ஊழலுக்கு எதிரான போராட்டத்திற்கு ரஜினிகாந்த் ஆதரவு

**சிவா** · **சிவா** Wed 28 Dec 2011 - 14:41

ஊழலுக்கு எதிராக அன்னா ஹசாரே நடத்தும் போராட்டத்திற்கு ரஜினிகாந்த் ஆதரவு தெரிவித்துள்ளார்.

இதுகுறித்து, சமூக சேவகர் அன்னா ஹசாரேவின், இந்திய ஊழல் எதிர்ப்பு இயக்கத்திற்கு ரஜினிகாந்த் அனுப்பியுள்ள இ-மெயில் செய்தியில் கூறியிருப்பதாவது:-

ஊழலை வேருடன் அகற்ற வேண்டும்

ஊழல் என்பது ஒரு உயிர்க்கொல்லி நோய் என்பதில் சந்தேகம் இல்லை. அதை இந்தியாவில் இருந்து வேருடன் அகற்ற வேண்டியது அவசியம். ஊழலுக்கு எதிராக போராட அன்னா ஹசாரேயை நாம் பெற்று இருப்பது மகிழ்ச்சியான விஷயம். அவர் அர்ப்பணிப்பும், திறமையும் கொண்ட தலைவர் ஆவார்.

பாராளுமன்றத்தில் வலுவான லோக்பால் மசோதாவை நிறைவேற்ற போராடி வரும் ஊழலுக்கு எதிரான அமைப்புக்கு முழு மனதுடன் நான் ஆதரவு தெரிவிக்கிறேன். சத்தியா கிரகத்தின் பிறப்பிடம் இந்தியா. இங்கு மட்டுமே இதுபோன்ற அமைதியான போராட்டங்கள் சாத்தியமானது.

பாராட்டு

ரத்தம் சிந்தாத அமைதியான போராட்டத்தை அன்னா ஹசாரே தேர்ந்தெடுத்து இருக்கிறார். அவருக்கு ஆதரவு தெரிவிக்கும் இந்தியர்கள் அனைவரையும் நான் பாராட்டுகிறேன்.

இவ்வாறு ரஜினிகாந்த் கூறியுள்ளார்.

சமீபத்தில் அன்னா ஹசாரே சென்னையில் நடந்த பொதுக்கூட்டத்தில் பங்கேற்கவந்தபோது, நடிகர் ரஜினிகாந்த் அவரிடம் தொலைபேசி மூலம் பேசியதுடன், ``ஊழலுக்கு எதிரான தங்களின் போராட்டத்திற்கு எனது ஆதரவு எப்போதும் இருக்கும்'' என்று கூறினார் என்பது குறிப்பிடத்தக்கது.

தினதந்தி

ரேவதி · ரேவதி Wed 28 Dec 2011 - 14:45

இதேபோல் முல்லை பிரச்சனைக்கும் குரல் கொடுங்க மகிழ்ச்சி

பேஸ்புகில் அதிஷா போட்டிருந்த கமெண்ட்

முந்தாநேத்துதான் ரஜினி அன்னாவுக்கு ஆதரவு தெரிவிச்சாரு அடுத்தநாளே லோக்பால் வந்திருச்சே! அதுதான் தி பவர் ஆஃப் சூப்பர்ஸ்டார். #வந்தேண்டா பால்காரன் பசுமாட்டை பத்தி பாடப்போறேன்

நியாஸ் அஷ்ரஃப் · 15/06/2010

ரேவதி wrote:
முந்தாநேத்துதான் ரஜினி அன்னாவுக்கு ஆதரவு தெரிவிச்சாரு அடுத்தநாளே லோக்பால் வந்திருச்சே!

இது என்னப்பா அநியாயமா கீது, 31 ஆம் தேதி தான் புத்தாண்டு பத்தி கொரல் உட்டாறு, அடுத்த நாளே புத்தாண்டு வந்துட்சேனு கூட சொல்வாங்களோ ??? அதிர்ச்சி

சார்லஸ் mc · சார்லஸ் mc Wed 28 Dec 2011 - 16:44

ஆரம்பத்தில் நதிகள் இணைப்பிற்கு 1 கோடி ரூபாய் தருவதாக சொன்னாரே ஒருமுறை. அது என்னவாயிற்று?

பேசாம நடிக்கிற வேலைய மட்டும் பாருங்கப்பூ...

**ராஜா** · **ராஜா** Wed 28 Dec 2011 - 16:58

சார்லஸ் mc wrote:ஆரம்பத்தில் நதிகள் இணைப்பிற்கு 1 கோடி ரூபாய் தருவதாக சொன்னாரே ஒருமுறை. அது என்னவாயிற்று?பேசாம நடிக்கிற வேலைய மட்டும் பாருங்கப்பூ...

நதிகள் இணைப்பு வேலை ஆரம்பிச்சாச்சா !!!

முஹைதீன் · முஹைதீன் Wed 28 Dec 2011 - 19:14

இதுவரை முல்லை பெரியாரை பற்றி எந்த நடிகர்களும் வாய் திறக்காதது ஆச்சர்யமாக இருக்கிறது.
இவர்கள் தமிழை பற்றி பேசுகிறார்கள்? இவர்களுடைய படத்தின் வெற்றிக்காக தமிழர்கள் பாடுபடுவது வெட்கப்படவேண்டிய விஷயமே

ramkey · ramkey Wed 28 Dec 2011 - 21:00

ஆரம்பத்தில் நதிகள் இணைப்பிற்கு 1 கோடி ரூபாய் தருவதாக சொன்னாரே ஒருமுறை. அது என்னவாயிற்று?

என்னது இது சின்னபுள்ள தனமா இருக்கு :farao: , இதையெல்லாம் நீங்க கேக்கபடாது.. கன்னத்தில் அறை