பல கோடியில் புரண்ட முக்கோண திட்டம் வேஸ்ட் ; சீனாவை இந்தியா முந்துகிறது மக்கள் தொகையில்..

பல கோடியில் புரண்ட முக்கோண திட்டம் வேஸ்ட் ; சீனாவை இந்தியா முந்துகிறது மக்கள் தொகையில்..
புதுடில்லி: எதுல முந்துகிறோமா, இல்லையோ , ஆனால் மக்கள் தொகையில் சீனாவை பின்னுக்கு தள்ளி விட்டு முன்னணி நாடாக திகழ்ந்திட இன்னும் 40 ஆண்டுகள் தான் காத்திருக்க வேண்டுமாம். அதாவது 2050 ல் உலக அளவில் அதிக மக்கள் தொகை கொண்ட நாடானா சீனாவை விட உயர்ந்து நிற்குமாம் இந்தியா. கடந்த 100 ஆண்டில் மக்கள் தொகை 5 மடங்கு அதிகரித்திருக்கிறதாம். ஆனால் அந்த அளவிற்கு தேவைகள், வளர்ச்சி கட்டமைப்புகள் எந்த அளவிற்கு இருக்கும் என்று இன்னும் ஆராயப்பட்டு வருகிறது.
மத்திய அரசின் சுகாதார ஆய்வு மையத்தின் கீழ் செயல்படும் ஜனசக்ந்தியா தீர்த்த கோஷ் என்ற அமைப்பு வெளியிட்டுள்ள புள்ளி விவர அறிக்கையில் கூறப்பட்டுள்ள விவரம் வருமாறு: இந்தியாவின் மக்கள் தொகை விறு, விறுவென உயர்ந்து வருகிறது. மக்கள் தொகையில் கடந்த 5 ஆண்டில் 1. 4 சத வளர்ச்சி கண்டுள்ள இந்தியா, சீனாவை ( 0.6 மட்டும் வளர்ச்சி ) விட உயர்ந்துதுள்ளது . 2009 ம் ஆண்டு வரை இந்தியா 119. 8 கோடி , சீனா 134.5 கோடி , பாகிஸ்தான் 18 கோடி ஆகும். வரும் 2050 ல் இந்திய மக்கள்தொகை 161. 38 கோடியாக இருக்குமாம், சீனா 141. 7 கோடியாக இருக்கும்.

பிற நாடுகளை விட நம்ம மாநிலம் ‌பெரிசு : இதில் ஒரு சுவராஸ்ய தகவல் என்னவெனில் இந்தியாவின் சில குறிப்பிட்ட மாநிலங்களின் மக்கள் தொகை மட்டும் சில நாட்டு மக்கள் தொகையை மிஞ்சும் அளவிற்கு உள்ளதாம். அதாவது எடுத்துக்காட்டிற்கு உத்திரபிரதேச மாநிலம் 18.3 கோடி என்றால் இது பிரேசில் ( 18. 7 கோடி ) நாட்டு மக்கள் தொகையை ஒட்டியது . மகாராஷ்ட்டிரா (10. 4 கோடி ), மெக்சிகோ ( 10.4 கோடி ) , பீகார் 9 கோடி என்றால் ஜெர்மனி 8. 3 கோடியை விட அதிகம்.
2026 ல் இந்தியா கூடுதலாக 30 கோடி மக்ககளை பெற்று விடும். இதில் உ .பி., மாநிலம் 22 சத பங்கையும், பீகார் 8 சதவீதத்தையும், மத்திய பிரதேசம், ராஜஸ்தான் தலா 7 சதவீதத்தையும், தென்மாநிலங்கள் மொத்தம் 13 சதத்தையும் பெறு(!) வதில் பங்கு பெறும்.
குழந்தை இறப்பு விகிதம் குறைப்பு : நமது நாட்டில் குடும்ப நல திட்டம்.., அதாவது குழந்தை பேறு கட்டுப்படுத்துவதற்காக பல நூறு கோடிகளை விழுங்கிய இந்த முக்கோண திட்டம் ( நாம் இருவர் நமக்கு இருவர் ) எதிர்பார்த்த பலனை தரவில்லையாம். அதிகப்பட்சமாக சட்டீஸ்கரிலும், ஜார்கண்டிலும் போதிய பலன் கிடைத்ததாக கூறப்பட்டுள்ளது. ஏனைய மாநிலங்களில் எதிர்பார்த்த பலன் கிடைக்கவில்லை.
இந்திய மக்கள் தொகையின் அபார வளர்ச்சிக்கு குழந்தை இறப்பு விகிதம் குறைப்பு, மேலும் குழந்தைகள் பெற்று கொள்ள வேண்டும் என்ற ஆர்வம் , 18 வயது நிரம்பும் முன்னதாக நடக்கும் திருமணம் மற்றும் குழந்தை பேறு ஆகியன காரணமாக சொல்லப்படுகிறது. எப்படியோ இந்தியா வேளாண் உற்பத்தியை இன்னும் அதிகரிக்க முடியாமல் திணறி வரும் வேளையில் இந்தச்செய்தி எதிர்கால கவலையை அதிகரிக்கும் என்பது மட்டுமே உண்மை....எதுலவது முன்னேறன சரிப்பா.....

சுவையான தகவல் சுவைபட நன்றி