திரை இசை இலக்கியங்கள் !

**ayyamperumal** · **ayyamperumal** Sat 3 Sep 2011 - 13:41

திரை இசை இலக்கியங்கள் !

திரைப்பட பாடல்களுக்கு இலக்கியத்தரம் இருக்கிறதா ? இல்லையா ? என்கிற சண்டையைவிட ,,
அதற்க்கு இலக்கியத்தரம் கொடுப்பதா ? வேண்டாமா ? என்கிற சண்டைகள், தமிழ் சினிமாவின் ஆரம்ப காலத்திலேயே நடந்துவிட்டது. பின்பு திரை இசைபாடலிலும் இலக்கியம் உண்டு என்கிற உண்மையை ஏற்றுக்கொண்டார்கள்.

பாபநாசம் சிவன் காலத்தில் வதனமே சந்திர பிம்பமோ என்று மொழிக்கலப்பில் பாடல் இருந்தாலும்
பின்பு நல்ல விதமாகவே பாடல்களை எழுதினார்கள். பழைய திரைப்படப் பாடல் ஆசிரியர்களில் திருச்சி லோகநாதன்,
க.மு.ஷெரீப், மருத காசி, தஞ்சை ராமையா தாஸ், போன்றவர்கள் மிகவும் குறிப்பிடத் தகுந்தவர்கள். பின்பு
பட்டு கோட்டை, கண்ணதாசன், வாலி, முத்து லிங்கம் , நா. காமராசு, புதுமை பித்தன், வைரமுத்து, பழனி பாரதி, மேத்தா, பா. விஜய், முத்து குமார், தாமரை என்று நீண்ட பட்டியல் போகும்.

. சினிமா பாட்டுங்கிறது " தெருவுக்கு உயர்ந்தது திண்ணை
தம்பிக்கு மூத்தவன் அண்ணன்" என்று எழுதுவது இல்லை என்று ஒரு
பழைய பாடல் ஆசிரியர் கூறியிருக்கிறார். பின்னர் ஒருமுறை மருதகாசி, எல்லோரும் எழுதுகிறார்களே நாமும் எழுதினால் என்ன என்று ஒரு விரசமான பாடல் எழுதினாராம், அவருடைய முதல் ரசிகையிடமிருந்து கடிதம் வந்தது. " உங்கள் பாடல்களை பார்ப்பவர்களில், பெண்கள் உண்டு, மனைவி உண்டு, தாய் உண்டு, மகளும் உண்டு, ஆகவே, தமிழை கெடுக்காதீர்கள் என்று கடிதம் வந்தது. அந்த கடிதத்தை எழுதியவர் அவரின் மகள் என்பது ஆச்சர்யமான உண்மை.

முன்பு திரைபட பாடல் எழுதிய கவிஞர்களுக்கு இருந்த பொறுப்புணர்ச்சி , இன்றைய கவிஞர்களுக்கு இல்லை
என்பது உண்மை. ஆனாலும் இன்றும் திரை இசையில் இலக்கிய வரிகள் இருக்கிறது என்பதும் உண்மை .

என் நினைவில் உள்ளவரை இந்த தகவல்கள் ....."வைரமுத்துவரை ' என்கிற புத்தகத்தில் படித்தது. (எழுதியவர் பெயர் தெரியவில்லை )

வயது வந்த பருவப் பெண்போல் உனக்கும் வெட்கமா ?
சும்மா தலை குனுஞ்சு பாக்குரயே தரையின் பக்கமா !
உன்னை வளர்த்து விட்ட தாய்க்கு தரும் அன்பு முத்தமா ! - என்
மனைக்கு வர காத்திருக்கும் நீ என் சொத்தம்மா !

ஏர் முனைக்கு நேர் இங்கு எதுவுமே இல்லை - இனி
என்றும் நம்ம வாழ்விலே பஞ்சமும் இல்ல என்கிற , மருத காசியினுடைய இந்த பாடல் .........
உழுதுண்டு என தொடங்கும் திருக்குறளுக்கு இணையானதுதான். என்பது எனது எண்ணம்.

அந்தவகையில் எனது விருப்பத்தில், நான் இலக்கியத்தரமான வரிகள் என்று நினைத்த சில பாடல் வரிகளை இங்கு பதிய போகிறேன். உங்கள் ஆதரவும் கிடைக்கும் என்று நம்புகிறேன்.