விழுப்புரம் அருகே ‘சரக்கு’ லாரி கவிழ்ந்து பீர் ஆறாக ஓடியது

**இளமாறன்** · **இளமாறன்** Mon Oct 24, 2011 1:53 am

விழுப்புரம் : மதுபாட்டில் ஏற்றிச்சென்ற லாரி சாலையில் கவிழ்ந்து விபத்துக்குள்ளானது. இதனால் லாரியில் இருந்த பீர் பாட்டில்கள் உடைந்து, சாலையில் பீர் ஆறாக ஓடியது.
சென்னை பூந்தமல்லியில் இருந்து 350 அட்டை பெட்டிகளில் பீர் பாட்டில்கள் எற்றிக்கொண்டு நாகர்கோயிலுக்கு லாரி ஒன்று சென்று கொண்டிருந்தது. லாரியை ஆத்தூரை சேர்ந்த முருகேசன்(35) ஓட்டி சென்றார். நேற்று காலை 5 மணியளவில் விழுப்புரத்தை அடுத்து பிடாகம் என்ற இடத்தில் லாரி சென்றபோது,

லாரியின் பின்சக்கரம் லாரியில் இருந்து பிரிந்தது. இதனால் லாரி கவிழ்ந்தது. லேசான காயத்துடன் முருகேசன் உயிர் தப்பினார். லாரியில் இருந்த பீர் பாட்டில்கள் உடைந்து நொறுங்கி, சாலையில் பீர் ஆறாக ஓடியது. விபத்து ஏற்பட்டதும் அருகில் இருந்த கிராம மக்கள் டிரைவரை மீட்டனர். மேலும் லாரியில் இருந்து கொட்டிய பீரையும் பிடித்துச் சென்றனர். டாஸ்மாக் அதிகாரிகள் வந்து உடைந்த பாட்டில்களை கணக்கெடுத்த பின், கிரேன் மூலம் லாரி அப்புறப்படுத்தப்பட்டது. தினகரன்