கன்னட நடிகருடன் சோனியா அகர்வால் காதல்

மனைவியை பிரிந்து வாழும் கன்னட நடிகர் சுதீப்புடன் நடிகை சோனியா அகர்வால் காதல் வயப்பட்டிருப்பதாக செய்திகள் வெளியாகியுள்ளன. ஆனால் சோனியா அகர்வால் இதனை மறுத்திருக்கிறார். டைரக்டர் செல்வராகவன் இயக்கத்தில் உருவான காதல் கொண்டேன் படத்தின் மூலம் தமிழ் சினிமாவுக்கு அறிமுகமானவர் நடிகை சோனியா அகர்வால். டைரக்டர் - ஹீரோயின் என தொடங்கிய இவர்களது நட்பு, காதலாகி கசிந்துருகி, பெற்றோர் சம்மதத்துடன் திருமணத்தில் போய் முடிந்தது. திருமணத்துக்கு பிறகு சினிமாவில் நடிப்பதை நிறுத்திக் கொண்ட சோனியாவுக்கும், செல்வாவுக்கும் இடையே ஏற்பட்ட கருத்து வேறுபாடு பின்னாளில் விவாகரத்தில் போய் நின்றது.

காதல் மனைவி சோனியா‌ அகர்வாலை விவாகரத்து செய்த கையோடு, செல்வராகவன் இன்னொரு பெண்ணை காதலிக்கத் தொடங்கினார். அவருக்கு உதவியாளர் பணிக்கு வந்த கீதாஞ்சலி என்ற பெண்ணை காதலித்த செல்வராகவன், அவரையே திருமணம் செய்து கொள்ள முடிவு செய்து, நிச்சயதார்த்தமும் முடிந்து விட்டது. அப்போது செல்வாவுக்கு வாழ்த்து தெரிவித்த சோனியா, நான் இன்னொரு திருமணம் செய்து கொள்ள மாட்டேன், என்று கூறினார்.

இந்நிலையில் சோனியாவுக்கும், கன்னட நடிகர் சுதீப்புக்கும் காதல் என்று செய்திகள் கசிய ஆரம்பித்திருக்கின்றன. கன்னடத்தில் சண்டு என்ற படத்தில் சோனியாவும், சுதீப்பும் ஒன்றாக நடித்துள்ளனர். அப்போது அவர்களுக்கிடையே காதல் மலர்ந்ததாக கூறப்படுகிறது. சோனியா அகர்வால் கணவரிடம் இருந்து விவாகரத்து பெற்றதைப் போலவே, நடிகர் சுதீப்பும் மனைவியை பிரிந்து வாழ்ந்து வருகிறார். தனிமையில் இருக்கும் இந்த ஜோடிகள் ஒருவருக்கு ஒருவர் ஆறுதலாக நட்பை வளர்க்க ஆரம்பித்து, இப்போது காதலில் போய் நிற்கிறதாம். சமீபத்தில் விசாகபட்டினத்தில் நடந்த நட்சத்திர கிரிக்‌கெட் போட்டிக்கு சுதீப்புடன் ஜோடி போட்டு வந்த சோனியா, அன்று இரவு நடைபெற்ற விருந்திலும் ஜோடியாக பங்கேற்றார்.

அதேநேரம் இந்த காதல் செய்தியை சோனியா அகர்வால் திட்டவட்டமாக மறுத்துள்ளார். எனக்கும் சுதீப்புக்கும் காதல் இல்லை. நாங்கள் நட்புடன்தான் பழகி வருகிறோம். ரெண்டு பேரும் ஒரு படத்தில் சேர்ந்து நடிச்சிருக்கோம். நேரம் கிடைக்கும்போது நேரில் சந்திச்சுக்குவோம். இல்லாட்டி ‌போனில் பேசிக் கொள்வோம். இருவரும் ஒன்றாக ஒரு நிகழ்ச்சியில் பங்கேற்றதில் என்ன தப்பு இருக்கிறது? நாங்கள் வழக்கமான நண்பர்கள் போலதான் பழகுகிறோம், என்று கூறியுள்ளார். (செல்வராகவனை லவ்வும்போதும் இதைத்தானே அம்மணி சொன்னீங்க?)

Tags »
sonia agarwal, love, Sudeep, Kannada Actor, Selva Raga

அடடா விடுங்கப்பா யாரு யார காதலிச்சா நமக்கு என்ன?
ஏன் இந்த விஷயத்தை இந்த பத்திரிக்கைகள் பெரிதாக போடுகின்றனவோ

இந்த செய்தியால் பங்கு சந்தையில் ஏற்றம் ,பங்கு விலைகள் ஏற்றம் அடைந்தன..