சமையலறை டிப்ஸ்…

**Muthumohamed** · **Muthumohamed** Sun Jan 20, 2013 10:23 pm

ரசம் தயாரிக்கும் போது தக்காளியை முதலிலேயே சேர்ப்பதைவிட
தக்காளியைத் துண்டுகளாக்கி நெய்யில் வதக்கி வைத்துக்கொண்டு
ரசம் தயாரித்து முடித்ததும் சேர்த்துவிட்டால், ரசம் தெளிவாகவும்
சுவையாகவும் இருக்கும்
-
>எம்.பாரதி முருகானந்தம்
-
—————————————–
-
வெண்ணெய் வாங்கி வந்ததும் அப்படியே ஃப்ரிட்ஜில் வைத்து
விடாமல், சிறு துண்டுகளாக்கி வைக்கவும். பிரெட்டுக்குத் தடவ,
பட்டர் தோசை சுட, பட்சண வகைகள் தயாரிக்க என பல்வேறு
சமயங்களில் தேவையான துண்டுகளை மட்டும் எடுத்துக்
கொண்டால், மீதி வெண்ணெய் அப்படியே ஃப்ரிட்ஜில் பல நாட்கள்
வரை கெட்டுப் போகாமல் இருக்கும்
=-
>லட்சுமி சீனிவாசன்
-
—————————————
-
சப்பாத்திகளை சுட்டதும், குறைந்தது ஒன்றிரண்டு மணி நேரம் சூடாகவும்
மிருதுவாகவும் வைத்திருக்க எளிய வழி …நாலு சப்பாத்திகள்
தயாரானதும், அலுமினிய ஃபாயில் பேப்பரில் சுற்றி வைத்து விடுங்கள்
இப்படி எல்லா சப்பாத்திகளையும் சுற்றி வைத்து விட்டால்…
தேவையானபோது பிரித்தெடுத்து சுவை குறையாமல் பரிமாறலாம்
-
>அமுதா

—————————————-
-
பாயசத்தில் முந்திரியை வறுத்துப் போடும்போது
சில சமயம் கருகிவிடும். நேரமானால் நமத்தும் விடும்.
அதற்குப் பதிலாக ஒரு கரண்டி பாயசத்தை எடுத்து, அதில்
முந்திரியை உடைத்துப்போட்டு, மிக்ஸியில் அரைத்து
பாயசத்தில் சேர்த்துவிட்டால், சுவை கூடும்.
-
>ஆர்.சூர்யா
-
—————————————-
-
வீட்டுக்கு வரும் விருந்தினர் சாப்பிட்டபிஇஇன் ஹோட்டல்களில்
கொடுப்பதைப் போல், வறுத்த சோம்பை நீங்களே தயாரித்துக்
கொடுக்கலாம்.
-
ஒரு கரண்டி சோம்பு எடுத்து வெறும் வாணலியில் ஒரு
நிமிடம் வறுத்தால் மொறுமொறு என்றாகிவிடும், அதையொரு
தட்டில் கொட்டிவிட்டு, அதே வாணலியில் நாலு ஸ்பூன்
தண்ணீர் சேர்த்து ஒரு நிமிடம் கிளறினால், நன்கு
கரைந்துவிடும். இதை சோம்பில் கொட்டிக்கிளறி ஆறவிட்டு,
ஒரு டப்பாவில் போட்டு, மூடி வைத்துக் கொள்ளுங்கள்.
தேவையானபோது, எடுத்துப் பயன்படுத்துங்கள்.
-
>>லட்சுமிசுந்தரம்
-
=========================================

நன்றி: அவள் விகடன்