தீ அணைப்பு நிலையம்! தீ அவிப்பு நிலையம்!...எது சரி?

**சாமி** · **சாமி** Sun Nov 25, 2012 7:52 am

தமிழ் நாட்டுத் தீயணைப்பு நிலையங்கள், தீயணைப்பு வண்டிகளைக் காண்கிறோம். அன்புடையாரை அணைக்கலாம்; தீயை அணைத்தால் தற்கொலையில்தான் முடியும். தீயணைப்பு என்பது தவறான சொல். தீயவிப்பு நிலையம், தீயவிப்பு வண்டி என்றே எழுதுதல் வேண்டும்.

÷நீதிநெறி விளக்கத்தில் குமரகுருபரர்,

"எள்ளிப் பிறர் உரைக்கும் இன்னாச்சொல் தன்னெஞ்சில்
கொள்ளிவைத் தாற்போல் கொடிதெனினும் - மெள்ள
அறிவென்னும் நீரால் அவித்தொழுகல் ஆற்றின்
பிறிதென்னும் வேண்டா தவம்''

என்றே பாடியுள்ளார். கலித்தொகையில் (144) பின் வரும்

"ஓஓ கடலே ஊர்தலைக் கொண்டு கனலும்
கடுந்தீயுள் நீர்பெய்தக் காலே சினந்தணியும்''

என்னும் அடிகளுக்கு உரையெழுதும் நச்சினார்க்கினியர் "கடலே! ஊரையெல்லாம் தனக்கு உள்ளாக்கிக் கொண்டு காந்தும் கடிய நெருப்புத் தன்னை அவிக்கும் நீரைச் சொரிய சினம் மாறும்' என்று "அவிக்கும்' என்ற சொல்லையே சரியாகப் பயன்படுத்தியுள்ளார். பேச்சு வழக்கிலும் எழுத்து வழக்கிலும் போதிய கவனம் செலுத்தாத காரணத்தால் நீக்க முடியாத அளவில் இன்று சொற்குற்றங்களும் பொருள் குற்றங்களும் இருவகை வழக்கிலும் இடம்பெற்று வளர்கின்றன.

இனி தீயை அணைக்க - தீயணைப்பு (ஆரத்தழுவுதல்) வேண்டாம்; தீயை அவிப்போம்! அரசு இதற்குத் தீர்வு காணும் நாள்
எந்நாளோ?

(நன்றி - தினமணி)

அச்சலா · அச்சலா Sun Nov 25, 2012 8:40 am

எனக்கு தெரியல..[You must be registered and logged in to see this image.]

அசுரன் · அசுரன் Sun Nov 25, 2012 8:44 am

தீயை அணைப்பது தீயணைப்பு வண்டிகளில் உள்ள நீரே... அன்றி அதில் உள்ள மனிதர்கள் அல்ல, அதனால் நீரும் தீயும் அணைந்தால் (ஆரத்தழுவினால்) தீ தானாக அவிழ்ந்து போகும். இப்படி கூட எடுத்துக்கொள்ளலாமே?

உங்கள் தகவலுக்கு நன்றி சாமி

**கா.ந.கல்யாணசுந்தரம்** · 28/02/2009

தினமணி கட்டுரையில் வந்தபடி தீயவிப்பு சரியாக இருக்கும்.

தீயணைப்பு : தீயை அணைத்து தழுவி காப்பாற்றுதல் என்றுதான் பொருள் தரும்.

அசுரன் · அசுரன் Sun Nov 25, 2012 8:54 am

இட்லி புட்டு இவைகளையும் அவிக்கிறோமே அதற்கு என்ன பொருள்?

யினியவன் · யினியவன் Sun Nov 25, 2012 9:38 am

தீயை நீர் அனைத்து மக்களை காப்பாற்றுகிறது என கொள்ளலாமா?

பூவன் · பூவன் Sun Nov 25, 2012 9:41 am

அசுரன் wrote:இட்லி புட்டு இவைகளையும் அவிக்கிறோமே அதற்கு என்ன பொருள்?

அதுக்கு பேர் அவியல் தான்

றினா · றினா Sun Nov 25, 2012 6:11 pm

அசுரன் wrote:தீயை அணைப்பது தீயணைப்பு வண்டிகளில் உள்ள நீரே... அன்றி அதில் உள்ள மனிதர்கள் அல்ல, அதனால் நீரும் தீயும் அணைந்தால் (ஆரத்தழுவினால்) தீ தானாக அவிழ்ந்து போகும். இப்படி கூட எடுத்துக்கொள்ளலாமே?

இதுதான் சரியென நானும் நினைக்கிறேன்.

யினியவன் · யினியவன் Sun Nov 25, 2012 6:15 pm

பூவன் wrote:அதுக்கு பேர் அவியல் தான்

இந்த எல்லா காய்கறிகளையும் போட்டு பண்றது?

Sponsored content · Sponsored content

தீ அணைப்பு நிலையம்! தீ அவிப்பு நிலையம்!...எது சரி?

தீ அணைப்பு நிலையம்! தீ அவிப்பு நிலையம்!...எது சரி?

Re: தீ அணைப்பு நிலையம்! தீ அவிப்பு நிலையம்!...எது சரி?

Re: தீ அணைப்பு நிலையம்! தீ அவிப்பு நிலையம்!...எது சரி?

Re: தீ அணைப்பு நிலையம்! தீ அவிப்பு நிலையம்!...எது சரி?

Re: தீ அணைப்பு நிலையம்! தீ அவிப்பு நிலையம்!...எது சரி?

Re: தீ அணைப்பு நிலையம்! தீ அவிப்பு நிலையம்!...எது சரி?

Re: தீ அணைப்பு நிலையம்! தீ அவிப்பு நிலையம்!...எது சரி?

Re: தீ அணைப்பு நிலையம்! தீ அவிப்பு நிலையம்!...எது சரி?

Re: தீ அணைப்பு நிலையம்! தீ அவிப்பு நிலையம்!...எது சரி?

Re: தீ அணைப்பு நிலையம்! தீ அவிப்பு நிலையம்!...எது சரி?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக