கறிக்கு உப்புக் கூடினால் செலவற்ற உடனடித் தீர்வு.........

mathisutha · mathisutha Fri 27 Aug 2010 - 21:54

இது எனது ஒரு அனுபவப் பகிர்வுக்கட்டுரை. பழைய ஞாபகங்களை இதமாக மீட்டி நான் அறிந்திருக்கும் நல்ல விசயமொன்றை எல்லோர் பார்வைக்கும் தருகிறேன்.
நீங்க நினைக்கும் அளவுக்கு நான் பெரிய சமையல்காரனல்ல ஏதோ உண்பவர் முகம் சுழிக்காமல் உண்ணுமளவுக்கு சமைக்கத் தெரியும். கோயில் அன்னதானம் போன்ற பெரிய சமையல்கள் என்றால் இன்னும் கறுத்திடுவேனோ என்று ஒரு சின்ன பயம் இருந்தாலும் நீண்ட அகப்பை கிடைத்தால் அன்று நானும் ஒரு வியர்க்காத சமையல் காரன் தான்.
அன்றைய நாட்களில் எம் விடுதிகளில் குழுக்களாகப் பிரிந்து சமைப்போம். ஒரு குழுவில் 6 பேர் இருப்பார்கள். எம் குழுவில் 4 பேர் தான். அதி காலை எழுந்து 56 பேருக்கும் சமைத்து வைத்து விட்டு வகுப்பிற்கு போவோம். இந்த இடை நேரத்தில் யாரோ ஒரு புல்லுருவி பொறாமையின் நிமித்தம் அடுத்த நாளுக்கான உப்பையும் அள்ளிப் போட்டுவிடும் (யாரோ என்னங்க நாமளும் பழி வாங்குவதற்காகப் போடுவதுண்டு). இப்படி சில நாள் போகையில் சிலர் உப்பை போடாமல் சமைத்து விட்டு பின்னர் சாப்பிடும் போது போட்டு தருவார்கள். அது சேர்ந்தும் சேராமலும் கறியின் ருசியைக் கெடுத்துவிடும். (யாரும் சோற்றுக்குள் போட மாட்டோம் ஏனென்றால் அது பொறுப்பானவர்களுக்கு போகும் ஒரு உணவுப் பொருள்).
இத்தனைக்கும் நாங்கள் சமைக்கும் கறி மட்டும் இந்தச் சிக்கலுக்குள் மாட்டுப்பட்டதே இல்லை. எனக்கு மட்டும் தெரிந்த ஒரு ரகசியம் தான் காரணம். உண்மையில் அது எனக்க மட்டும் தெரிந்ததல்ல மற்ற நால்வருக்கும் தெரியும். ஆனால் அதை இப்போது என் மற்ற நண்பருக்கு சொல்வதற்கு ஒருவன் தான் உயிரோடிருக்கிறான். இத்தனைக்கும் மற்றவர் சிலரது சுற்றில் உப்பு கூடினாலும் நாம் பேசாமல் பல்லைக்கடித்துக் கொண்டு தின்போம் காரணம் ரகசியம் வெளியில் போனால் எமக்கிருக்கும் மதிப்பு குறையும் என்று அவன் விட மாட்டான். (எப்படீப்பா சொல்லுவோம் ஏனென்றால் நாங்க தமிழரல்லவா...? எமக்கு மூக்கு போனாலும் எதிரிக்கு சகுனம் பிழைக்கணும்).
சரி ரகசியத்தை சொல்லவா........ எல்லாரும் ஒருமுறை கண்ணை மூடி என் சமையல் குல தெய்வத்தை கும்பிட்டுக் கோங்கோ...... கும்பிட்டாச்சா அட போங்க பேமானிகளா..... யாராச்சும் செய்தித் தழைப் போய் கும்பிடுவாங்களா.....
கறிக்கு உப்பிக் கூடிடிச்சுன்னா.... கறியை அடுப்பில் ஏற்றுங்க பின்னர் ஒரு சாதாரண செய்தித் தாழை எடுத்து அப்படியே கசக்கி ஒரு உருளையாக்குங்க. அந்த உருளையை கறிக்குள் இட்டு 4-5 நிமிடம் கறியை சூடாக்குங்கள். பின்னர் அந்த பத்திரிகையை எடுத்து விட்டு கறியை சுவைத்துப் பாருங்கள். இப்பொழுதும் உப்புக் கூடவா மீண்டும் ஒரு முறை செய்யுங்கள். கறி இப்போது உங்கள் தேவைக்கேற்ற உப்புடன் சுவை தரும். செய்து பாருங்க... அப்படி சரி வரலியா என் தளத்தை திறந்து விட்டு விளக்கு மாறை (துடப்பங்கட்டையை) எடுத்து ஒரு சாத்து சாத்துங்க.....
பொறுங்க எங்க போறிங்கள் கருத்திடலியா...... சரி பரவாயில்லை உச்சிப்பகுதிக்குப்போய் உள்ள கருத்துப் பொட்டியில் நல்லாயிருக்குண்ணு ஒரு சொடுக்கல் சொடுக்குங்க........ 5 செக்கன் வேலை..... அதுவும் சிரமமா.... மீண்டும் என் ஓடையில் வந்து நனைந்திட்டுப் போங்க......

**சிவா** · **சிவா** Fri 27 Aug 2010 - 22:36

உவ்வ்வ்வே.........!!! செய்தித்தாளை கறிக்குள் வைத்து சூடேற்றினால் அதிலுள்ள அச்சு மையும் கறிக்குள் இறங்கிவிடுமே? ஆரோக்கியமா?

எங்கே அந்த விளக்குமாறு.....!!! கறிக்கு உப்புக் கூடினால் செலவற்ற உடனடித் தீர்வு......... 230655

கறிக்கு உப்புக் கூடினால் செலவற்ற உடனடித் தீர்வு......... 230655

**T.N.Balasubramanian** · **T.N.Balasubramanian** Sat 28 Aug 2010 - 6:53

நிச்சயமாக செய்யாதீர்கள். அச்சு மையில் ஈயம் கலந்து இருக்கிறது. எதிர்ப்பு

அது உடலுக்கு கேடு விளைவிக்கும். நம்முடைய மருத்துவ நண்பர்கள் வழிமொழிவார்கள் என நம்புகிறேன்.

ரமணீயன்

gunashan · gunashan Sat 28 Aug 2010 - 8:57

சிவா wrote:உவ்வ்வ்வே.........!!! செய்தித்தாளை கறிக்குள் வைத்து சூடேற்றினால் அதிலுள்ள அச்சு மையும் கறிக்குள் இறங்கிவிடுமே? ஆரோக்கியமா?

எங்கே அந்த விளக்குமாறு.....!!!

நான் கொண்டு வர்ரேன் சிவா...நாலு சாத்து சாத்துவோம்.....ஓகேவா...... சிப்பு வருது