நெல்லிக்கனி குணவதியே

**T.N.Balasubramanian** · **T.N.Balasubramanian** Thu Sep 16, 2010 8:30 pm

நெல்லிக்கனி குணவதியே

நெல்லிக்கனி குணவதியே! என்றதும் ,
எள்ளி நகையாடினாயே,
கிள்ளி வைக்கிறேன் அதன் பெருமைதனை .
நெல்லியை எப்படி உண்ணிலும் சக்தியே!.
அல்லியே, உண்டு உன்னிலும் அச்சக்தியே!!

பறித்த நெல்லி ,சிறிதே துவர்பினும்,
நீர் அருந்த,இனிக்குமே.
உந்தன் சில மொழிகள் முதலில் துவர்பினும்,
பின்னர் அதன் பலன் இனிக்குதே.
வேக வைத்த நெல்லி பதம் போல்,
பதமான உன் வார்த்தைகள் ஹிதமாக இருக்குமே.
காரம் போட்ட ஊறுகாயை, எப்படி
ஓரம் கட்ட முடியாதோ,அப்படியே
நேரம் பார்த்து நீ கூறும் அறிவுரையும்,
ஓரம் கட்ட முடியாதே !

மருத்துவ குணமிக்க நெல்லிமுள்ளி, நீ,
அருந்தவம் செய்ததால் எனக்கு நீ.

அட,இரு இரு,
சொல்லி முடிக்குமுன்,
அள்ளிக் கொள்கிறாயே !
ஆஹா,
தமிழுக்கும் அமுதென்று பெயர்,
இதனால்தானா?

ரமணீயன்.

gunashan · gunashan Thu Sep 16, 2010 8:37 pm

சரியாகச் சொன்னீர்கள் அய்யா. நெல்லிக்கனி சிறந்த மூலிகையாகும். அது நமக்குக் கிடைத்த ஒரு வரப்பிசாதம் ஆகும். இன்றைய நாகரீக உலகம் கொஞ்சம் கொஞ்சமாக் அதை மறந்து வருகிறது. உங்களின் வரிகள் அதன் மேன்மையை அழகாக சித்தரிக்கிறது

நெல்லிக்கனியோடு தமிழும் சேர்ந்த்து இனிமையிலும் இனிமை அய்யா.

வாழ்க நெல்லிக்கனி...., வாழ்க தமிழ்மொழி......
பாராட்டுக்கள் அய்யா....

கார்த்திக் · கார்த்திக் Thu Sep 16, 2010 8:38 pm

அருமை

புவனா · புவனா Fri Sep 17, 2010 8:10 am

**சிவா** · **சிவா** Fri Sep 17, 2010 8:25 am

///காரம் போட்ட ஊறுகாயை, எப்படி
ஓரம் கட்ட முடியாதோ,அப்படியே
நேரம் பார்த்து நீ கூறும் அறிவுரையும்,
ஓரம் கட்ட முடியாதே !///

ரசித்தேன் தங்களின் அழகு கவிதையை! நெல்லிக்கனி குணவதியே 154550