தமிழக முதல்வருக்கு ராட்சத திருக்குறள் பரிசு

ரபீக் · ரபீக் Thu Jun 17, 2010 5:35 pm

கோவையில் உலகத் தமிழ் செம்மொழி மாநாடு நடக்கவுள்ளதை தொடர்ந்து பி.ஜி.பி நிருவனம் சார்பில் பிரம்மாண்டமான திருக்குறள் புத்தகம் ஒன்று தமிழக முதல்வர் கருணாநிதியிடம் வழங்கப்படவுள்ளது.

சென்னையில் செய்தியாளர்களிடம் பேரிய வி.ஜி.பி. உலக தமிழ்ச் சங்க நிறுவனர் வி.ஜி. சந்தோஷம் இத்தகவலை தெரிவித்தார்.

மேலும் அவர் கூறுகையில்: தமிழ் செம்மொழி மாநாட்டை ஏற்ப்பாடு செய்து சிறப்பாக செயல்பட்டு வரும் தமிழக முதல்வர் கருணாநிதி அவர்களுக்கு புதுமையான அன்பளிப்பு கொடுக்கவேண்டும் என்பதற்க்காக இந்த திருக்குறள் தாயாரிக்கப்பட்டுள்ளது.

8 அடி உயரம், 5 அடி அகலத்தில் ஒரு டன் எடையில் இந்த பிரமாண்ட திருக்குறள் புத்தகம் உருவாக்கப்பட்டுள்ளது. 138 பக்கங்களில், 133 அதிகாரங்களும் 1330 திருக்குறளும் அச்சிடப்பட்டுள்ளது. 5 லட்சம் செலவில் 40 பணியாளர்கள் ஒரு மாதத்திற்க்கு மேலாக பாடுபட்டு இந்த புத்தகத்தைத் தயாரித்துள்ளனர்.

செம்மொழி மாநாட்டில் முதலமைச்சர் கருணாநிதிக்கு இந்தத் திருக்குறள் அன்பளிப்பாக வழங்கப்பட்டு, பின்பு மாநாட்டின் புத்தகக் கண்காட்சியிலும் இது வைக்கப்படும்.

அண்ணா சாலையில் உள்ள வி.ஜி.பி. மாளிகையில் இன்று மாலை வரை பொதுமக்கள் பார்வைக்காக இந்தப் புத்தகம் வைக்கப்படும். இவ்வாரு அவர் தெரிவித்தார்.