மத்திய அமைச்சர் கோபிநாத் முண்டே மரணம்

மத்திய கிராமப்புற வளர்ச்சித்துறை அமைச்சர் கோபிநாத் முண்டே, சாலை விபத்தில் சிக்கி மரணம் அடைந்தார். டில்லி விமான நிலையம் அருகே இவருடைய கார் மீது எதிரே வந்த வாகனம் மோதியதில் விபத்து நிகழ்ந்தது. இதில் காயம்அடைந்த அமைச்சர் கோபிநாத் முண்டே, எய்ம்ஸ் மருத்துவமனையில் சேர்க்கப்பட்டார். ஆனால் சிகிச்சை பலன் அளிக்காமல் மத்திய அமைச்சர் முண்டேஅமைச்சர்கள் ஹர்ஷவர்தன், கடகாரி ஆகியோர் மருத்துவ மனைக்கு விரைந்தனர்.

கோபிநாத் முண்டேக்கு தலையிலும் மார்பிலும் காயம் ஏற்பட்டதாகவும், ரத்தம் பெருமளவில் வெளியேறி இருப்பதாகவும் டாக்டர்கள் தெரிவித்தனர். சிகிச்சையின்போது அவருக்கு மாரடைப்பு ஏற்பட்டதால் அவர் உயிர் பிரிந்ததாகவும், உடன் இருந்த அமைச்சர் ஹர்ஷவர்தன் தெரிவித்தார்.

தகவல் அறிந்த அமைச்சரின் குடும்பத்தினர் எய்ம்ஸ் மருத்துவமனைக்கு வந்து சேர்ந்தனர். அங்கு அவர்கள் அனைவரும் கதறி அழுதனர். கோபிநாத்துக்கு அஞ்சலி செலுத்த பா.ஜ., தலைவர்கள் எய்ம்ஸ் மருத்துவமனைக்கு விரைந்துள்ளனர். அவருடைய உடல் பொது மக்கள் அஞ்சலிக்காக, பா.ஜ., அலுவலகத்தில் வைக்கபபடும் என்று அமைச்சர் ஹர்ஷவர்தன் தெரிவித்தார்.

"பேரிழப்பு" மோடி இரங்கல்:

கோபிநாத் முண்டே மரணம், நாட்டுக்கும் அரசுக்கும் பேரிழப்பு என்று பிரதமர் மோடி தெரிவித்துள்ளார். டுவிட்டரில் மோடி மேலும் கூறியிருப்பதாவது: என்னுடைய நண்பரும் அமைச்சரவை சகாவுமான கோபிநாத் முண்டே மரணம் அறிந்து அதிர்ச்சி அடைந்தேன். அவருடைய மரணம் நாட்டுக்கும் அரசுக்கும் பேரிழப்பு. அவர் ஒரு மக்கள் தலைவர். சமுதாயத்தின் பிற்பட்ட பிரிவைச் சேர்ந்த அவர், மக்களுக்கு அயராது உழைத்ததால், இந்த அளவுக்கு உயர்ந்தார். துடிப்பான ஒரு தலைவர், இவ்வளவு விரைவில் நம்மை விட்டு பிரிந்தது, நிரப்ப முடியாத வெற்றிடத்தை ஏற்படுத்தி உள்ளது. அவருடைய குடும்பத்தினருக்கு என்னுடைய இரங்கலைத் தெரிவித்துக் கொள்கிறேன்.

மகாராஷ்டிரத்தைச் சேர்நதவர்:

கோபிநாத் பாண்டுரங்க முண்டே (வயது 64) 1949ம் ஆண்டு பிறந்தார். பாரதிய ஜனதா கட்சியின் மூத்த தலைவர்களில் ஒருவரான இவர் மத்திய ஊரக வளர்ச்சித்துறை அமைச்சராக பிரதமர் மோடி அமைச்சரவையில் கடந்த 26ம் தேதி பொறுப்பேற்றார்.

5 முறை எம்.எல்ஏ.,வாக இருந்தவர்:

இவர், மகாராஷ்டிர சட்ட சபை உறுப்பினராக ஐந்து முறை (1980-1985, 1990-2009) இருந்துள்ளார். 1992-1995 ஆண்டுகளில் மகாராஷ்டிர சட்ட சபையில் எதிர்க்கட்சித் தலைவராக இருந்துள்ளார். 1995-1999ல் துணை முதல்வராகப் பொறுப்பு வகித்துள்ளார். 2009ம் ஆண்டு 15வது லோக்சபாவுக்குத் தேர்ந்தெடுக்கப்பட்டு லோக்சபா பா.ஜ., துணைத்தலைவராகப் பணியாற்றினார்.

-- dinamalar

அன்னாரது ஆன்மா சாந்தியடைய பிரார்த்திப்போம்...