செருப்போடு கிரிவலம்: சிக்கலில் சிக்கிய நடிகை சினேகா!

மீனு · மீனு Sun Sep 06, 2009 12:49 am

திருப்பூர்:

செருப்போடு கிரிவலம்: சிக்கலில் சிக்கிய நடிகை சினேகா! Shenka

நடிகை சினேகா செருப்போடு கிரிவலம்வந்து சர்ச்சையில் சிக்கியுள்ளார். தமிழ் திரையுலகில் பிரபலமான நடிகை சினேகா திருவண்ணாமலையில் அருணாசலேஸ்வரர் கோவிலில் நேற்று பவுர்ணமியன்று கோவிலின் மலையை சுற்றி கிரிவலம் வந்தார். அப்போது காலில் செருப்பு அணிந்து கிரிவலம் வந்ததாக கூறப்படுகிறது.

இந்த தகவல் அறிந்த இந்து அமைப்புகள் கடும் எதிர்ப்பு தெரிவித்துள்ளனர். இது குறித்து திருப்பூரைச்சேர்ந்த இந்து மக்கள் கட்சியினர் விடுத்துள்ள அறிக்கையில் காலில் செருப்புடன் திருவண்ணாமலைக் கோவிலில் கிரிவலம் வந்ததின் மூலம் இந்து மக்களின் உணர்வுகளை சினேகா அவமதித்துவிட்டார். இது கண்டிக்கத்தக்கது.

நடிகை சினேகா தனது செயலுக்கு பொதுமக்களிடமும், கோவில் நிர்வாகத்திடமும் மன்னிப்பு கேட்க்க வேண்டும். இல்லையேல் சினேகாவிற்கு எதிராக போராட்டத்தில் ஈடுபடுவோம். செருப்பு அணிந்து கிரிவலம் வந்த சினேகாவை கண்டித்து அவருக்கு பார்சலில் செருப்புகள் அனுப்பியிருக்கிறோம்.” என்று இந்து மக்கள் கட்சியினர் தெரிவித்துள்ளனர்.

செருப்போடு கிரிவலம் வந்து சிக்கலில் சிக்கிய சினேகா இதற்கு என்ன பதில் அளிக்கப்போகிறார் என்பதை தொடர்ந்து மற்ற இந்து அமைப்புகளும் சினேகாவுக்கு எதிராக போராட்டம் நடத்த திட்டமிட்டுள்ளதாக கூறப்படுகிறது. முன்பு இதே போன்று நடிகை குஷ்பு அம்மன் சிலை முன்பு செருப்பு அணிந்தபடி கால்மேல் கால் போட்டு அமர்ந்திருந்தபடம் சர்ச்சையை கிளப்பியது. தற்போது சினேகாவும் அதுபோன்ற சர்ச்சையில் சிக்கியுள்ளது குறிப்பிடத்தக்கது.