கனிமொழி இன்று வருவாரா ? ஜாமீனில்

ரபீக் · ரபீக் Mon Jun 20, 2011 11:30 am

திமுக தலைவர் கருணாநிதியின் மகளும் திமுக ராஜ்யசபா எம்.பியுமான கனிமொழியின் பிணை கோரும் மனு இன்று உச்சநீதிமன்றத்தில் விசாரணைக்கு வருகிறது.
2ஜி அலைக்கற்றை முறைகேடுகள் வழக்கை விசாரித்துவரும் நீதிபதி ஜி.எஸ்.சிங்வி மற்றும் பி.எஸ்.செளகான் ஆகியோர் அடங்கிய பெஞ்ச் இந்த மனுவை விசாரிக்க உள்ளனர். இன்று கனிமொழிக்கு ஜாமீன் கிடைக்காவிட்டால் வழக்கு முடியும் வரை வெளியில் வர முடியாத நிலை ஏற்படலாம் என்பதால் திமுக வட்டாரத்தில் பரபரப்பும் ஏற்பட்டுள்ளது.

கனிமொழியின் பிணை கோரும் மனுவை நீதிபதிகள் சதாசிவம், பட்நாயக் ஆகியோரடங்கிய பெஞ்ச் விசாரிப்பதாக இருந்தது. ஆனால் நீதிபதிகள் இருவரும் திடீரென விலகிக் கொள்ளவே, நீதிபதி சிங்வி தலைமையிலான பெஞ்சுக்கு வழக்கு மாற்றப்பட்டு இன்று விசாரணைக்கு வருகிறது.

கனிமொழியின் பிணைகோரும் மனுவுக்கு சிபிஐ தரப்பில் தாக்கல் செய்யப்பட்ட பதில் மனுவில் "கனிமொழியும், சரத் குமார் ரெட்டியும் குற்றவாளிகள்; செல்வாக்கு உடையவர்கள். சினியுக் நிறுவனத்திடமிருந்து கலைஞர் டிவி வாங்கிய ரூ.214 கோடி கடனல்ல, லஞ்சமே. இந்த நிலையில் இவர்களை விடுவித்தால் அவர்கள் சாட்சிகளைக் கலைத்து விடுவார்கள், ஆதாரங்களை அழித்து விடுவார்கள்" என்று கூறி எதிர்த்துள்ளது.

இந்த நிலையில் இன்று மனு விசாரணைக்கு வருகிறது. 2ஜி ஊழல் வழக்கை ஆரம்பத்திலிருந்தே விசாரித்துவரும் சிங்வி, சிபிஐ விசாரணையையும் அவர் தொடர்ந்து கண்காணித்து வருகிறார். எனவே கனிமொழி மீதான ஜாமீன் மனு மீதான விசாரணை பெரும் எதிர்பார்ப்பை ஏற்படுத்தியுள்ளது.

இந்நேரம்

மகா பிரபு · மகா பிரபு Mon Jun 20, 2011 11:31 am

ரொம்ப கஷ்டம்

பாலாஜி · பாலாஜி Mon Jun 20, 2011 11:52 am

வாய்ப்பு மிக மிக குறைவு ... சோகம்

ராசுக்குட்டி · 01/06/2011

என்றுமே வர மாட்டார் ..... கனிமொழி இன்று வருவாரா ? ஜாமீனில் 139731

தமிழ்ப்ரியன் விஜி · 26/06/2009

பாவம் ஒரு பெண் ..

பாலாஜி · பாலாஜி Mon Jun 20, 2011 12:50 pm

கனிமொழிக்கு ஜாமீன் கிடைக்கவில்லை.. ரீடிஃப் செய்தி குறிப்பு ....

**சிவா** · **சிவா** Mon Jun 20, 2011 12:52 pm

வை.பாலாஜி wrote:கனிமொழிக்கு ஜாமீன் கிடைக்கவில்லை.. ரீடிஃப் செய்தி குறிப்பு ....

dsudhanandan · dsudhanandan Mon Jun 20, 2011 1:04 pm

2ஜி ஸ்பெக்ட்ரம் வழக்கில் கலைஞர் டி.வி.க்கு ரூ.200 கோடி பணம் கைமாறியது தொடர்பான குற்றச்சாட்டின் பேரில் கலைஞர் டி.வி.யில் பங்குதாரராக இருக்கும் கனிமொழி எம்.பி., நிர்வாக இயக்குனர் சரத்குமார் ஆகியோர் கடந்த மே மாதம் 20-ந் தேதி கைது செய்யப்பட்டனர். இருவரும் டெல்லி திகார் ஜெயிலில் அடைக்கப்பட்டுள்ளனர்.

அவர்களது ஜாமீன் மனுக்கள் சி.பி.ஐ. சிறப்பு கோர்ட்டிலும், டெல்லி ஐகோர்ட்டிலும் தள்ளுபடி செய்யப்பட்டது. ஸ்பெக்ட்ரம் முறைகேட்டில் கனிமொழி மீதான குற்றச்சாட்டுகளுக்கு அடிப்படை ஆதாரம் உள்ளது. அவர் கலைஞர் டி.வி.யில் முக்கிய பங்குதாரராக செயல்பட்டுள்ளார். அவருக்கு அரசியல் பின்னணி உள்ளதால் ஜாமீனில் விட்டால் சாட்சியங்களை கலைத்து விடுவார் என்று டெல்லி ஐகோர்ட்டு தீர்ப்பு கூறியது.

இதையடுத்து கனிமொழியும், சரத்குமாரும் சுப்ரீம் கோர்ட்டில் ஜாமீன் மனு தாக்கல் செய்தனர். கடந்த 10-ந் தேதி இந்த மனுக்கள் சுப்ரீம் கோர்ட்டில் தாக்கல் செய்யப்பட்டன. 13-ந் தேதி ஜாமீன் மனுக்கள் விசாரணைக்கு வந்தது. மனுக்களை விசாரணைக்கு ஏற்றுக் கொண்ட நீதிபதி இதற்கு ஒருவாரத்தில் பதில் மனு தாக்கல் செய்யுமாறு சி.பி.ஐ.க்கு உத்தரவிட்டார்.

மேலும் ஆ.ராசா பதவி காலத்தில் 13 டெலிகாம் நிறுவனங்களுக்கு ஸ்பெக்ட்ரம் ஒதுக்கீட்டால் ஏற்பட்ட இழப்பீடு குறித்தும், சினியுக் பிலிம்ஸ் நிறுவனத்திடம் இருந்து கலைஞர் டி.வி.க்கு கைமாறிய ரூ.200 கோடி என்ன ஆனது? என்ற விவரத்தை கோர்ட்டுக்கு தெரிவிக்குமாறும் சி.பி.ஐ.க்கு நீதிபதி உத்தரவிட்டார்.

இதையடுத்து 20-ந் தேதிக்கு வழக்கை நீதிபதி தள்ளி வைத்தார். இன்று வழக்கு விசாரணைக்கு வந்தது அப்பொழுது நீதிபதிகள் கனிமொழிக்கு ஜாமீன் வழங்க முடியாது என தீர்ப்பளித்து உத்தரவிட்டார்.

- மாலை மலர்