அண்ணல்

vcnsethumadhav · vcnsethumadhav Fri Apr 29, 2011 6:57 pm

அன்பின் வழி வாய்மை மொழி அண்ணல் நெறியாமே
அகிலம் போற்றும் அகிம்சை தத்துவ தந்தை அவர் தாமே
எங்கும் பிறர் இன்பம் பெற தான் இன்பம் களைந்தாரே
என்றும் தாழ்வை நீக்கும் வழி ஈந்த காந்தியாரே !

வஞ்சத்தோடும் பேதமையோடும் நாட்டைக் கேடு செய்யும்
நெஞ்சர் தம்மை மாற்றும் தன்மை அண்ணல் நூலில் உண்டு!
நாட்டைப் பேணி நாமும் வாழ நாளும் தொண்டு செய்யும்
இன்பக் கோலம் என்றும் காண வாழ்ந்தார் அண்ணல் காந்தி !

மண்ணில் பேதம் கூடாது ! மனதிலும் கூடாது !
ஒன்றாகவே வாழ்த்துரைப்போம் ! பாரத மாதா வாழியவே !

(பச்சைக் கிளி முத்துச் சரம் முல்லைக் கொடி யாரோ என்ற மெட்டிலே பாடிப்பாருங்கள் )

( அண்ணல் நூல் = ( சத்ய சோதனை என்றும் பொருள். அவருடைய ராட்டை நூல் என்றும் பொருள் கொள்க )