மழை வளம் வேண்டி கஞ்சி கலய ஊர்வலம்

நவீன் · நவீன் Thu 19 Aug 2010 - 20:06

தூத்துக்குடி: - தூத்துக்குடி மேலூர் சக்தி பீடத்தில் மழைவளம்
வேண்டியும், இயற்கை சீற்றங்கள் தனிய வேண்டியும் கஞ்சிக் கலய ஆன்மிக
ஊர்வலம் நடந்தது.
இயற்கை சீற்றங்கள் தனிய வேண்டியும், மக்கள் வளமுடன்
வாழவும் கலச விளக்கு வேள்வி பூஜை நடந்தது. வேள்வியில் சுதந்திர தினத்தை
முன்னிட்டு தேசியக் கொடியின் மூன்று வண்ணங்களில் சக்கரம்
அமைக்கப்பட்டிருந்தது. வேள்வி பூஜையை உமா மகேஸ்வரி முன்னிலையில், சக்தி
பீட மகளிர் அணி தலைவி சரஸ்வதி மருதநாயகம் தீபம் ஏற்றித் துவக்கி வைத்தார்.
மழை வளம் வேண்டி கஞ்சி கலய ஆன்மிக ஊர்வலம் நடந்தது. பக்தர்கள் தீச்சட்டி
ஊர்வலம், மகளிர் கஞ்சி கலயம், பால்குடம் எடுத்து சிவன் கோயில்
முன்பிருந்து புறப்பட்டு முக்கிய வீதிகள் வழியாக சக்திபீடம் வந்தடைந்தனர்.
கஞ்சி கலய ஆன்மிக ஊர்வலத்தை சக்தி பீட தலைவர் முத்துக்குமார் துவக்கி
வைத்தார். பின்னர் அன்னைக்கு கஞ்சி படைக்கப்பட்டு கஞ்சி வார்ப்பு
நிகழ்ச்சி நடந்தது. பக்தர்களுக்கு அன்னதானம் நடந்தது. மாலையில்
பூச்சொரிதல் செய்யும் நிகழ்ச்சி நடந்தது.