கணவருடன் சேர்ந்து வாழ வீரப்பன் மகளுக்கு நீதிமன்றம் அனுமதி

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1 •

கணவருடன் சேர்ந்து வாழ வீரப்பன் மகளுக்கு நீதிமன்றம் அனுமதி

#642127

ஜாஹீதாபானு
நிர்வாகக் குழு: பதிவுகள் : 31431
இணைந்தது : 16/04/2011

Post ஜாஹீதாபானு Wed Sep 28, 2011 4:53 pm

கணவருடன் சேர்ந்து வாழ வீரப்பன் மகளுக்கு நீதிமன்றம் அனுமதி Vidya

சென்னை, செப்.28: சந்தனக் கடத்தல் வீரப்பனின் மகள் வித்யாராணியை அவரது கணவருடன் சேர்ந்து வாழ சென்னை உயர்நீதிமன்றம் அனுமதி அளித்துள்ளது.

வித்யாராணியை தான் காதல் திருமணம் செய்திருந்த நிலையில் அவரது தாயார் முத்துலட்சுமி தங்களைப் பிரித்துவிட்டதாக குற்றம்சாட்டி சென்னை பெரம்பூரைச் சேர்ந்த மரிய தீபக் என்பவர் சென்னை உயர்நீதிமன்றத்தில் மனுத்தாக்கல் செய்திருந்தார்.

எனது மனைவியை கண்டுபிடித்து என்னிடம் ஒப்படைக்க காவல்துறைக்கு உத்தரவிட வேண்டும் என்று அவர் தனது மனுவில் கோரிக்கை விடுத்திருந்தார்.

இந்த மனு மீது சென்னை உயர்நீதிமன்றத்தில் இன்று விசாரணை நடைபெற்றது. விசாரணையின்போது வித்யாராணியை போலீசார் நீதிமன்றத்தில் ஆஜர்படுத்தினர்.

அவரிடம் நீ யாருடன் வாழ ஆசைப்படுகிறாய் என நீதிபதிகள் கேட்டனர். அதற்கு கணவர் தீபக்குடன் சேர்ந்து வாழ ஆசைப்படுகிறேன் என வித்யா பதிலளித்தார்.

இதையடுத்து நீதிபதிகள் வித்யாராணி மேஜரான் பெண். அவரது திருமணம் சட்டப்படி செல்லும். எனவே கணவர் தீபக்குடன் சேர்ந்து வாழ அனுமதி அளிக்கிறோம் என தங்களது தீர்ப்பில் தெரிவித்தனர்.

இதையடுத்து நீதிமன்றத்தில் இருந்து வெளியே வந்த வித்யா கணவர் தீபக்குடன் அவர் வீட்டுக்கு புறப்பட்டுச் சென்றார்.