ஒரே நாளில் பிருத்வி, தனுஷ் ஏவுகணைகள் சோதனை

**இளமாறன்** · **இளமாறன்** Sun Mar 28, 2010 10:25 pm

ஒரே நாளில் பிருத்வி, தனுஷ்
ஏவுகணைகள் சோதனை: ஒரிசாவிலிருந்து வெற்றிகரமாக ஏவப்பட்டன
மார்ச் 28,2010,00:00
IST

ஒரே நாளில் பிருத்வி, தனுஷ் ஏவுகணைகள் சோதனை Tblgeneralnews_83915346861

ஒரே நாளில் பிருத்வி, தனுஷ் ஏவுகணைகள் சோதனை Tblgeneralnews_83915346861

பாலாசூர்: முற்றிலும் உள்நாட்டிலேயே தயாரான, அணு
ஆயுதத்தை ஏந்திச் செல்லும் திறனுடைய, பிருத்வி - 2 மற்றும் தனுஷ் ஏவுகணைகள் சோதனை
நேற்று வெற்றிகரமாக நடத்தப்பட்டது. தரையில் இருந்து, தரையில் உள்ள மற்றொரு இலக்கை
தாக்கக் கூடிய வகையில், வடிவமைக்கப்பட்ட பிருத்வி-2 ஏவுகணை, ஒரிசா மாநிலம்,
சந்திப்பூர் ஏவுகணைத் தளத்தில் இருந்து நேற்று வெற்றிகரமாக ஏவப்பட்டது.

இந்த ஏவுகணை, 700 கிலோ எடையுள்ள அணு ஆயுதங்களை ஏந்திச்
செல்லும் திறன் கொண்டது. 295 கி.மீ., தூரத்தில் உள்ள இலக்கை தாக்கும் வகையிலான
இந்த ஏவுகணை, 1,000 கி.மீ., தூரத்தில் உள்ள இலக்கை தாக்கும் வகையில் மாற்றம்
செய்யப்படவுள்ளது. இதேபோல், நேற்று அதிகாலை 5.30 மணிக்கு, தனுஷ் ஏவுகணைச் சோதனை
நடத்தப்பட்டது. ஒரிசா மாநில கடலோர பகுதியில் நிறுத்தப்பட்டிருந்த ஐ.என்.எஸ்.,
சுபத்ரா என்ற போர்க்கப்பலில் இருந்து, இந்த ஏவுகணை ஏவப்பட்டது. 750 கிலோ எடையுள்ள
அணு ஆயுதங்களை ஏந்திச் சென்று, 350 கி.மீ., தூரத்தில் உள்ள இலக்கை தாக்கும்
திறனுடன் கூடியது இந்த ஏவுகணை.

இந்த ஏவுகணையின் மூலம், இந்திய கடற்படையினர், எதிரியின்
இலக்கை துல்லியமாக தாக்கி, தகர்க்க முடியும். மத்திய பாதுகாப்பு ஆராய்ச்சி
மேம்பாட்டு கழகத்தால், முற்றிலும் உள்நாட்டிலேயே இந்த ஏவுகணைகள் வடிவமைக்கப்பட்டன
என்பது குறிப்பிடத்தக்கது. ஏவுகணைச் சோதனை திட்ட இயக்குனர் தாஸ் கூறுகையில்,
'இரண்டு ஏவுகணைச் சோதனைகளுமே வெற்றிகரமாக நடந்தன. ஏவுகணைச் சோதனை முழுவதும்
ரேடார்கள் மூலம் கண்காணிக்கப் பட்டது' என்றார்.