சமையல் குறிப்புகள்!

தாமு · தாமு Mon Sep 28, 2009 5:01 am

சமையல் குறிப்புகள்!

கடையிலிருந்து பிளாஸ்டிக் கவரில் வெண்ணெய் வாங்கி வந்தால் அப்படியே ஃப்ரிட்ஜில் இரண்டு மணி நேரம் வைத்திருந்து பின் எடுத்தால் கையில், கவரில் வெண்ணெய் ஒட்டவே ஒட்டாது.

ரவையை வெறும் வாணலியில் போட்டு சிவக்க வறுத்து ஆறவிட்டு கொட்டி வைத்துக் கொண்டால் வண்டு வராமல் இருக்கும். உப்புமா, கேசரி செய்ய வேண்டுமென்றா லும் உடனே எளிதாகச் செய்துவிடலாம்.
தக்காளியை சிறிது வேகவிட்டுத் தோல் உரித்து மிக்ஸியில் நைஸôக அரைத்து ஃப்ரிட்ஜில் வைத்துக் கொண்டால் (உப்பு, மிளகாய்ப்பொடி, மிளகுத்தூள் சேர்த்து கொதிக்கவிட்டு பின் ஆற வைத்து) தக்காளி சாஸôகவும் பயன்படுத்திக் கொள்ளலாம். தக்காளி இல்லாத சமயத்தில் சாம்பார், ரசத்திற்கும், கிரேவிகள் செய்யவும் பயன்படுத்திக் கொள்ளலாம்.
சுக்கு, ஏலக்காயைப் பொடி செய்து வைத்துக்கொண்டால் டீ போடும்போது அவ்வப்போது சேர்த்துக் கொள்ளலாம்.
இடியாப்ப மாவு, பூரண கொழுக்கட்டை மாவு பிசையும்பொழுது அரை டம்ளர் கொதிக்கும் பாலையும் விட்டு கிளறினால் நல்ல வெள்ளையாக இருக்கும்.
மாங்காய் இனிப்பு பச்சடி செய்யும் பொழுது தோலைச் சீவிவிடுவார்கள். ஆனால் தோல் சீவாமல் அப்படியே செய்தால் மிகவும் சுவையாக இருக்கும்.
தினமும் இரவு பால் அருந்தும்போது சர்க்கரைக்குப் பதில் வெல்லம் ஏலக்காய் சேர்த்து கொதிக்கவிட்டு அருந்தினால் இரும்புச்சத்து சேரும். சுவையும் நன்றாக இருக்கும்.
கொத்தமல்லி, புதினா, பூண்டு துவையல், சாம்பார் செய்யும்போது புளி நிறைய சேர்க்காமல் தக்காளியைச் சேர்க்கலாம். ரசத்தில் எலுமிச்சை சாறு சேர்க்கலாம். உடலுக்கும் நல்லது. புளி அதிகம் சேர்ப்பது ஆரோக்கியத்திற்குத் தீங்கு.
வாரம் ஒரு முறை இஞ்சியையும், பூண்டையும் தனித்தனியாக அரைத்து விழுதாக ஃப்ரிட்ஜில் வைத்துக் கொண்டால் சைவ பிரியாணி மற்றும் அசைவ பிரியாணி செய்யும்போது எளிதாக இருக்கும்.
நூடுல்ஸ் செய்யும்பொழுது வெங்காயம், தக்காளி வதக்கும்போது சிறிது மிளகுத்தூள், உப்பு, மிளகாய்த் தூளையும் அதில் உள்ள மசாலாவோடு சேர்த்து செய்தால் சுவை கூடுதலாக இருக்கும்.

கோயிலுக்கு எடுத்துச் செல்லும் தேங்காய் மற்றும் வீட்டில் சாமிக்கு உடைக்கும் தேங்காயை இரண்டு நிமிடம் தண்ணீரில் போட்டு வைத்து உடைத்தால் அழகாக சரியாக உடையும்.
வயதானவர்கள் மற்றும் நீண்ட நேரம் காலைத் தொங்கவிட்டு உட்காருபவர்களுக்கு கால் பாதங்கள் புஸ் என்று உப்பிவிடும். அதனால் முடிந்தவரை கால்களை அதிக நேரம் தொங்கவிடாமல் ஸ்டூல் மீது தூக்கி வைத்துக் கொண்டு உட்கார்ந்தால் வீங்கவும் வீங்காது. கால் வலியும் வராது.
அசைவ உணவு சாப்பிடும்போது கட்டாயம் ஒரு டம்ளர் ரசம் சூடாக அருந்துங்கள். ரசத்தில் உள்ள பூண்டு, மிளகு, சீரகம், பெருங்காயம் அசைவ உணவில் உள்ள கொழுப்பினால் ஏற்படும் செரிமானக் குறைபாடு ஏற்படாமல் தடுக்கும்.
இன்றைய தலைமுறையினர் அசைவ உணவைச் சாப்பிட்டுக்கொண்டே தண்ணீருக்குப் பதிலாக குளிர்பானங்கள் குடிக்கும் பழக்கத்தை நாகரீகமாகக் கருதுகிறார்கள். இதனால் அசைவ உணவில் உள்ள கெட்ட கொழுப்புகள் உடனடியாக இரத்தக்குழாய்களில் படிந்து மாரடைப்பு எளிதில் வர வாய்ப்பு இருக்கிறது. அதனால் அசைவ உணவு சாப்பிடும்போது குளிர்பானங்களைச் சாப்பிடாமல் மிளகு ரசம் சாப்பிடுங்கள்.

சமையல் குறிப்புகள்!

சமையல் குறிப்புகள்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக