என்று மாறும் தேசம் ?

shenbagakumar · shenbagakumar Sun Sep 29, 2013 10:33 pm

விவசாயிக்கு பத்மஸ்ரீ, மதிக்காத மீடியாக்கள்!

புதுச்சேரி மாநிலம், கூடப்பாக்கம் கிராமத்தைச் சேர்ந்தவர் வெங்கடபதி என்ற விவசாயிக்கு நேற்று பத்மஸ்ரீ விருது டெல்லியில் வழங்கப்பட்டது. தனது 19-வது வயது முதலே விவசாயத்தில் ஈடுபடத் தொடங்கினார். தனது முதல் ஆராய்ச்சியில் உருவான கனகாம்பரம் செடியை 1970-ல் அறிமுகம் செய்தார். 100 ரகங்களை அறிமுகம் செய்துள்ளார். சவுக்கு மரத்தில் 100 புதிய ரகங்களைக் கண்டறிந்துள்ளார். மூன்று தலைமுறையாகவே விவசாயத்தில் ஈடுபடும் குடும்பத்தில் பிறந்த வெங்கடபதி, 4-வது வரை மட்டுமே படித்தவர் என்பது குறிப்பிட தக்கது.

இப்படிபட்டவர் பத்மஸ்ரீ விருது வாங்கியதை பெருமையாக வெளியில் சொல்ல வேண்டிய அரசங்கமே அவரது தனி புகைப்படத்தை வெளியிடவில்லை. ஊடகங்கள் ஒரு சிலவற்றை தவிர, இந்த செய்தியை யாருமே வெளியிடவில்லை. விவசாயம்தான் மனிதர்களுக்கு உயிர் நாடி. ஆனால், பொழுதுபோக்கு அம்சங்களான சினிமா, இசை, விளையாட்டு போன்றவற்றுக்காக விருது வாங்கியவர்களை எல்லாம் முன்னிலை படுத்துபவர்கள், விவசாயியை மதிக்க தவறிவிட்டனர்.

பத்மஸ்ரீ விருது வாங்கியவர்களுக்கான பாராட்டு விழாவை புது தில்லி தமிழ்ச் சங்கம் நடத்தியது. அதுகுறித்த விளம்பரம் இரண்டு தினங்களுக்கு முன்பே, தினசரிகளில் வெளிவந்தது. அந்த விளம்பரத்தில் விவசாயி வெங்கடபதியின் பெயர் இடம் பெறவில்லை. ‘பசுமை விகடன்' மூலம் தில்லி தமிழ் சங்க நிர்வாகிகளின் கவனத்திற்கு இந்த தகவலை கொண்டு சென்றோம். ‘‘கட்டாயம் அவரை அழைத்து பாராட்டுகிறோம்'' என்று சொன்னவர்கள், அதன்படியே சிறப்பாக பாராட்டியும் உள்ளார்கள்.

இதுவே ஒரு சினிமா நட்சத்திரம் வாங்கி இருக்கிறார் என்றால் எத்தனை குடம் பாலாபிசேகம் , வானுயர கட்டவுட்டுகள் , வெடி என ஊரையே அமர்க்களப் படுத்தி இருப்பார்கள் ........முகநூல்

யினியவன் · யினியவன் Mon Sep 30, 2013 1:55 am

கண்ணுக்கு தெரியாமல் நாட்டுக்கு நல்லது செய்பவர்கள் இப்படித்தான் பெயர் புகழ் இன்றி போகிறார்கள் - ஆனால் அவர்கள் இந்த புகழை எண்ணி நல்லது செய்யவில்லை என்பதே அதனினும் மிக சிறப்பு.

வாழ்த்துகள் நம் விவசாயிக்கு.

அசுரன் · அசுரன் Mon Sep 30, 2013 9:01 am

வியாபார நோக்குடன் இன்று பத்திரிக்கைகள் மாறிவிட்டன. இதை மாற்ற முடியாது

ராஜு சரவணன் · ராஜு சரவணன் Mon Sep 30, 2013 9:13 am

பத்திரிக்கை துறையினரும் தமிழையும் தமிழ் மக்களை வைத்து அரசியல்வாதிகள் அரசியல் நடத்துவது போல் இவர்களும். பிழைப்பு நடத்த ஆரம்பித்து பல ஆண்டுகள் ஆகிவிட்டது

**M.M.SENTHIL** · **M.M.SENTHIL** Mon Sep 30, 2013 1:20 pm

சேற்றில் அவன் கால் வைக்கவில்லையெனில்
சோற்றில் கை வைக்க முடியாத பத்திரிகை நண்பா,
ஹன்ஸிகா, திரிசாவெல்லாம் உனக்கு கலர் படம்
உண்மை விவசாயிக்கு ஏனில்லை நிழற்படம்

ஒருதலை பட்சம்தான் உங்களுக்கு கற்றுக்கொடுத்த பாடமா?
இது உங்கள் தொழிலின் நியாயமா?