அவன்-இவன் ஒரு பார்வை

சோழன் · சோழன் Mon Jun 20, 2011 12:27 pm

பாலாவின் இயக்கத்தில் உருவாகிய கதை, தவறு கதையே இல்லாமல் திரைக்கதையை மட்டுமே வைத்து ஓட்டிருக்கும் ஒரு படம். சில இடங்களில் முன்பு பார்த்த பாலாவின் கதைகளில் இருந்தே வரும் காட்சிகள் போன்ற ஒரு உணர்வு தோன்றினாலும் திரைக்கதையை சற்றே திறம்பட செய்திருந்ததால் ரசிகர்களின் கவனத்தை திருப்பி இருக்கிறார். விஷாலின் நடிப்பு ஆரியவை விட சற்று தூக்கல் என்றே கூறலாம். கருட பார்வை உள்ள ஒரு ஆளாக விஷால் நடிதிருந்தாலும் அவரின் நடிப்பிற்கே ரசிகர்களின் கைதட்டல் கிடைத்ததே ஒழியே அவர் உடலை வருத்தி செய்த கருட பார்வைக்கு அல்ல(அது வேண்டாத ஒரு விஷயமாக படம் பார்க்கும்பொழுது ஒரு உணர்வு).கதையே இல்லாமல் படத்தை நகர்த்தி கொண்டு சென்றது சாமர்தியமே என்றாலும் சில இடங்களில் சலிப்பு தட்டிவிடுகிறது. அம்பிகாவின் நடிப்பு கலக்கல். நிர்வாண காட்சிகள் முகம் சுழிக்க வைத்தாலும் யதார்த்த நடிப்பும் பாலாவின் கண்ணோட்டமும் பாராட்டதக்கது.என்னதான் விஷால் சூர்யாவை விட உயரம் என்பதால் அவரை சூர்யா முன் அப்படி குனிந்து குழைய வைத்திருப்பது சற்றே சிரிக்கவும் சிந்திக்கவும் வைக்கும் காட்சி தான் .
மொத்ததில் அவன்-இவன் 35% மதிப்பெண் எடுத்து தேர்ச்சி பெற்ற தமிழ் ஒரு படம். அவன்-இவன் ஒரு பார்வை 677196

திவ்யா · திவ்யா Mon Jun 20, 2011 12:29 pm

ஒரு பார்வைகூட பார்க்க விரும்பாத படம்..... அவன்-இவன் ஒரு பார்வை 230655

**Manik** · **Manik** Mon Jun 20, 2011 12:30 pm

படம் சூப்பரா இருக்குப்பா அவன்-இவன் ஒரு பார்வை 102564

ஆனா நான் இன்னும் பார்க்கல அவன்-இவன் ஒரு பார்வை 755837

ரபீக் · ரபீக் Mon Jun 20, 2011 12:32 pm

தயவு செய்து பார்க்காதே !! (இது நண்பன் ஒருவன் என்க்கு சொன்ன விடயம் )

திவ்யா · திவ்யா Mon Jun 20, 2011 12:35 pm

Manik wrote:படம் சூப்பரா இருக்குப்பா

ஆனா நான் இன்னும் பார்க்கல

நீ இன்னும் பார்க்காததே நல்லது.....பார்க்காதே..... அவன்-இவன் ஒரு பார்வை 139731

சோழன் · சோழன் Mon Jun 20, 2011 12:40 pm

அந்த அளவுக்கு மோசம் இல்லனு நான் நினைக்கிறேன். அவன்-இவன் ஒரு பார்வை 838572

மகா பிரபு · மகா பிரபு Mon Jun 20, 2011 12:42 pm

நண்பா உங்களை அறிமுக படுத்தி கொள்ளலாமே

**Manik** · **Manik** Mon Jun 20, 2011 12:49 pm

திவ்யா wrote:
Manik wrote:படம் சூப்பரா இருக்குப்பா

ஆனா நான் இன்னும் பார்க்கல

நீ இன்னும் பார்க்காததே நல்லது.....பார்க்காதே.....

நீ பாத்துட்டியா அதிர்ச்சி

சொல்லவே இல்ல அவன்-இவன் ஒரு பார்வை 246975

திவ்யா · திவ்யா Mon Jun 20, 2011 12:51 pm

Manik wrote:
திவ்யா wrote:
Manik wrote:படம் சூப்பரா இருக்குப்பா

ஆனா நான் இன்னும் பார்க்கல

நீ இன்னும் பார்க்காததே நல்லது.....பார்க்காதே.....

நீ பாத்துட்டியா சொல்லவே இல்ல

கொஞ்சம் தான் பார்த்தேன்....அப்பறம் எனக்கு ஒண்ணுமே புரியல...அதனால...வந்துடேன்....

கண்ணன்3536 · கண்ணன்3536 Mon Jun 20, 2011 2:25 pm

பிதாமகன் சீயானை தட்டி ஒட்டியது விஷால் காதாபாத்திரம். சூர்யாவின் சாமர்த்தியத்தை மட்டும் உருவினால் அது தான் ஆர்யா கதாபாத்திரம்.
நந்தா ரா‌ஜ்கிரணை அப்பாவியாக அசமந்தாக காட்டினால் அவன் இவன் ‌ஜி.எம்.குமார். திரையங்கு அதிர அதிர சி‌ரிப்பொலி. இப்படியொரு சி‌ரிப்பொலி கேட்டு நாளாச்சு.

கமுதிக்கோட்டை ஜமீனை கள்வர்கள் கோட்டைன்னு சொல்ற அளவுக்கு அது திருடர்களின் ரா‌ஜ்‌ஜியம். பொலிஸ் வந்தால் சிக்னல் கொடுப்பதற்கென்றே கட்டி வைத்திருக்கும் காண்டாமணி, கறி சோறு போட்டு, இனி திருட மாட்டேன்னு சத்தியம் வாங்கும் பொலிஸ் என்று கதைக்களமே புரையேற்றுகிறது. அண்ணன் விஷால். தம்பி ஆர்யா. ஆனால் இருவருக்கும் இரண்டு அம்மாக்கள். இவர்கள் போட்டுக் கொள்ளும் ஈகோ யுத்தம். அம்பிகா, ஆர்யாவை சதாய்ப்பதும், ஜட்‌ஜ் வண்டியில் வந்திறங்கும் ஆர்யா தனது அம்மாவுடன் ஆட்டம் போட்டு அம்பிகாவை வெறுப்பேற்றுவதுமாக கதற கதற சி‌ரிக்க வைக்கிறார்கள்.

விஷாலுக்கு இது ராஜபாட்டை. புழுதி கிளப்பியிருக்கிறார். பெண் வேடத்தில் அவர் போடும் ஆட்டத்திற்கு திரையரங்கு சேர்ந்தாடுகிறது. மாறுகண்ணும், உடல் மொழியும் நம்முன் காட்டுவது விஷாலையல்ல, ரத்தமும் சதையுமான வேறொரு மனிதனை. கறி சோறு போடும் இடத்தில் கான்ஸ்டபிள் ஜனனியை பின் தொடர்ந்து வழிவதும், கேப்பையில் நெய் வழியும் அதிசயமாக ஆர்யா அவர்களை பின் தொடர்வதும் கிளாசிகல் டச்.

சூர்யா வரும் நவரச எபிசோடும் அற்புதம். உற்சாகத்தை ஊற்றி வடித்திருப்பார் போலிருக்கிறது ஆர்யாவின் கதாபாத்திரத்தை. இசைக்கேற்ப பாய்ந்து வரும் முதல் காட்சியிலேயே மனதில் நச்சென்று உட்கார்ந்துவிடுகிறார். போதாதற்கு கூடவே ஒரு குண்டுப் பையன். ஆர்யாவின் லவ் ட்ராக் தான் ஒட்டாமல் குட்டிக்கரணம் போடுகிறது. பாவம் மது ஷாலினி. ஜனனிக்கு கான்ஸ்டபிள் வேடம். சட்டம் ஒழுங்கை நாமதானே காப்பாத்தணும்ணே என்று வீறாப்பாக கிளம்பும் போது விலா நோக வைக்கிறார்.

‌ஜி.எம்.குமாருக்கு அவரது உடம்பைப் போலவே வெயிட்டான கதாபாத்திரம். கலா ரசிகராக, ஏமாந்த ஜமீன்தாராக வாழ்ந்திருக்கிறார். அவரை நிர்வாணமாக்கி ஆர்கே சாட்டையால் வெட்டவெளியில் அடித்து துரத்துவது உச்சக்கட்ட வன்முறை. ‌ஜி.எம்.குமாருக்காக விஷால் ஆக்ரோஷமாக கிளம்புகையில் திரையரங்கில் எழும் கைத்தட்டல் அந்த வன்முறையின் தாக்கத்தை உணர்த்திவிடுகிறது. ‌

ஜி.எம்.குமார் கண்ணாடி முன் நின்று அழுததை விஷால் நடித்துக் காட்டும் போது மற்றவர்கள் சி‌ரிக்க ஆர்யா மட்டும் அழுவதும், எம் புள்ளைக்கு ஒண்ணுன்னா அறுத்துப்புடுவேன் என்று அம்பிகா ஆர்யாவுக்காக இன்ஸ்பெக்ட‌ரிடம் சண்டையிடுவதும் அடித்தட்டு மக்களின், சண்டையை தாண்டிய அன்பை பதிவு செய்யும் நுணுக்கமான காட்சிகள்.

நடிகர்கள்: ஆர்யா, விஷால், சூர்யா, ஆர்.கே., ஜி.எம்.குமார்.

நடிகைகள்: மதுஷாலினி, ஜனனி, அம்பிகா

இசை: யுவன் சங்கர் ராஜா.

இயக்கம்: பாலா.

தயாரிப்பு: கல்பாத்தி எஸ. அகோரம்.

Sponsored content · Sponsored content

அவன்-இவன் ஒரு பார்வை

அவன்-இவன் ஒரு பார்வை

Re: அவன்-இவன் ஒரு பார்வை

Re: அவன்-இவன் ஒரு பார்வை

Re: அவன்-இவன் ஒரு பார்வை

Re: அவன்-இவன் ஒரு பார்வை

Re: அவன்-இவன் ஒரு பார்வை

Re: அவன்-இவன் ஒரு பார்வை

Re: அவன்-இவன் ஒரு பார்வை

Re: அவன்-இவன் ஒரு பார்வை

Re: அவன்-இவன் ஒரு பார்வை

Re: அவன்-இவன் ஒரு பார்வை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக