சென்னை பொறியாளர்கள் கண்டுபிடிப்பு பாலியல் தொந்தரவு செய்தால் ''ஷாக்''தரும் உள்ளாடை

http://www.dinakaran.com/data1/DNewsimages/Tamil-Daily-News_15309870244.jpg
அகமதாபாத் : பாலியல் வன்கொடுமைகளிலிருந்து பெண்களை காப்பதற்காக ''ஷாக்''அடிக்கும் உள்ளாடையை சென்னையைச் சேர்ந்த பொறியாளர்கள் கண்டுபிடித்துள்ளனர்.
-
பிரா போன்ற பெண்களின் உள்ளாடையில் 3,800 கி.வோல்ட் ‘ஷாக்’ அடிக்கும் அமைப்பு மற்றும் ஜிபிஎஸ், ஜிஎஸ்எம் கருவிகளை இணைத்து புதிய சாதனம் கண்டுபிடிக்கப்பட்டுள்ளது. சென்னையைச் சேர்ந்த ஆட்டோமொபைல் இன்ஜினியர்கள்மணிஷா மோகன், ரிம்பி திரிபாதி, நீலாத்ரி பாசுபால் ஆகியோர் இணைந்து இதை கண்டுபிடித்துள்ளனர்.
-
இது குறித்து அவர்கள் கூறியதாவது:
டெல்லியில் சமீபத்தில் ஒரு கும்பலால் இளம்பெண் பலாத்காரம் செய்யப்பட்டு இறந்தது, பெங்களூரில் சாப்ட்வேர் நிறுவனத்தில் பணியாற்றிய பெண் பலாத்காரம் செய்யப்பட்டது போன்ற சம்பவங்கள் மனதை மிகவும் பாதித்தன. பாதிக்கப்படும் பெண்கள் அலைக்கழிக்கப்படுவதாகவும் தெரிந்தது. இதற்கெல்லாம் முடிவு கட்டும் வகையில் புதிதாக ஏதாவது கண்டுபிடிக்க திட்டமிட்டோம். அதன் விளைவாக பிறந்ததுதான் இந்த கருவி. இதற்கு சமூக கவச சாதனம் என்பதன் சுருக்கமாக ஷீ (எஸ்.ஹெச்.சி) என்று பெயரிட்டுள்ளோம்.
-
இதன்படி, உள்ளாடை வடிவமைக்கும் போதே அதில் ஜிபிஎஸ், ஜிஎஸ்எம் கருவிகளைபொருத்தியுள்ளோம். இதை பயன்படுத்தும் பெண் பாலியல் வன்கொடுமைக்கு உள்ளாகும் போது, உடனடியாக போலீஸ் மற்றும்பெற்றோர்களுக்கு எச்சரிக்கை எஸ்எம்எஸ் அனுப்பும். மேலும், ஜிஎஸ்எம் செயல்படும் இடத்தை காட்டுவதால், சம்பவம் எங்கு நடக்கிறது என்பதும் தெரிய வரும். இதுமட்டுமின்றி 3,800 கி.வோல்ட் திறன் கொண்ட மின்சாரத்தை இது வெளிப்படுத்தும்.
இந்த அளவுக்கு ''ஷாக்'' அடித்தால், மீண்டும் அந்த பெண்ணை தொடவே பயப்படுவார்கள். 82 முறை ஷாக் அடிக்கும் திறன் இந்த கருவிக்கு உண்டு. இதை மேலும் மேம்படுத்த முயன்று வருகிறோம். விரைவில் இதை வணிக ரீதியாக தயாரித்து விற்பனைக்கு அனுப்புவோம். இந்த உள்ளாடையை துவைத்து பயன்படுத்தினாலும், கருவிகள் பாதிக்காமல் இருக்க ஏற்ற துணி வகையை தேர்வு செய்ய, தேசிய ஆடை வடிவமைப்பு நிறுவனத்தில் உள்ள நண்பரிடம் கேட்டுள்ளோம். இந்த கண்டுபிடிப்புக்கு, 2013ம் ஆண்டுக்கான காந்திய இளம் தொழில்நுட்ப விருது கிடைத்துள்ளது. இவ்வாறு அவர்கள் தெரிவித்தனர்.
-
தினகரன்

அப்படியே கொஞ்ச நேரம் கரண்ட்டு வரும்ன்னு சொன்னாங்கன்னா - நம்ம ஊர்ல லைட் பேன் போட்டுக்கலாம் இவற்றை பயன்படுத்தி - கரண்ட்டு பிரச்சினை குறையும்.

நல்ல கரண்டு மேட்டர் பவுன் ராஜ் பகிர்வுக்கு நன்றி

அப்ப இனி இவங்ககிட்ட தொந்தரவு பண்ணுறவங்க ஷாக் அடிக்காம இருக்க "எர்த்" ரெடி பண்ணிட்டு போவாங்கன்னு நினைக்கிறேன்