புதுவை அரசுப் பேருந்துகளில் கண்காணிப்பு கேமராக்கள்: குற்றங்களை களைய உதவுமா?!

http://puthiyathalaimurai.tv/wp-content/uploads/2013/01/bus-1.png
முன்னோடி திட்டமாக கருதப்படும் ஒரு திட்டத்தை நாட்டிலேயே முதன்முறையாகத் தொடங்கி உள்ளது புதுச்சேரி அரசு. அரசுப் பேருந்துகளில் கண்காணிப்பு கேமராக்கள் பொருத்தும் திட்டம் பரவலான வரவேற்பை பெற்றிருக்கிறது.
நாட்டிலேயே முதன்முறையாக அரசு பேருந்துகளில் கண்காணிப்பு கேமராக்களைப் பொருத்துவதற்கான சோதனை முயற்சியை வெற்றிகரமாக நிறைவேற்றி இருக்கிறது புதுச்சேரி அரசு. புதுவை நகரில் இருந்து கிராமப்புறத்திற்குச் செல்லும் பேருந்து ஒன்றில் இந்த சோதனை நடத்தப்பட்டுள்ளது. இதன் வெற்றியை அடுத்து, புதிதாக வாங்கப்பட்டுள்ள 14 பேருந்துகளில் 40 லட்சம் ரூபாய் செலவில் கண்காணிப்புகேமராக்களைப் பொருத்த முடிவு செய்துள்ளது புதுச்சேரி அரசு. பேருந்துகளில் கேமராக்கள் பொருத்தப்படுவதில் ஏராளமான நன்மைகள் இருப்பதாக கூறுகிறார் புதுவை போக்குவரத்து கழக அதிகாரி தேவராஜ்.
http://puthiyathalaimurai.tv/wp-content/uploads/2013/01/bus-3png.png
குற்றங்கள் குறையும்: பேருந்துகளில் கேமராக்கள் பொருத்தப்படும் அரசின் திட்டம் நல்ல பலனை தரும் என்கின்றன புதுவை மகளிர் நலஅமைப்புகள்.
அரசுக்கு கோரிக்கை: அரசின் இந்த திட்டத்தை வரவேற்றுள்ளபுதுவை மக்கள், காவல் கட்டுப்பாட்டு அறையுடன் பேருந்துகளில் உள்ள கேமராக்களின் பதிவுகளை இணைப்பதன் மூலம் பேருந்துகளில் நிகழும் குற்றங்களை முழுமையாக தவிர்க்க முடியும் என்று நம்பிக்கைத் தெரிவித்துள்ளனர்.
http://puthiyathalaimurai.tv/wp-content/uploads/2013/01/bus-2.png
டெல்லியில் ஓடும் பேருந்து ஒன்றில் கல்லூரி மாணவி ஒருவர் பாலியல் வன்கொடுமைக்குள்ளாக்கப்பட்டதை அடுத்து, பேருந்து பயணங்கள் பல்வேறு கேள்விகளைஎழுப்பியுள்ளன. இந்த சூழ்நிலையில் புதுவையில் செயல்படுத்தப்பட்டுள்ள இந்த திட்டம் நாட்டுக்கே முன்னோடியாக இருக்கும் என்று கூறப்படுகிறது.
காணொளி: http://puthiyathalaimurai.tv/video-gallery?video=1044
-
புதிய தலைமுறை

நன்மை தரும் என்றே கருதலாம் .. பிக்பொக்கெட் திருடர்கள் கொலை கொள்ளை போன்றவற்றை செய்பவர்களின் போட்டோ கிடைக்கும் ..