பால் பாயசம் தரமாக இருக்க வேண்டும் : கேரள ஐகோர்ட் அதிரடி உத்தரவு

**சிவா** · **சிவா** Thu Nov 25, 2010 6:03 pm

கொச்சி : "அம்பலப்புழா கிருஷ்ணன் கோவில் பிரசாதமான, பால் பாயசத்தின் தரம் உறுதி செய்யப்பட வேண்டும்' என, திருவிதாங்கூர் தேவஸ்வம்போர்டுக்கு ஐகோர்ட் உத்தரவிட்டுள்ளது. கேரள மாநிலம் ஆலப்புழா மாவட்டத்தில், பிரசித்திப் பெற்ற அம்பலப்புழாவில் கிருஷ்ணசாமி கோவில் உள்ளது. இங்கு மூலவருக்கு படைக்கப்படும் பிரசாதங்களில், மிகவும் முக்கியமானது பால் பாயசம். நைவேத்யம் செய்த பால் பாயசம், பக்தர்களுக்கு வழங்கப்படும். இக்கோவிலின் அனைத்து நடவடிக்கைகளையும் கண்காணிக்க, பார்வையாளரை கேரள ஐகோர்ட் நியமித்துள்ளது.

ஐகோர்ட்டில் அவர் அளித்த அறிக்கையில், "அம்பலப்புழா கோவிலில் வினியோகிக்கப்படும் பால் பாயசம் தரமிக்கதாகவும், சரியான அளவிலும் வழங்கப்படுவதில்லை. கோவிலில் பிரசாத விற்பனைக்காக வழங்கப்பட வேண்டிய டிக்கெட்டுகள், வெளியே கள்ள மார்க்கெட்டில் விற்கப்படுகிறது. விற்பனைக்கான பால் பாயசத்தில், தண்ணீர் கலந்து தரமற்ற வகையில் விற்கப்படுகிறது' என குறிப்பிடப்பட்டிருந்தது.

இதுகுறித்து ஐகோர்ட் நீதிபதிகள் தோட்டத்தில், பி. ராதாகிருஷ்ணன் மற்றும் பி.பவதாசன் ஆகியோர் அடங்கிய டிவிஷன் பெஞ்சு விசாரித்தது.

நீதிபதிகள் பிறப்பித்த உத்தரவில், "அம்பலப்புழா கோவில் பால் பாயசத்தின் தரம் மற்றும் அளவு உறுதி செய்ய வேண்டும். கள்ள மார்க்கெட்டில் கோவில் பிரசாத டிக்கெட்டுகள் விற்பது தடுக்க வேண்டும். தினமும் எவ்வளவு பால் பாயசம் தயாரிக்கப்படுகிறதோ, அந்தளவுக்கே பிரசாத டிக்கெட்டுக்கள் விற்க வேண்டும்' என, திருவிதாங்கூர் தேவஸ்வம் போர்டுக்கு உத்தரவிட்டனர்.

பால் பாயசம் தரமாக இருக்க வேண்டும் : கேரள ஐகோர்ட் அதிரடி உத்தரவு

பால் பாயசம் தரமாக இருக்க வேண்டும் : கேரள ஐகோர்ட் அதிரடி உத்தரவு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக