ஆபாச பட வழக்கு: நடிகை ஷகிலா நெல்லை கோர்ட்டில் ஆஜர்

ஆபாச சினிமா படம் குறித்த வழக்கில் நடிகை ஷகிலா உள்பட 5 பேர் நேற்று நெல்லை கோர்ட்டில் ஆஜர் ஆனார்கள்.

போலீஸ் சோதனை

கடந்த 26-8-2003 அன்று இரவு நெல்லை மாவட்டத்தில் பாளையங்கோட்டையில் உள்ள ஒரு சினிமா தியேட்டரில், மலையாள கவர்ச்சி நடிகை ஷகிலா நடித்த ``இளமை கொண்டாட்டம்'' என்ற படம் திரையிடப்பட்டு இருந்தது. அந்த சினிமாவின் இடையே ஆபாச காட்சிகள் காட்டப்படுவதாக, போலீசாருக்கு தகவல் கிடைத்தது.

இதன்பேரில், போலீசார் அந்த தியேட்டரில் மாறுவேடத்தில் சென்று கண்காணித்தனர். அப்போது, தியேட்டரில் ஆபாச காட்சிகள் ஒளிபரப்பானதை போலீசார் கண்டுபிடித்தனர். அந்த ஆபாச படச்சுருளையும் கைப்பற்றினார்கள்.

ஆபாச பட வழக்கு

படத்தில் ஆபாசமாக நடித்ததாக நடிகை ஷகிலா, நடிகர் தினேஷ் மற்றும் 8 பேர் மீது போலீசார் வழக்குப் பதிவு செய்தனர்.

இந்த வழக்கு நெல்லை முதலாவது ஜுடிசியல் மாஜிஸ்திரேட்டு கோர்ட்டில் நடந்து வருகிறது. இந்த வழக்கில் தியேட்டர் மேலாளர் பாஸ்கரன் தவிர மற்ற அனைவரும் கோர்ட்டில் ஆஜராகினர். பாஸ்கரன் தலைமறைவாக உள்ளார். இதனால் அவர் மீதான வழக்கு தனியாக நடத்தப்பட்டு வருகிறது.

குற்றப் பத்திரிகை நகல்

கடந்த 26-9-2008 அன்று இந்த வழக்கில் நடிகை ஷகிலா உள்பட 8 பேர் ஆஜரானார்கள். நடிகர் தினேஷ் ஆஜராகவில்லை. இதனால் நடிகர் தினேசுக்கு கோர்ட்டில் இருந்து பிடிவாரண்டு பிறப்பிக்கப்பட்டது. அவர் கடந்த 6-3-2009 அன்று நெல்லை முதலாவது ஜுடிசியல் மாஜிஸ்திரேட்டு கோர்ட்டில் சரண் அடைந்தார்.

இதனைத்தொடர்ந்து நடிகை ஷகிலா உள்பட 9 பேருக்கும் குற்றப்பத்திரிகை நகல் வழங்கப்பட்டது.

நடிகை ஷகிலா ஆஜர்

இந்த நிலையில் நேற்று நடிகை ஷகிலா, பட வினியோகஸ்தர் சிவசுப்பிரமணியன், தியேட்டர் ஊழியர்கள் முருகன், மாரிமுத்து, தாமஸ் ஆகிய 5 பேரும் காலை 10-30 மணிக்கு நெல்லை முதலாவது ஜுடிசியல் மாஜிஸ்திரேட்டு கோர்ட்டில் மாஜிஸ்திரேட்டு (பொறுப்பு) ராபின்சன் ஜார்ஜ் முன்னிலையில் ஆஜரானார்கள்.

இந்த வழக்கை மாஜிஸ்திரேட்டு ராபின்சன் ஜார்ஜ், வருகிற 28-ந்தேதிக்கு தள்ளி வைத்தார்.

தினதந்தி

பாவம்.. எப்போதோ செய்த தவறுக்கு இப்போது அலைய வேண்டியதிருக்கிறது...