தாய்மை....

**கா.ந.கல்யாணசுந்தரம்** · 28/02/2009

தாய்மை.

பல்லவி

ஒளிரும் மெழுகிலே

ஓவியம் பிறந்தால்

தியாகம் என்றே சொல்லாகும்!

வணங்கும் தெய்வமும்

வாழ்த்திப் பேசிடும்

தாய்மையின் அழகு தெய்வீகம் - இந்த

தாய்மையின் அழகு தெய்வீகம்!

.....ஒளிரும்

சரணம்

மாதங்கள் பத்தும்

சுகமாய் சுமக்க

சுமந்த உயிரே தாயாகும்!

பாச நெஞ்சம்

முதுமையில் வீழ்ந்தால்

பிள்ளையின் கரமே தூணாகும் - இந்த

பிள்ளையின் கரமே தூணாகும்!

....ஒளிரும்

கருவில் தோன்றிய

நாள் முதலே - உன்

உருவம் காணத் துடித்திருந்தேன்!

கடலும் அலையும் விலகினாலும்

அன்னையை பிரியா நிலை வேண்டும் - என்

அன்னையைப் பிரியா நிலை வேண்டும்!

.....ஒளிரும்

.............கா.ந.கல்யாணசுந்தரம்.

**ஹிஷாலீ** · **ஹிஷாலீ** Mon Dec 12, 2011 11:37 am

கவிதை அருமை ஐயா ...! அன்பு மலர்

**உமா** · **உமா** Mon Dec 12, 2011 11:43 am

கருவில் தோன்றிய

நாள் முதலே - உன்

உருவம் காணத் துடித்திருந்தேன்!

கடலும் அலையும் விலகினாலும்

அன்னையை பிரியா நிலை வேண்டும் - என்

அன்னையைப் பிரியா நிலை வேண்டும்!

இந்த வரிகளை படிக்கும்போது உள்ளிருந்து ஓர் உணர்வு மெய்மறந்து சொல்வது போலே சொல்லியது மனம்.
சிறந்த வரிகள் ....
மகிழ்ச்சி