ஆம்புலன்ஸ் ஊழல் வழக்கு: கார்த்தி சிதம்பரம் மீது வழக்கு

இலவச ஆம்பூலன்ஸ் சேவையில் ரூ.2.56 கோடி நிதி முறைகேடு செய்துள்ளதாக ராஜஸ்தான் மாநில முன்னாள் முதல்வர் அசோக்கெலாட் மற்றும் முனனாள் மத்திய அமைச்சர் சச்சின் பைலட் உள்ளிட்டோர் மீது வழக்கு பதிவு செய்யப்பட்டுள்ளது.

இவ்வழக்கு குறித்து விசாரணை நடத்தி வரும் அதிகாரி சாவந்த்சிங் கூறியதாவது :மாநிலத்தில் சுகதாதாரத்திட்டத்தின் கீழ் இலவச ஆம்புலன்ஸ் சேவையான 108 சேவையை இயக்குவதில் கடந்த 2010-11-ம் ஆண்டில் சுகாதார நிறுவனம் ஒன்றிற்கு சாதகமாக செயல்பட்டதாகவும் இதன்காரணமாக சுமார் 2.56 கோடி ரூபாய் வரையில் நிதி மோசடி நடைபெற்றுள்ளதாக ஜெய்ப்பூர் மாநகராட்சி மேயர் பங்கஜ் ஜோஷி போலீசில் புகார் அளித்துள்ளார்.

புகாரி்ன் அடிப்படையில் நடத்தப்பட்ட விசாரணையில் மாநிலத்தின் முன்னாள் சுகாதாரத்துறை அமைச்சர் ஏ.ஏ.கான், முன்னாள் மத்தியநிதியமைச்சர் சிதம்பரத்தின் மகன் கார்த்தி சிதம்பரம், முன்னாள் மத்திய அமைச்சர் வயலார் ரவியி்ன் மகன் ரவி கிருஷ்ணா, ஸ்வேதா மங்கள், கேரள மாநில முதல்வர் உம்மன்சாண்டியின் பொருளாதார ஆலோசகர் ஷபி மாதர், சுகாதாரநிறுவனத்தின் தலைமை செயல் இயக்குனர் ஆகியோர் மீது எப்.ஐ.ஆர்., போடப்பட்டுள்ளது.

புகார் குறித்து வி்சாரணை நடத்திய பின்னர் மருத்துவ துறை பதிவுகளை தணிக்கை உள்ளிட்ட பல்வேறு ஆதாரங்களின் அடிப்படையில் வழக்குபதிவு செய்யப்பட்டுள்ளதாக விசாரணை அதிகாரி தெரிவித்தார்.

இந்த முறைகேடு குறித்து அப்போது எதிர்க்ட்சியாக இருந்த பா.ஜ., சட்டசபையில் கோரிக்கையாக எழுப்பப்பட்ட போது ஆளும் காங்கிரஸ்கட்சி நிராகரித்தது.

தன் மீதான புகார் குறித்து சச்சின் பைலட் கூறுகையில் மாநில அரசின் பழிவாங்கும் நடவடிக்கையாக இது உள்ளது. தேவைப்பட்டால் ஐகோர்ட் நீதிபதி தலைமையி்ல் ஒரு விசாரணை குழுவை அமைத்து விசாரணை மேற்கொள்ளட்டும் என்றும், என்மீது குற்றச்சாட்டு நிருபி்க்கப்படா விட்டால் முதல்வர் தன்னுடைய பதவியை ராஜினாமா செய்ய வேண்டும் என கூறியுள்ளார்.

இத்தகைய செயல் மாநில அரசின் அரசியல் பழிவாங்கும் நடவடிக்கையாக உள்ளது என காங்கிரஸ் செய்தி தொடர்பாளர் கூறியுள்ளார். இதை மறுத்துள்ள பா.ஜ.,செய்தி தொடர்பாளர் அர்ச்சனா சர்மா மாநில அரசின் பழிவாங்கும் நடவடிக்கை எதுவும் இல்லை என தெரிவித்துள்ளார்.

-- தினமலர்

திங்கிறது எல்லாம் தின்னுட்டு அத தப்புன்னா ஒடனே இது எதிர்கட்சி சதி பழிவாங்கும் நடவடிக்கை அப்பிடின்னு, இவனுகள எல்லாம் வெளிய வராத மாதிரி தூக்கி உள்ள போடனும் திருட்டு பசங்க.