கரண்ட் வந்தால் தான் கல்யாணம்!

**சிவா** · **சிவா** Sun Nov 11, 2012 12:56 am

மின்சாரத்தைக் கண்டுபிடித்தது யார்? என்று திருச்சியில் உள்ள சுக்காவழி மலைகிராம மக்களைக் கேட்டால் அவர்கள் தாமஸ் ஆல்வா எடிசனின் பெயரைச் சொல்வதில்லை. அதற்கு பதில் “சின்னையா வாத்தியார்’ என்றுதான் சொல்கிறார்கள். கால் நூற்றாண்டு காலம் ஓயாது போராடி இந்த கிராமத்துக்கு இவர் மின்சாரம் வாங்கித் தந்ததே இதற்குக் காரணம்.

இதுபற்றி சின்னையா வாத்தியாரிடம் கேட்டபோது, “இந்த மலை கிராமத்துல ஒசத்தியான படிப்பே எம் படிப்புதான். 1984-ல் பதினோராம் வகுப்பு முடிச்சேன். தெனமும் எட்டுமைல் தூரம் நடந்து போயித்தான் படிக்கணும். அப்படி போறப்பதான் ஒரு யோசனை வனதேவதை போல மனசுக்குள்ள வந்து பேச்சு. நம்ம க்காவழி மக்கள் கரண்ட் இல்லாம ஒவ்வொரு விஷயத்துக்கும் என்ன பண்ணுவாங்க? இப்படியேபோனா எல்லாக் குழந்தைகளையும் கூலி வேலைக்கு அனுப்பி விட்டுருவாங்களேன்னு வருத்தத்துல எம்படிப்பை நிப்பாட்டிட்டேன். மின்சாரத்துக்காக போராடத் தொடங்கினேன். அதோட, குழந்தைகளுக்கும், பெரியவங்களுக்கும் காலை மாலை ரெண்டு நேரமும் பாடம் சொல்லித் தர்றேன். அதுனால வாத்தியார் சின்னையாங்கிற பேரு ஊருக்குள்ள நின்னுபோச்சு.

திண்டுக்கல், திருச்சி மாவட்ட எல்லையில் எங்க ஊரு இருக்கு. இது வனத்துறை ஏரியா. இப்படி பல விஷயங்கள் இருந்ததால் மின்சாரம் தர பயங்கரமாக யோசிச்சாங்க. அதனால் எங்க ஊருக்கு மின்சாரம் கிடைக்க 25 ஆண்டுகள் பல ஆபீசுகளுக்கு அலைஞ்சு போராடினேன்’ என்கிறார் சின்னைய்யா.

இந்த போராட்டத்துக்காக சின்னையா திருமணம் கூட செய்து கொள்ளவில்லையாம். இப்போது ஊருக்கு கரண்ட் வந்துவிட்டதால் கிராம மக்கள் இவருக்கு பெண் பார்த்துக் கொண்டிருக்கிறார்கள்.

இது எப்படி இருக்கு?

- இரா. கார்த்திகேயன்

md.thamim · md.thamim Sun Nov 11, 2012 1:45 am

கரண்டு வந்து தான் அவர் வாழ்க்கை விடியும் என இருந்துருக்காரு மனுசன்.... சின்னையா அந்த ஊருக்கு விளக்கு ஏத்திடாங்க ....ஊர் மக்கள் அவர் வாழ்க்கை விளக்கை ஏத்த பாக்குறாங்க !
நமது தமிழக அரசு 24 மணி நேரம் கரண்ட்டு கொடுத்தவனுக்கே டன்டனக்கா
அப்ப அவுங்களுக்கு?

இந்த பதிவைத் துவங்கியவர் நன்றி கூறியுள்ளார் md.thamim

ஹர்ஷித் · ஹர்ஷித் Mon Nov 12, 2012 9:58 am

ஒரு அடிப்படை தேவைக்காக தனிப்பட்ட மனிதன் 25 ஆண்டு காலம் போராடி வெற்றியும் பெற்றான் என்றால் இது யாருக்கு அசிங்கம்.
இதில என்ன ஒரு கொடுமை என்றால் மின் இணைப்பு பெற்ற கிராமமாக மாறினாலும் இப்பொழுதும் அந்த கிராமம் இருளில் தான் இருக்கும்

இந்திய ஒளிர்கிறது

Sponsored content · Sponsored content

கரண்ட் வந்தால் தான் கல்யாணம்!

கரண்ட் வந்தால் தான் கல்யாணம்!

Re: கரண்ட் வந்தால் தான் கல்யாணம்!

Re: கரண்ட் வந்தால் தான் கல்யாணம்!

Re: கரண்ட் வந்தால் தான் கல்யாணம்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக