கூடங்குளம் அணுமின் நிலையத்தில் எரிபொருள் நிரப்ப ஆயத்த பணிகள் துவக்கம்

நெல்லை: கூடங்குளம் முதல் அணு உலையில் எரிபொருள் நிரப்புவதற்கான ஆயத்த பணிகள் தொடங்கியுள்ளன. நெல்லை மாவட்டம், கூடங்குளத்தில் 1000 மெகாவாட் உற்பத்தி திறன் உள்ள 2 அணுஉலைகள் அமைக்கப்பட்டுள்ளன. முதல் அணு உலையின் மூலம் கடந்த ஆண்டு டிசம்பர் மாதமே மின் உற்பத்தி தொடங்கியிருக்கும். ஆனால் அணு உலைக்கு எதிராக பல்வேறு போராட்டங்கள் நடந்ததால் பணிகள் நிறுத்தப்பட்டன. மத்திய, மாநில நிபுணர் குழுக்களின் ஆய்வுக்கு பின்னர் மார்ச் 19ம் தேதி மீண்டும் பணிகள் முழுவீச்சில் தொடங்கின. இதற்காக இந்தியா முழுவதும் உள்ள 20 அணுமின்நிலையங்களில் இருந்தும் 150க்கும் அதிகமான பொறியாளர்கள் வரவழைக்கப்பட்டு இரவு பகலாக பணிகள் நடந்தன.

இதைத் தொடர்ந்து முதல் அணுஉலையின் அழுத்தக்கலன் திறக்கப்பட்டு அதில் உள்ள மாதிரி எரிபொருள் அகற்றப்பட்டது. இதற்கு பின்னர் அணுசக்தி ஒழுங்கு முறை ஆணைய அதிகாரிகள் கூடங்குளம் அணுமின்நிலையத்தில் பல்வேறு கட்ட ஆய்வுப் பணிகள் மேற்கொண்டனர். இதைத் தொடர்ந்து கடந்த ஆகஸ்ட் 10ம் தேதி முதல் அணுஉலையில் எரிபொருள் நிரப்ப அணுசக்தி ஒழுங்குமுறை வாரியம் அனுமதியளித்தது. எனினும் எரிபொருள் நிரப்ப தடை விதிக்கக் கோரி ஐகோர்ட்டில் வழக்கு தொடரப்பட்டதால் பணிகள் தாமதமாயின. இந்த வழக்கில் அணு உலையை எதிர்த்த அனைத்து வழக்குகளும் தள்ளுபடி செய்யப்பட்டன.

இதைத் தொடர்ந்து கடந்த வாரம் இந்திய அணுசக்தி ஒழுங்குமுறை வாரிய அதிகாரிகள், இந்திய அணுசக்தி கழகத் தலைவர் புரோகித் மற்றும் அதிகாரிகள் குழுவினர் கடந்த வாரம் கூடங்குளம் அணுமின்நிலையம் வந்து பல்வேறு கட்ட ஆய்வுப் பணிகளை மேற்கொண்டனர். இதையடுத்து கூடங்குளம் அணுமின்நிலையத்தில் எரிபொருள் நிரப்புவதற்கான அனைத்துப் பணிகளும் தொடங்கியுள்ளது. முதல் அணுஉலையில் 163 யுரேனியம் எரிகோல்கள் பொருத்தப்பட உள்ளன. ரஷ்ய விஞ்ஞானிகள், அனுபவம் வாய்ந்த பொறியாளர்கள் இதற்கான பணிகளில் ஈடுபட்டுள்ளனர். யுரேனியம் நிரப்பும் பணி 10 நாட்கள் நீடிக்கும் என தெரிகிறது. அதன் பின்னர் அணுசக்தி ஒழுங்குமுறை ஆணைய அதிகாரிகள் ஆய்வு நடத்துவர். அதன் பின்னரே முதல் அணுஉலையில் மின்உற்பத்தி தொடங்கும்.

மின்உற்பத்தியை தொடங்கிய உடனேயே 1000 மெகாவாட் மின்சாரம் கிடைக்காது. படிப்படியாக இந்தத் திறன் அதிகரிக்கப்படும். அதன் பின்னரே 1000 மெகாவாட் மின்சாரம் உற்பத்தியாகும். கூடங்குளம் அணு மின் நிலையத்தில் யுரேனியம் நிரப்ப தடை விதிக்கக்கோரி உச்சநீதிமன்றத்தில் வழக்கு தொடரப்பட்டுள்ளது. இந்த வழக்கு வரும் வியாழக்கிழமை விசாரணைக்கு வரும் எனத்தெரிகிறது. இதுதொடர்பாக உச்சநீதிமன்றம் தெரிவிக்கும் முடிவிற்கேற்ப யுரேனியம் எரிகோல்கள் நிரப்பப்படும் என அணுமின் நிலைய வட்டாரங்கள் தெரிவித்தன.

கூடங்குளம் அணுமின்நிலையத்தில் 2000 மெகாவாட் மின்சாரம் உற்பத்தியாகும் போது 925 மெகாவாட் மின்சாரம் தமிழகத்திற்கு ஒதுக்கீடு செய்யப்பட்டுள்ளது. தமிழகத்தில் கடுமையான மின்தட்டுப்பாடு நிலவி வரும் நிலையில் கூடங்குளம் பிரச்னையில் தமிழக அரசு, மத்திய அரசுக்கு உறுதுணையாக இருந்து வருவதால் தமிழகத்திற்கு கூடுதல் மின்சாரம் வழங்கப்படுமா? என்பது மத்திய அரசின் முடிவைப் பொறுத்துள்ளது.

தமிழ்முரசு

கேரளகாரனுங்க எருமைமாட்டுகறியை வேகவைக்கனுமாம் கரன்ட் அடுப்பு ஓடனும்ல சீக்கிரம் துவங்குங்க மத்திய அமைச்சர் நாருனவாய்சாமி அவர்களே ,

இந்த நாரவாய் சாமி
அப்புறம் இந்த சுண்டக்கா சாமி
வீணாப்போன ஆதீனம் நீலப்பட சாமி
இவனுகள ஒரே அடியா தொலைச்சு கட்டிட்டா
நம்ம நாட்டுக்கு விடிவு காலம் தான் கண்டிப்பா...

முதல் யுரேனியம் எரிகோல் பொருத்தி துவங்கி வைக்குமாறு "எமதர்மனை" கூப்பிட்டா நல்லா இருக்கும் ,,,