும் காது கோளாறுகள் பற்றி அறிந்து கொள்வோம்.

இந்த உலகத்தில் இன்பங்களை முழுமையாக அனுபவிப்பதற்கு நமக்கு ஐம்புலன்களும்நன்கு செயல்பட வேண்டும். இனிய இசையையும், பாடல்களையும் நம் காதுகள் கேட்டுமனதிற்கு மகிழ்ச்சியூட்டுகின்றன. எனவே தான் கற்றலில் கேட்டல் நன்குஎன்றும்

செவிக்குண வில்லாத போது சிறிது

வயிற்றுக்கும் ஈயப் படும்

என்றார்கள் பெரியோர்கள்.

உலக மக்கள் தொகையில் 20 சதவிகித மக்கள் 65 வயதுக்கு மேற்பட்டவர்கள்.அவர்களில் 75 சதவிகிதத்தினர் காது கேட்கும் திறன் குறைந்தவர்களாக உள்ளனர்.

பொதுவாக முதுமையில் ஏற்படும் பிரச்சனைகளில் 3வது இடத்தில் இருப்பது காதுகேளாத் தன்மைøதான். முதல் இரண்டு இடங்களில் மூட்டு வலி மற்றும் அதிக இரத்தஅழுத்தமும் இருக்கிறது. இந்த மூன்று நிலைகளுமே வயது அதிகரிக்க அதிகரிக்கபிரச்சனைகளின் தீவிரமும் அதிகரிக்கும்.

காதின் கேட்கும் திறன் குறைவது திடீரென ஏற்படுவதில்லை. கொஞ்சம் கொஞ்சமாககேட்கும் திறன் குறைந்துகொண்டே வருவதால் முதுமையில் இதன் பாதிப்புஅதிகமாக இருக்கும். இந்த பாதிப்பு 30-40 வயதிலிருந்தே ஆரம்பிக்கிறது.

மனித காது மூன்று பகுதிகளாக பிரிக்கப்படுகிறது. அவை புறக்காது, நடு காது,உள்காது வெளிப்புறத்தில் இருந்து வரும் ஒலியானது புற நடு காது பகுதிக்குள்நுழைந்து உள்ளே உள்ள நிணநீரை அடைந்து அங்கிருந்து கேட்கும் திறனுக்கானநரம்பு வழியாக மூளைக்கு அனுப்பப்பட்டு அதன் பொருள் உணரப்படுகிறது.

பொதுவாக காது கேளாத் தன்மை மூன்று வகைகளில் ஏற்படுகிறது.

ஒலியை காது உள்வாங்கும் போது ஏற்படும் பாதிப்பு. இது வெளிக்காது மற்றும் நடுக்காது பகுதியில் உண்டாகும் பாதிப்பாகும்.

காதில் மெழுகு போன்ற பொருள் அல்லது திரவம் அடைத்துக் கொள்வதால் ஒலியைவெளிப்புறத்தில் தடுத்துவிடுகிறது. இதனால் உள் காதிற்கு பாதிப்பில்லை. இதைமருத்துவத்தின் மூலம் அடைப்பை நீக்கி சரி செய்து கொள்ளலாம்.

உணர் நரம்புகளில் ஏற்படும் பாதிப்புகள்

இது பெரும்பாலும் முதுமை நிலையில் உள்ளவர்களுக்கே தோன்றும். வயதுமுதிர்ந்தவர்களின் நரம்புகள் செயல்திறன் குறைந்தே காணப்படும். சிறு வயதுமுதல் அதிக சப்தம் உள்ள பகுதிகளில் வசிப்பவர்களின் முதுமைக் காலத்தில்இந்த உணர் நரம்புகள் செயலிழந்துகொண்டே யிருக்கும். ஒரு சிலருக்குபரம்பரையாகவும் இத்தகைய பாதிப்பு ஏற்படலாம்.

மேலும் சிறுவயதில் சளியின் ஆதிக்கம் அதிகம் இருக்குமானால் காதுகளின்செவிப்பறைகள் பாதிப்படைந்து உணர் நரம்புகளை செயலிழக்க செய்யும்.

மூளை பாதிப்பால் உண்டாவது

நரம்பு, உடலின் செயல்களை கட்டுப்படுத்தும் தன்மை மூளைக்கு மட்டும்தான்உண்டு. மூளையில் உடலின் ஒவ்வொரு உறுப்பையும் கட்டுப்படுத்தும் பகுதிகள்உள்ளன. அதுபோல் காதின் உட்பகுதியில் ஏதேனும் பாதிப்பு ஏற்பட்டால் காதுசெவிடாகிவிடும். எத்தகைய ஒலியின் சப்தத்தைக் கேட்டாலும் அதனை உணரும் சக்திஇல்லாமல் போய்விடும்.

சிறுவயதில் உண்டான சில காய்ச்சல் போன்றவற்றால் காது கேட்கும் தன்மையை இழக்கும்.

காதுகளில் குச்சியோ, பறவையின் இறகையோ கொண்டு குடைபவர்களின் காது முதுமையில் அறவே கேட்காமல் போகும்.

அடிக்கடி காதில் தண்ணீர் புகுந்தால் அதன் பாதிப்பு முதுமையில் காது கேளாத்தன்மையை ஏற்படுத்தி விடும். காதுகளில் எந்நேரமும் பாடல்களை ஏர்போன் மூலம்கேட்டு வந்தால் முதுமையில் காது கேட்கும் திறனை சிறிது சிறிதாக இழக்கஆரம்பிக்கும்.

காதில் சீழ் வடிதல், புண் உண்டானால் கூட செவி கேட்கும் தன்மையை இழக்கும்.

புகை, மது போன்ற பழக்கங்கள் வெகு நாட்கள் இருந்தால் முதுமையில் காது கேளாத் தன்மையை அடையக்கூடும்.

அதிக சப்தமுள்ள சுற்றுப்புறத்தால் எளிதில் காதின் செவிப்பறைகள்பாதிப்படைந்து காது கேளாத் தன்மையடையும். அடுத்தவர்கள் பேசும் போது கூடநாம் சரியாக புரிந்து கொள்ள முடியாது.

காதினை பாதுகாக்கும் முறை

· இயல்பாக முதுமையில் கேட்கும் திறன் குறைவதைத் தடுக்க அதிக சப்தமுள்ள பகுதிகளில் வசிப்பதை தவிர்க்க வேண்டும்.

· காதுகளை குச்சி கொண்டு குடையக் கூடாது.

· அதிக குளிர்ந்த காற்று காதிற்குள் போகாமல் பார்த்துக்கொள்ள வேண்டும்.

· புகை, மது, போதை பழக்கங்களை விட்டொழிப்பது நல்லது.

· காய்ச்சல், உடல்வலி, மற்ற நோய்களுக்கு மருந்தாக எடுக்கப்படும்மாத்திரைகள் பக்க விளைவுகள் ஏற்படுத்தக்கூடியதா என்பதை அறிந்து பின்சாப்பிடவேண்டும்.

· மருத்துவரின் ஆலோசனையல்லாமல் காதில் மருந்தினை ஊற்றக் கூடாது.

· வாரம் இருமுறை எண்ணெய் தேய்த்து குளிப்பது நல்லது.

இத்தகைய நடைமுறைகளை முறையாக கடைப்பிடித்து வந்தால் முதுமையில் காதுகேளாத் தன்மை வராமல் பார்த்துக்கொள்ளலாம்.

www.nakkheeran.in துமையில் காது கோளாறு 678642