கிளிநொச்சியில் முன்னாள் போராளிகளை இலக்கு வைத்துள்ள மகிந்தரின் கட்சியினர்.

கிளிநொச்சி மாவட்டத்தில் முன்னாள் போராளிகளை இலக்கு வைத்துக் கொண்டு இளைஞர், யுவதிகளுக்கான வேலைவாய்ப்பு என்ற போர்வையில் ஏமாற்று நாடகத்தினை சுதந்திரக் கட்சியினர் ஆரம்பித்திருப்பதாக தெரிவிக்கப்படுகின்றது.

சிவில் உத்தியோகஸ்தர் என்ற பதவிக்கே ஆட்சேர்க்கப்படவுள்ளனர். இதற்கான நேர்முகத் தேர்வு இவ்வாரம் இடம்பெறவுள்ளது. இந்நிலையில் இந்த நேர்முகத்தேர்வுக்கான அழைப்பிதழ் பெரும்பாலும் முன்னாள் போராளிகளுக்கே கிடைத்துள்ளது.

ஆனால் குறித்த பதவிக்கு முன்னாள் போராளிகள் எவரும் விண்ணப்பித்திருக்கவில்லை என்பது குறிப்பிடத்தக்கதாகும். ஆனால் பெரும்பாலானவர்களுக்கு அழைப்பிதழ்கள் கிடைத்துள்ளதுடன், இந்தப் பதவியின் பின்னர் அரச உத்தியோகம் கிடைக்கும் எனவும் குறிப்பிடப்பட்டுள்ளது.

மேலும் இந்த பதவிக்கு கல்வித்தகைமை எதுவும் தேவையில்லை எனவும் தெரிவிக்கப்பட்டிருக்கின்றது. மேலும் சுதந்திரக் கட்சியின் முக்கியஸ்தர் ஒருவர் இது தொடர்பில் சில தினங்களுக்கு முன்னர் இடம்பெற்ற சந்திப்பொன்றில் உரையாற்றும்போது இவ்வாறு குறிப்பிட்டிருக்கின்றார்.

அதாவது உள்ளுராட்சி தேர்தல் காலத்தில், பொருட்களாக பலவற்றை மக்களுக்கு கொடுத்த போதும் மக்கள் அவற்றை மறந்துவிட்டனர். இந்நிலையில் மக்களுடன் இணைந்தும், மக்களுக்குள் ஊடுருவியும் எதிர்காலத்தில் தேர்தலை எதிர்கொள்ளவேண்டும் என தெரிவித்துள்ளார்.

ஏனவே மாகாணசபை தேர்தலை எதிர்நோக்கியே இந்த வேலைவாய்ப்பு நாடகம் அரங்கேற்றப்படுகின்றமை குறிப்பிடத்தக்கது. இந்தவிடயத்தில் இளைஞர்கள் யுவதிகள் அவதானமாக இருக்கவேண்டும் இதுவெறும் அரசியல் நோக்கிற்காக பயன்படுத்து மட்டுமே.
http://thaaitamil.com/%E0%AE%95%E0%AE%BF%E0%AE%B3%E0%AE%BF%E0%AE%A8%E0%AF%8A%E0%AE%9A%E0%AF%8D%E0%AE%9A%E0%AE%BF%E0%AE%AF%E0%AE%BF%E0%AE%B2%E0%AF%8D-%E0%AE%AE%E0%AF%81%E0%AE%A9%E0%AF%8D%E0%AE%A9%E0%AE%BE%E0%AE%B3%E0%AF%8D/