கண் தானம்.

**T.N.Balasubramanian** · **T.N.Balasubramanian** Sat 29 Jan 2011 - 8:01

கண் மருத்துவமனை விஜயம்,
நண்பனின் துணையாக.
பக்கத்து இருக்கையில் ஓர்
இறக்கை இல்லா குட்டி தேவதை.

பஞ்சு தோற்கும் மேன்மை,
அஞ்சு வயதிற்கு குறைவே!
கொஞ்சத் துடிக்கும் துருத்துருப்பு,
வஞ்சமில்லா சுறுசுறுப்பு.

நாசிகளில் படர்ந்து,
செவிகளில் உறவாடிடும் ,
எண் அதிகமுள்ள ,
கண்ணாடி வேண்டாத அணிகலன்.

பிறந்த மழலைகள், கை குழந்தைகள் ,'
சிறியோர் ,பெரியோர் ,இளம் வயதினர்,
பற்பல சமயத்தினர் ,பற்பல தேசத்தினர்,
சொற்களில் அடங்கா கண் நோய்கள்.

கனத்த நெஞ்சில் சுரந்த கண்ணீர்.
மறைக்க முடியா கைக்குட்டை.
"வலிக்காது அங்கிள், இந்தாங்க லாலிபாப்"
விழிநீர் கண்ட குட்டிதேவதையின் இசை.
குழந்தை உள்ளம் என்பது இதுதானோ?

இரந்தால் தருவது தானம் எனினும்,
இறந்தால் தரும் தானம், ஒளி மிக்கதன்றோ!
கண் தான சம்மதம் கையெழுத்திட்டு,
வெண்பா ஒன்று பதிவிடுவேன்.

"இருக்கும்வரை உனக்கு இரண்டு விழிகள்,
இறந்தபின் இருவருக்கு உந்தன் விழிகள்".

ரமணீயன் .