ஆட்களை கடத்திய வழக்கு : விடுதலைப்புலி சிவா கைது

கொல்லம் :
படகு மூலம் கொச்சியில் இருந்து ஆஸ்திரேலியாவுக்கு 26 பேரை
கடத்திய வழக்கில் நீண்ட நாட்களாக போலீஸ் விசாரணையில் வைக்கப்பட்டிருந்த
விடுதலைப் புலி இயக்கத்தைச் சேர்ந்த சிவா கைது செய்யப்பட்டார். அவரை
போலீஸ் காவலில் எடுத்து விசாரிக்க போலீசார் முடிவு செய்துள்ளனர்.
இலங்கையில் இருந்து விடுதலைப் புலி இயக்கத்தைச் சேர்ந்தவர்களையும்,
அப்பாவி பொதுமக்களையும் கேரளாவுக்கு கடத்தி வந்து அவர்களுக்கு முறையான
அனுமதி இல்லாமல், படகு மூலம் ஆஸ்திரேலியாவுக்கு கடத்தியதாக சிவாவை (52)
போலீசார் பிடித்தனர். அவரிடம் போலீசார் நீண்ட நாட்களாக விசாரணை நடத்தி
பல்வேறு தகவல்களை பெற்றனர். கடந்த ஏப்ரலில் கொச்சியில் இருந்து படகு மூலம்
26 பேர் ஆஸ்திரேலியாவுக்கு கடத்தப்பட்டனர். அவர்களில் பலரும் விடுதலைப்
புலி இயக்கத்தைச் சேர்ந்தவர்கள் என்பது விசாரணையில் தெரிந்தது. அவர்கள்
பயணம் செய்த படகு பழுதடைந்ததால் அக்கும்பல் ஆஸ்திரேலிய நாட்டுக்குச் செல்ல
முடியவில்லை. எனவே வேறு வழியின்றி அப்படகு இந்தோனேசியா நாட்டுக்கு
செலுத்தப்பட்டது. அங்கு அவர்கள் தற்போது வசிக்கின்றனர் என்பதும்
விசாரணையில் தெரிந்தது.
இவரது திட்டப்படி மொத்தம் 64 பேரை ஆஸ்திரேலியா நாட்டில் கிறிஸ்மஸ்
தீவுக்கு அனுப்பவேண்டும். அதில் முதல்கட்டமாக அனுப்பப்பட்ட 26 பேர்
இந்தோனேசியா நாட்டிற்கு சென்று விட்டதால் மீதமுள்ள 38 பேரை கொல்லத்தில்
தனியார் விடுதி ஒன்றில் தங்க வைத்துள்ளார். அவர்களையும் போலீசார் பிடித்து
விசாரித்தனர். அவர்களிடம் இருந்து கிடைத்த தகவலின்படி தான் இது முழுக்க
முழுக்க மனித கடத்தல் என்பது தெரிந்தது. இவர் மூலம் ஒன்றரை ஆண்டுகளாக
தமிழகத்தில் இருந்து படகு மூலம் பலரும் ஆஸ்திரேலிய நாட்டுக்கு
அனுப்பப்பட்டுள்ளதும் விசாரணையில் தெரிந்தது. தீவின் அருகே படகு சென்றதும்
அது முழுவதுமாக சேதப்படுத்தப்படும். படகில் இருக்கும் நபர்களோ அத்தீவில்
அடைக்கலம் கோரி அங்கு தங்குவர். பின்னர் அந்நாட்டு கிரீன் கார்டு
கிடைத்ததும், அங்கிருந்து கனடா மற்றும் ஐரோப்பிய நாடுகளுக்கு குடி
பெயர்ந்து விடுவர்.

விடுதலைப் புலி இயக்கத்தைச் சேர்ந்த சிவா கைது செய்யப்பட்டார்.


ஹய்யா ஜாலி நம்ம மொக்க மாமாவ போலீஸ் தூக்கிடாங்களா

இது கடத்தலில்லை. எம் இனத்தை அழிவிலிருந்து காப்பாற்றுவதே ஆகும்.

தமிழரின் தாகம், தமிழீழத் தாயகம்