வம்புக்கு இழுக்காதீர்கள்: பிறகு எல்லாவற்றையும் சொல்ல வேண்டிய நிலை ஏற்படும்: விஜயகாந்த்

வம்புக்கு இழுக்காதீர்கள்: பிறகு எல்லாவற்றையும் சொல்ல வேண்டிய நிலை ஏற்படும்: விஜயகாந்த்

விருதுநகர் மாவட்ட தே.மு.தி.க. பொருளாளர் சங்கரலிங்கத்தின் இல்ல திருமண விழா இன்று அருப்புக்கோட்டையில் நடந்தது. இதில் தே.மு.தி.க. நிறுவனரும், எதிர்கட்சி தலைவருமான விஜயகாந்த் கலந்து கொண்டு பேசியதாவது:

மக்கள் குறைகளை போக்குவதற்காகத்தான் சட்டமன்றத்திற்கு போகிறோம். அங்கு மக்கள் குறைகளை தீர்க்க பேசுகிறோம். எதிர்கட்சி உறுப்பினர்களை பார்த்து ஆளுங்கட்சியினர் ஒருமையில் பேசியதால்தான் நான் கைநீட்டி பேச வேண்டிய நிலை ஏற்பட்டது.

சட்டத்தில் கை நீட்டி பேசக் கூடாது என்று கூறவில்லை. சட்டமன்ற உரிமைக்குழுவை கூட்டி என்னை 10 நாட்கள் சஸ்பெண்டு செய்து உள்ளனர். இந்த வேகத்தை தானே புயலால் பாதிக்கப்பட்ட பகுதிகளுக்கு நிவாரணம் வழங்குவதில் காட்ட வேண்டியதுதானே? அதை விட்டு விட்டு என்னை சஸ்பெண்டு செய்து உள்ளனர்.

தானே புயலால் பாதிக்கப்பட்ட பகுதிகளுக்கு நான் தான் முதன் முதலில் சென்று நிவாரண உதவிகளை வழங்கினேன். அதன் பின்னர்தான் மற்ற அரசியல் கட்சியினர் அந்த பகுதிகளுக்கு வந்தனர். மின்வெட்டு 2 மாதத்திற்குள் நீக்கி விடுவோம் என்று ஆட்சிக்கு வந்தவுடன் கூறினார்கள். ஆனால் இதுவரை எந்த நடவடிக்கையும் எடுக்க வில்லை.

அருப்புக்கோட்டை பகுதியில் நெசவாளர்கள் அதிகம் பேர் உள்ளனர். தற்போது நிலவும் மின் வெட்டால் இப்பகுதியில் நெசவு தொழில் முற்றிலும் நசுங்கப்பட்டுள்ளது. பள்ளி மாணவர்கள் மின்வெட்டால் அதிகம் பாதிக்கப்பட்டனர்.

விலைவாசியும் உயர்ந்து கொண்டே போகிறது. கடந்த தேர்தலில் 60 ஆயிரம் ஓட்டுகள் வித்தியாசத்தில் வெற்றி பெறுவோம் என கூறிய தி.மு.க. தற்போது 6 ஆயிரம் ஓட்டுகள் கூட பெற முடியாத நிலையில் உள்ளது. இதே நிலைமைதான் அ.தி.மு.க.வுக்கும் ஏற்படும்.

தமிழ்நாட்டில் தற்போது சட்டம் ஒழுங்கு சரியில்லை. அ.தி.மு.க., எம்.ஜி.ஆரின் கட்சி என்பதால் மரியாதையுடன் இருக்கிறோம். எங்களை வம்புக்கு இழுக்காதீர்கள். பிறகு எல்லாவற்றையும் சொல்ல வேண்டிய நிலை ஏற்படும். மக்களை ஏமாற்றி ஆட்சி அமைக்கும் எண்ணம் எனக்கு இல்லை.

டான்சி வழக்கு தொடர்பான கோப்பில் கையெழுத்து போட்டு விட்டு பிறகு அது எனது கையெழுத்து இல்லை என்று கூறுகிறார். டான்சி நிலத்தையும் ஒப்படைக்கிறேன் என்று கூறுபவர் தமிழகத்தின் முதல்வராக உள்ளார். இவ்வாறு அவர் பேசினார்.

நக்கீரன்

என்ன கொடும சர் இது

அடாடாடாடா இவரு சொல்லிட்டாலும்...அவங்கள புடிச்சி உள்ளபோட்டுருவாங்க பாருங்க..... போப்பா போயி எதிர்கட்சி தலைவர் சீட்டுல சீக்கிரம் உட்காருற வழிய பாருங்க.. இவரு இன்னும் தன்னை திறமைப்படுத்திக்கொள்ளலாம்... பேச்சாற்றலை வளர்த்து தொடர் பேச்சுகள் மூலம் மற்றவர்கள் கேட்கும் கேள்விகளுக்கு பொறுமையாக பதில் தரலாம். நான் நம்ம விஜியகாந்தை சொன்னேன்.

கேப்டனின் விளைவுகள் பற்றிக் கவலைப்படாத துணிச்சல் போற்றத்தக்கதுதான்.ஆனால் கருத்துக்குக் கருத்து என்று எதிராளியை மடக்கிப் போட்டால் அவர் இன்னும் ஜொலிக்கலாம்.
எதுகை மோனையில் பேசித்தான் அதைச் செய்ய முடியும் என்றில்லை.யதார்த்தமாக செறிவோடு பேசினாலே போதும்.செய்வாரா?...
செய்வார் என்றே நம்புவோம்...

RaRa3275 wrote:கேப்டனின் விளைவுகள் பற்றிக் கவலைப்படாத துணிச்சல் போற்றத்தக்கதுதான்.ஆனால் கருத்துக்குக் கருத்து என்று எதிராளியை மடக்கிப் போட்டால் அவர் இன்னும் ஜொலிக்கலாம்.
எதுகை மோனையில் பேசித்தான் அதைச் செய்ய முடியும் என்றில்லை.யதார்த்தமாக செறிவோடு பேசினாலே போதும்.செய்வாரா?...
செய்வார் என்றே நம்புவோம்...

சரியா சொன்னீங்க ராரா

அசுரன் wrote:

RaRa3275 wrote:கேப்டனின் விளைவுகள் பற்றிக் கவலைப்படாத துணிச்சல் போற்றத்தக்கதுதான்.ஆனால் கருத்துக்குக் கருத்து என்று எதிராளியை மடக்கிப் போட்டால் அவர் இன்னும் ஜொலிக்கலாம்.
எதுகை மோனையில் பேசித்தான் அதைச் செய்ய முடியும் என்றில்லை.யதார்த்தமாக செறிவோடு பேசினாலே போதும்.செய்வாரா?...
செய்வார் என்றே நம்புவோம்...

சரியா சொன்னீங்க ராரா

உண்மைதான் அசுரன்...சினிமாவில் அவர் மிகுந்த தைரியமானத் தனிமனிதர்-திரைக்கு அப்பால்தான்.
மிகச் சிறந்த மனிதாபிமானி.அதற்காக நான் தே.மு.தி.க. என என்ன வேண்டாம்.அவரது இயல்பைச் சொன்னேன்.