ஊழலுக்கு எதிராக ஒரு படம் : சமுத்திரக்கனி - சசிகுமார் திட்டம் .........

DERAR BABU · DERAR BABU Tue 25 Dec 2012 - 19:51

சமுத்திரக்கனிக்கும் சசிகுமாருக்கும் இடையே பேச்சு வார்த்தையே இல்லை என்று இன்டஸ்ட்ரியில் பலரும் கிசுகிசுக்க அதையெல்லாம் பொய்யாக்குகிற மாதிரி மீண்டும் இணைய திட்டம் வைத்திருக்கிறார்களாம் இருவரும்.

சினிமாவுல நல்ல நட்பா யாரு இருந்தாலும் அவங்களை பிரிக்க நினைக்கிற சக்திகள் நிறைய நடமாடுது. அந்த சதியில நாம சிக்கிட கூடாதுன்னு ஆரம்பத்திலேயே நானும் அவரும் பேசி வச்சுகிட்டோம்.

அதனால் எங்களை யாராலும் பிரிக்க முடியாது என்று இதற்கெல்லாம் விளக்கம் சொல்லும் சமுத்திரக்கனி விரைவாக இந்த படத்தை ஆரம்பித்துவிட வேண்டும் என்று துடியாய் துடிக்கிறாராம். இந்தியா எல்லா நாடுகளை விடவும் சிறப்பான நாடு. அதை முன்னேற விடாமல் தடுப்பதே ஊழல்தான் என்கிற கருத்தை மையப்படுத்துகிற மாதிரி ஒரு கதையையும் உருவாக்கிவிட்டார் அவர். இதை ஏழு மொழிகளில் வெளியிடவும் திட்டம் வைத்திருக்கிறார்களாம் இருவரும்.

பொதுவாகவே சசிகுமார் தன்னை எம்ஜிஆரின் திருவுருமாக காட்டுகிற முயற்சியில் இறங்கிவிட்டார். இவரைப் போல நல்லவர் உண்டா என்று சொல்கிற மாதிரியே ஒவ்வொரு படத்திலும் தன் கேரக்டர்களை அமைத்து வரும் இவர், இந்த படத்தில் எவ்வ்வ்வ்வ்வளவு நல்லவராக நடிக்கப் போகிறாரோ? சசியும் கனியும் போடுகிற திட்டங்களை பார்த்தால் இப்படத்தில் ஊழலுக்கு எதிராக இந்தியாவை உலுக்கிக் கொண்டிருக்கும் அரவிந்த் கெஜ்ரிவால் கூட ஒரு காட்சியில் நடித்தாலும் ஆச்சர்யமில்லை....

தமிழ் மீடியா