பிரபல மலையாள நடிகர் ராஜன் பி. தேவ் காலமானார்

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1 •

பிரபல மலையாள நடிகர் ராஜன் பி. தேவ் காலமானார்

#37439

சிவா
நிறுவனர்: பதிவுகள் : 91537
இணைந்தது : 19/09/2008

Post சிவா Thu Jul 30, 2009 4:43 am

பிரபல மலையாள நடிகர் ராஜன் பி. தேவ் காலமானார் 30ph13

கொச்சி, ஜூலை 29: பிரபல மலையாள திரைப்பட நடிகர் ராஜன் பி. தேவ் (58) புதன்கிழமை கொச்சியில் உள்ள தனியார் மருத்துவமனையில் காலமானார். அவருக்கு மனைவி, மகன், மகள் ஆகியோர் உள்ளனர்,

ஈரல் கோளாறு காரணமாக கடந்த சில தினங்களுக்கு முன் நடிகர் ராஜன் பி.தேவ் தனியார் மருத்துவமனையில் அனுமதிக்கப்பட்டு சிகிச்சை பெற்றுவந்தார். ஆனால், அவரது உடல்நிலை மோசமாகவே புதன்கிழமை அவர் உயிரிழந்தார். அவரது இறுதிச்சடங்கு வியாழக்கிழமை நடைபெறுகிறது. ஆலப்புழை மாவட்டம், சேர்தலாவில் பிறந்த ராஜன், ஒரு நாடக நடிகராக வாழ்க்கையைத் தொடங்கினார். காட்டுக்குதிரை என்னும் நாடகத்தில் "கொச்சுவாவ' என்னும் கதாபாத்திரத்தில் நடித்து ரசிகர்களின் மனதில் இடம்பிடித்தார். இந்த நாடகம் ஆயிரம் முறை அரங்கேற்றப்பட்டது.

சினிமாவில் "இந்திரஜாலம்' இவருக்கு முதல் படம். சின்ன சின்ன ரோல்களில் நடித்துவந்த ராஜன், விரைவிலேயே பிரபலமானார். 30 ஆண்டுகளில் மலையாளம், தெலுங்கு, கன்னடம், தமிழ் என மொத்தம் 180 படங்களில் அவர் நடித்துள்ளார்.

நடிகர் ராஜன் மறைவுக்கு மலையாள திரைப்படத்துறையினர் பலரும் ஆழ்ந்த இரங்கல் தெரிவித்துள்ளனர். "அவரது மறைவு திரையுலகுக்கு ஈடு செய்ய முடியாத இழப்பு, தனிப்பட்ட முறையில் எனக்கு இழப்பாகும்' என்று சூப்பர் ஸ்டார் மம்முட்டி தெரிவித்துள்ளார்.

நடிகர்கள் ஜெயராம், திலீப், ஸ்ரீகுமார், ஜனார்த்தனன், இயக்குநர் வினயன் உள்ளிட்டோரும் இரங்கல் தெரிவித்துள்ளனர்.

மறுமொழி எழுத நீங்கள் உறுப்பினராக இருக்க வேண்டும்..

ஈகரையில் புதிய பதிவு எழுத அல்லது மறுமொழியிட உறுப்பினராக இணைந்திருத்தல் அவசியம்

உறுப்பினராக பதிவு செய்க

ஈகரையில் உறுப்பினராக இணைவது மிக எளிது

பதிவு செய்ய

உள்நுழைக

ஏற்கனவே பதிவு செய்துள்ளீர்களா? இங்கு இணையுங்கள்.

உள்நுழைக

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1