எப்பொழுது இழந்தேன்??

மஞ்சுபாஷிணி · மஞ்சுபாஷிணி Sun 22 Aug 2010 - 18:09

எப்பொழுது இழந்தேன்....

எப்பொழுது என் மனதை
உன்னிடம் இழந்தேன்
மொத்தமாக

இருமலில் இரவில்
நெஞ்சு வெடிக்க
இருமி துடித்தப்போது
பதறி ஒடி வந்து
நெஞ்சு நீவினாயே
அப்போதா??

மழையில் நனைந்து
நீர் சொட்ட நின்று
அச்சு தும்மினதும்
ஓடி வந்து உன்
முந்தானை
துவாலையாக்கினாயே
அப்போதா??

உண்ணும்போது
புரைக்கேறி
கண்ணில் நீர்
தளும்பியதும்
உன் கைகள்
வலிக்காமல்
என் தலை தட்டியதே
அப்போதா??

காலில் வலி என்றதும்
உன் வயோதிகமும்
மறந்து இரவுமுழுதும்
விழித்திருந்து
கனத்த என் காலை
உன் மடிமீதுவைத்து
பதமாக பிடித்துவிட்டாயே
அப்போதா??

தாம்பத்தியத்தின் ரகசியமே
அன்பு தானே கண்ணே
அன்பில்லாத காதல்
சிறப்பதும் இல்லை
இனிப்பில்லா உணவு
ருசிப்பதும் இல்லை....

Guest · Guest Sun 22 Aug 2010 - 18:14

பிரமாதம்.

மஞ்சு கவிதை படித்தால் மனசு பஞ்சா இருக்கு

**Aathira** · **Aathira** Sun 22 Aug 2010 - 18:19

//எப்பொழுது என் மனதை
உன்னிடம் இழந்தேன்
மொத்தமாக//
தெரியாமல் இன்னும் விழித்துக்கொண்டு... அருமையான கவிதையை ரசித்துக்கொண்டு...மென்மையான உணர்வுக்கு நன்றியும் கூறிக்கொண்டு... எப்பொழுது இழந்தேன்?? 678642