வெளிநாடு செல்வோர் கவனத்திற்கு

நிசாந்தன் · நிசாந்தன் Sun 9 Jan 2011 - 11:19

இலங்கை, இந்தியா போன்ற நாடுகளில் இருந்து மாதத்திற்கு மாதம், அவுஸ்திரேலியா, கனடா மற்றும் லத்தீன் அமெரிக்க நாடுகளுக்கு உங்களைக் கூட்டிச்செல்கிறேன் என்று முகவர்கள் ஈழத் தமிழர்களை அணுகுவார்கள். பாமர ஈழத் தமிழர்கள் எதுவும் புரியாமல், அவர்களிடம் பெரும்தொகைப் பணத்தைக் கொடுத்து, அடிப்படை வசதிகள் இல்லாத கப்பலில் தமது குழந்தைகளையும், முதியோர்களையும் கூட்டிக்கொண்டு பயணிக்கின்றனர். சூறாவளியா இல்லை கடல்கொந்தளிப்பா, இல்லை மழைவருமா இல்லை போதுமான உணவு உள்ளதா என்று கூட ஆராயாமல் இவர்கள் கடல்வழிப் பயணத்தை ஆரம்பிக்கின்றனர்.

சில கப்பல்கள் தாழ்ந்ததும் உண்டு, சில கப்பல்கள் ஆள் அரவமற்ற தீவுகளில் ஒதுங்கியதும் உண்டு. அதற்கு மேல் தாய்லாந்து கடற்படையினர் கண்ணில் விளக்கெண்ணெயை விட்டு தேடிக்கொண்டும் இருக்கின்றனர். அவர்களிடமே பெரும்பாலான மக்கள் மாட்டிக்கொள்கின்றனர். தாய்லாந்து அரசோடு இலங்கை, மற்றும் அவுஸ்திரேலிய அரசாங்கங்கள் நெருக்கமான தொடர்பை வைத்திருக்கின்றன. எனவே பிடிபட்ட ஆட்களில் புலிகள் இருக்கிறார்களா என அங்கே உள்ள இலங்கைத் தூதரக அதிகாரிகள் முதலில் அவர்களைப் பார்வையிடுகின்றனர்.

பின்னர் நீண்டநாட்களாக அவர்களை பதிவுசெய்து தாய்லாந்து சிறைகளில் அடைத்து வைத்துள்ளனர். சுமார் ஒரு அறையில் மட்டும் நூற்றுக்கணக்கான மக்கள் தூங்கவேண்டிய நிலை. இங்கே இருக்கும் புகைப்படங்களைப் பாருங்கள், ஒருவர் படுப்பதற்கும் மற்றவர் படுப்பதற்கும் இடையே நூல் அளவு இடைவெளிகூட இல்லாத நிலை. தொற்றுநோய்களுக்கும் இவர்கள் ஆளாகின்றனர். சரியான மருத்துவ வசதிகள் அங்கு இருப்பதில்லை, அப்படியே பேசினால் கூட அவர்களுக்கு விளங்குவதும் இல்லை. இதுதான் வெளிநாடு செல்ல முனையும் பல ஈழத் தமிழர்களின் இன்றைய அவல நிலை.

வெளிநாடு செல்வோர் கவனத்திற்கு Vdsv

**சிவா** · **சிவா** Sun 9 Jan 2011 - 11:24

மிகக் கொடுமையான வாழ்க்கை! பார்க்கும்பொழுதே மனம் பதறுகிறது!

உதயசுதா · உதயசுதா Sun 9 Jan 2011 - 11:27

இந்த விசயத்துல தப்பு நம்ம மக்களோடதுதான். யாரையாவது நம்பி பணத்த கொடுத்துட்டு ஏமாந்து இப்படி இருக்க வேண்டியது

நிசாந்தன் · நிசாந்தன் Sun 9 Jan 2011 - 11:31

அவர்களை குற்றம் சொல்லிவிட முடியாது. இலங்கையில் அவர்களுக்கு இருக்கும் துன்பங்களை விட தமிழகத்தில் அவர்கள் படும் துன்பங்களை விவரிக்க இயலாது. அதனால் தான் அவர்கள் வேறு நாடுகளுக்கு சென்று நிம்மதியாக வாழ நினைக்கின்றனர்.

Sponsored content · Sponsored content

வெளிநாடு செல்வோர் கவனத்திற்கு

வெளிநாடு செல்வோர் கவனத்திற்கு

Re: வெளிநாடு செல்வோர் கவனத்திற்கு

Re: வெளிநாடு செல்வோர் கவனத்திற்கு

Re: வெளிநாடு செல்வோர் கவனத்திற்கு

Re: வெளிநாடு செல்வோர் கவனத்திற்கு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக