அழகான மீனா... அன்பான வித்யா!

மீனு · மீனு Thu Oct 15, 2009 5:45 pm

மீனா-வித்யாசாகர்

மீனாவின் இந்த வருட தீபாவளி நிஜமாகவே ஸ்பெஷல்தான். கடந்த வருடம் வரைக்கும் செல்வியாக இருந்தவருக்கு இந்த வருட தீபாவளி திருமதி அந்தஸ்தைக் கொடுத்து பெரிய மனுஷியாக்கியிருக்கிறது. தலை தீபாவளி கொண்டாட்டமெல்லாம் எப்படி? என்று மீனாவைக் கேட்டால், கல்யாண வெட்கம் இன்னும் முகத்தில் நிழலாடப் பேச ஆரம்பிக்கிறார்.

நமக்காகவே கடவுள் ஒருத்தரை படைச்சிருப்பான். அந்த வருங்காலக் கணவர் எப்படியிருக்கணும்? நமக்காகவே வாழ்பவராக இருப்பாரா? நமது சிந்தனையோடு இயைந்து போகிறவராக இருப்பாரா என்ற எண்ணம் ஒவ்வொரு பெண்ணுக்கும் இருக்கும். என்னைப் பொறுத்தவரை நான் அதிர்ஷ்டசாலி. நான் நினைத்த மாதிரியே எனக்குக் கணவர் அமைந்திருக்கிறார். வித்யாசாகரின் போட்டோவை முதலில் பார்த்ததுமே நான் கனவில் பார்த்துப் பழகியது போல ஒரு உணர்வு இருந்தது.

எனக்கு சங்கீதம்கூடத் தெரியும். ஆனால் சமையல் தெரியாது. ஆனால் திருமணத்திற்குப் பிறகு அவருக்காக நானே சமைக்க ஆரம்பித்திருக்கிறேன். நான் எது செய்தாலும், ஆஹா, பிரமாதம் என்று பாராட்டுகிற அவரது அன்புதான் எனக்குப் பெரிய சந்தோஷம். அந்த அன்புக்கு இந்த ஆண்டு தீபாவளியில் நிறைய பரிசு இருக்கு.

பெங்களுரில் பெரிய வீடு இருந்தாலும் இந்த தீபாவளிக்கு சென்னையில்தான் இருப்போம். திருமணத்திற்குப் பிறகு நடிக்க வேண்டும் என்ற என் ஆசைக்கு முட்டுக்கட்டை போடாதவர் அவர். அவரது அலுவலக சுமையை நானும் புரிந்துகொண்டிருக்கிறேன். வெளியூர் போவது, குறித்த நேரத்தில் வீட்டுக்கு வர இயலாவிட்டால் பொறுத்துக்கொள்வது என்று நானும் சராசரிக் குடும்பத் தலைவியாக மாறியிருக்கிறேன்.

எனக்குப் பிடித்த இந்த வாழ்க்கையை மனமார ரசிக்கிறேன். அவரும் ரசிக்கிறார். இந்த தீபாவளி வேட்டுச் சத்தங்களை எங்கள் திருமண வாழ்வின் அன்பைச் சொல்கிற கைதட்டல்களாகவே உணர்கிறோம் நாங்கள் இருவரும் என்றார் மீனா.

அடுத்த தீபாவளிக்குள் குவா குவா இருந்தால் அது இன்னும் சூப்பர் தீபாவளிதான் போங்கள்...

வித்யாசாகர் · வித்யாசாகர் Thu Oct 15, 2009 5:49 pm

இதே மகிழ்வோடு அவர்கள் கடைசி வரை வாழ இறைவனை பிரார்த்திப்போம் மீனு..

அழகான மீனா... அன்பான வித்யா!

அழகான மீனா... அன்பான வித்யா!

Re: அழகான மீனா... அன்பான வித்யா!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக