எத்தனை - எத்துணை ?

**சாமி** · **சாமி** Sun Aug 26, 2012 9:43 pm

எத்தனை - எத்துணை

(அ) ஒரு கையில் எத்தனை விரல்கள் இருக்கின்றன?
(ஆ) ஒரு கையில் எத்துணை விரல்கள் இருக்கின்றன?
(அ) நான் எத்தனை நேரமாகக் காத்திருக்கிறேன்?
(ஆ) நான் எத்துணை நேரமாகக் காத்திருக்கிறேன்?

மேலுள்ள நான்கு தொடர்களிலும் எத்தனை, எத்துணை என்னும் இரு சொற்களும் பயன்படுத்தப் பட்டிருக்கின்றன. இவற்றில் ஏதாவது தவறு உண்டா? அல்லது எல்லாமே சரியா? என எண்ணிப் பார்ப்போம். எத்தனை என்னும் சொல்லை ஒன்று, இரண்டு என்று எண்ணி அறியக்கூடிய இடங்களில் மட்டும்தான் பயன்படுத்தலாம். எத்துணை என்பதை அவ்வாறின்றி மற்ற வகையாக அளந்து அறியக்கூடிய அளவுகளில் எல்லாம் பயன்படுத்தலாம். எத்துணை என்பதன் பொருள் "எவ்வளவு' என்பதுதான். எத்தனை என்பதற்கு ஐந்து, ஆறு என்பனபோல எண்ணிக்கைக் கணக்கில் விடையளிக்கலாம்.

ஆனால், "எத்துணை' அல்லது எவ்வளவு என்பதற்கு எண்ணிக்கையில் விடை அளிப்பது எல்லா இடங்களிலும் பொருத்தமாயிராது. ஆகவே "எத்துணை' என்பதைக் காலம், பரப்பளவு போன்றவற்றைக் குறிப்பிடும் இடங்களில் பயன்படுத்துவதே மிகவும் பொருத்தமாயிருக்கும். எனவே, மேலுள்ள தொடர்களில் ஒரு கையில் எத்தனை விரல்கள் இருக்கின்றன என்பது சரியான வினாத் தொடர். அடுத்துள்ள இணையில், "நான் எத்தனை நேரமாகக் காத்திருக்கிறேன்' என்பது சரியற்ற தொடர். நான் எத்துணை நேரமாகக் காத்திருக்கிறேன் என்பதுதான் சரியான தொடர். எத்தனை நாழிகையாக, எத்தனை மணிகளாக என்பனவும் சரியான தொடர்களாகும்.

(புலவர் மா.நன்னனின் "தமிழைத் தமிழாக்குவோம்') - (நன்றி - தினமணி)

அசுரன் · அசுரன் Sun Aug 26, 2012 10:20 pm

அருமை சாமீ... அருமை

யினியவன் · யினியவன் Mon Aug 27, 2012 12:14 am

எத்தனை விளக்கியது எத்துணை அருமை - நன்று சாமி.

முரளிராஜா · முரளிராஜா Mon Aug 27, 2012 7:32 am

அருமையான விளக்கம் சூப்பருங்க

**அருண்** · **அருண்** Mon Aug 27, 2012 12:28 pm

னை & ணை நல்ல விளக்கம் நன்றி சாமி.!

Sponsored content · Sponsored content

எத்தனை - எத்துணை ?

எத்தனை - எத்துணை ?

Re: எத்தனை - எத்துணை ?

Re: எத்தனை - எத்துணை ?

Re: எத்தனை - எத்துணை ?

Re: எத்தனை - எத்துணை ?

Re: எத்தனை - எத்துணை ?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக